വാഷിംഗ്ടണ്‍: വെനിസ്വേലയിലെ ആകാശപാത 'പൂര്‍ണ്ണമായും അടഞ്ഞു' എന്ന് ട്രംപ്. വാഷിംഗ്ടണ്‍ ഡി.സിയിലെ നാഷണല്‍ ഗാര്‍ഡ് അംഗങ്ങള്‍ക്കെതിരായ വെടിവയ്പ് സംഭവത്തെക്കുറിച്ച് പ്രതികരിച്ചുകൊണ്ടാണ് പ്രസിഡണ്ട് ഡോണള്‍ഡ് ട്രംപ് വെനിസ്വേലയിലെ ആകാശപാത 'പൂര്‍ണ്ണമായും അടഞ്ഞുവെന്ന' പ്രഖ്യാപനം നടത്തിയത്.
ശനിയാഴ്ച പുറത്തുവിട്ട സോഷ്യല്‍ മീഡിയ സന്ദേശത്തിലാണ് ട്രംപ് എല്ലാ എയര്‍ലൈന്‍സുകള്‍ക്കും പൈലറ്റുകള്‍ക്കും 'മയക്കുമരുന്ന് കടത്തുകാര്‍ക്കും മനുഷ്യക്കടത്തുകാര്‍ക്കും' മുന്നറിയിപ്പ് നല്‍കിയത്. യുഎസ് എന്ത് നടപടികളാണ് സ്വീകരിക്കാനിരിക്കുന്നത് എന്നതില്‍ വ്യക്തതയില്ല.
വെനിസ്വേലയിലെ ആകാശത്ത് സുരക്ഷാ പ്രശ്‌നങ്ങള്‍ രൂക്ഷമാകുന്നതായി കഴിഞ്ഞ ആഴ്ച എഫ് എ എ ( FAA ) മുന്നറിയിപ്പ് നല്‍കിയിരുന്നു. സൈനികസാന്നിധ്യം കൂടുകയും സുരക്ഷാ സാഹചര്യം മോശമാകുകയും ചെയ്ത സാഹചര്യത്തില്‍ അന്താരാഷ്ട്ര വിമാനങ്ങള്‍ കാരക്കാസിലേക്കുള്ള സര്‍വീസുകള്‍ നിര്‍ത്തിവെച്ചിരുന്നു.
അതേസമയം, റഷ്യ-യുക്രെയിന്‍ യുദ്ധം അവസാനിപ്പിക്കാന്‍ വൈറ്റ് ഹൗസ് നടത്തുന്ന ശ്രമങ്ങള്‍ക്ക് ഫ്‌ളോറിഡയില്‍ പുതിയ തുടക്കമാവുകയാണ്. സ്‌റ്റേറ്റ് സെക്രട്ടറി മാര്‍ക്കോ റൂബിയോ, പ്രത്യേക ദൂതന്‍ സ്റ്റീവ് വിറ്റ്‌കോഫ്, ട്രംപിന്റെ മരുമകന്‍ ജാരെഡ് കുഷ്‌നര്‍ എന്നിവരടങ്ങുന്ന യുഎസ് സംഘം ഞായറാഴ്ച യുക്രെയിന്‍ പ്രതിനിധികളുമായി കൂടിക്കാഴ്ച നടത്തും.
റഷ്യന്‍ നേതാക്കളുമായി ചര്‍ച്ചകള്‍ക്കായി വിറ്റ്‌കോഫും കുഷ്‌നറും ഇതിനകം റഷ്യയിലെത്തിയ സാഹചര്യത്തിലാണ് ഈ യോഗം നടക്കുന്നത്. യുക്രെയിനുമായുള്ള സംഭാഷണങ്ങള്‍ക്ക് ആര്‍മി സെക്രട്ടറി ഡാന്‍ ഡ്രിസ്‌കോള്‍ ആണ് നേതൃത്വം നല്‍കുന്നത്.
ട്രംപിന്റെ പ്രഖ്യാപനത്തിനെക്കുറിച്ച് വൈറ്റ് ഹൗസ് ഇതുവരെ പ്രതികരിച്ചിട്ടില്ല.
വെനിസ്വേലയിലെ ആകാശപാത 'പൂര്‍ണ്ണമായും അടഞ്ഞു' എന്ന് ട്രംപ്; റഷ്യ-യുക്രെയിന്‍ സമാധാന ചര്‍ച്ചകള്‍ക്ക് ഫ്‌ളോറിഡയില്‍ പുതിയ ഘട്ടം
