കൊളംബോ: ഡിറ്റ് വാ ചുഴലിക്കാറ്റുമായി ബന്ധപ്പെട്ടുണ്ടായ കനത്ത മഴയില്‍ ശ്രീലങ്കയില്‍ 56 പേര്‍ മരിച്ചതായി റിപ്പോര്‍ട്ട്. 23 പേരെ കാണാതായതായും അധികൃതര്‍ വ്യക്തമാക്കി.
തേയില കൃഷി കൂടുതലുള്ള ബദുള്ള ജില്ലയില്‍ രാത്രിയില്‍ ഉണ്ടായ മണ്ണിടിച്ചിലില്‍ വീടുകള്‍ ഒളിച്ചുപോയി 21 പേര്‍ മരിച്ചതായി ദുരന്ത നിവാരണ അതോറിറ്റി റിപ്പോര്‍ട്ട് ചെയ്യുന്നു. 43,991 പേരെ സ്‌കൂളുകളിലേക്കും പൊതു ഷെല്‍ട്ടറുകളിലേക്കും മാറ്റിപ്പാര്‍പ്പിച്ചു.
ദ്വീപിന്റെ കിഴക്കന്‍, മധ്യ മേഖലകളില്‍ ഒരു ദിവസത്തിനുള്ളില്‍ 300 മില്ലിമീറ്ററിലധികം മഴ പെയ്തതിനെത്തുടര്‍ന്നുണ്ടായ മണ്ണിടിച്ചിലിലാണ് നാശനഷ്ടങ്ങളുണ്ടായത്.
ഡിറ്റ് വാ ചുഴലിക്കാറ്റ് കരതൊടാനിരിക്കെ, ചെന്നൈയിലെ ഐഎംഡിയുടെ പ്രാദേശിക കാലാവസ്ഥാ കേന്ദ്രം തെമിഴ്നാട്ടിലെ നിരവധി ജില്ലകള്‍ക്ക് യെലോ അലേര്‍ട്ടും സംസ്ഥാനത്തുടനീളം ജാഗ്രതാ നിര്‍ദേശവും പുറപ്പെടുവിച്ചു.