മെക്സിക്കോ സിറ്റി: ഫിഫ ലോകകപ്പ് 2026ന്റെ ഉദ്ഘാടന മത്സരത്തിൽ ആതിഥേയരായ മെക്സിക്കോയ്ക്ക് മികച്ച തുടക്കം. എസ്റ്റാഡയോ അസ്റ്റെക്ക സ്റ്റേഡിയത്തിൽ നടന്ന മത്സരത്തിൽ ദക്ഷിണാഫ്രിക്കയെ എതിരില്ലാത്ത രണ്ട് ഗോളുകൾക്ക് മെക്സിക്കോ പരാജയപ്പെടുത്തി.
മത്സരത്തിന്റെ ഒമ്പതാം മിനിറ്റിൽ ജൂലിയൻ ക്വനോനസാണ് മെക്സിക്കോയ്ക്ക് ലീഡ് സമ്മാനിച്ചത്. ആദ്യ പകുതിയിൽ തന്നെ മറ്റൊരു അവസരം ലഭിച്ചെങ്കിലും അദ്ദേഹത്തിന്റെ ഷോട്ട് പോസ്റ്റിൽ തട്ടി മടങ്ങി. രണ്ടാം പകുതിയിൽ ആക്രമണം ശക്തമാക്കിയ മെക്സിക്കോയ്ക്ക് വേണ്ടി 67ാം മിനിറ്റിൽ റൗൾ ജിമിനസ് രണ്ടാം ഗോൾ നേടി. മനോഹരമായ ഹെഡറിലൂടെയായിരുന്നു ഗോൾ.
ഗോളുകൾക്കൊപ്പം ചുവപ്പ് കാർഡുകളും മത്സരത്തെ ശ്രദ്ധേയമാക്കി. ദക്ഷിണാഫ്രിക്കൻ താരങ്ങളായ യായ സതോലെയും തെംബ സ്വാനെയും പുറത്താക്കപ്പെട്ടപ്പോൾ മെക്സിക്കോയുടെ സീസർ മോണ്ടസിനും ചുവപ്പ് കാർഡ് ലഭിച്ചു. ഇതോടെ മത്സരം ആവേശകരവും നാടകീയവുമായ വഴിത്തിരിവുകളിലൂടെ കടന്നു.
അമേരിക്ക, കാനഡ, മെക്സിക്കോ എന്നീ രാജ്യങ്ങൾ സംയുക്തമായി ആതിഥേയത്വം വഹിക്കുന്ന ഈ ലോകകപ്പ് 48 ടീമുകൾ പങ്കെടുക്കുന്ന ആദ്യ ടൂർണമെന്റാണ്. 2010 ലോകകപ്പിന്റെ ഉദ്ഘാടന മത്സരത്തിൽ മെക്സിക്കോയും ദക്ഷിണാഫ്രിക്കയും 11 സമനിലയിൽ പിരിഞ്ഞിരുന്നു. 16 വർഷങ്ങൾക്ക് ശേഷം വീണ്ടും ഏറ്റുമുട്ടിയപ്പോൾ വിജയം മെക്സിക്കോയ്ക്കൊപ്പമായി.
ലോകകപ്പ് ഉദ്ഘാടന മത്സരത്തിൽ മെക്സിക്കോയ്ക്ക് വിജയം; 2-0ന് ദക്ഷിണാഫ്രിക്കയ്ക്ക് തോൽവി
