തെഹ്റാന്: ഇടനിലക്കാര് വഴി നല്കിയ വെടിനിര്ത്തല് നിര്ദ്ദേശങ്ങള്ക്കുള്ള മറുപടിയായി തങ്ങളുടെ നിലപാടുകളും ആവശ്യങ്ങളും രൂപപ്പെടുത്തുകയാണെന്ന് ഇറാന് വിദേശകാര്യ മന്ത്രാലയ വക്താവ് പറഞ്ഞു. ചര്ച്ചകള് 'യുദ്ധക്കുറ്റങ്ങള് ചെയ്യുമെന്ന അന്ത്യശാസനങ്ങള്ക്കും ഭീഷണികള്ക്കും അനുയോജ്യമല്ല' എന്നും ഇറാന് കൂട്ടിച്ചേര്ത്തു.
ദേശീയ താത്പര്യങ്ങളെ അടിസ്ഥാനമാക്കിയുള്ള ഒരു കൂട്ടം ആവശ്യകതകള് തെഹ്റാനിലുണ്ടെന്ന് വക്താവ് ഇസ്മയില് ബഗായി പറഞ്ഞു. അക്കാര്യം ഇതിനകം ഇടനിലക്കാര് വഴി അറിയിച്ചിരുന്നു. 15-ഇന പദ്ധതി പോലുള്ള മുന് യു എസ് ആവശ്യങ്ങള് 'അമിതമായത്' എന്ന കാരണത്താല് നിരസിക്കപ്പെട്ടുവെന്നും കൂട്ടിച്ചേര്ത്തു.