വാഷിംഗ്ടണ്: ഇറാനുമായുള്ള യുദ്ധം പരിഹരിക്കുന്നതിനെക്കുറിച്ചുള്ള പുതിയ ഇറാനിയന് നിര്ദ്ദേശത്തെക്കുറിച്ച് യു എസ് പ്രസിഡന്റ് ഡൊണാള്ഡ് ട്രംപ് ഉന്നത ദേശീയ സുരക്ഷാ ഉദ്യോഗസ്ഥരുമായി ചര്ച്ച ചെയ്തതായി വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ് മാധ്യമ പ്രവര്ത്തകരോട് പറഞ്ഞു.
എന്നാല് ഹോര്മുസ് കടലിടുക്ക് തുറക്കുമെന്നും ഇറാന്റെ ആണവ പദ്ധതി പിന്നീട് ചര്ച്ച ചെയ്യുമെന്നുമുള്ള നിര്ദ്ദേശത്തെക്കുറിച്ച് ലീവിറ്റ് അഭിപ്രായം പറഞ്ഞില്ല. എന്നാല് ട്രംപിന്റെ അടിസ്ഥാന ആവശ്യങ്ങള് അതേപടി തുടരുമെന്ന് അവര് പറഞ്ഞു.
ഹോര്മുസ് കടലിടുക്ക് എണ്ണ ഗതാഗത ജലപാത തുറക്കണമെന്നും ഇറാന് അതിന്റെ സമ്പുഷ്ടമായ 'യുറേനിയം' കൈമാറണമെന്നും ട്രംപ് ആഗ്രഹിക്കുന്നു. ഈ വിഷയത്തില് പ്രസിഡന്റില് നിന്ന് നേരിട്ട് കേള്ക്കാമെന്നും അവര് പറഞ്ഞു.