കൊല്ലം: മുന് മന്ത്രിയും ആര്എസ്പി നേതാവുമായിരുന്ന അന്തരിച്ച ബേബി ജോണിന്റെ മകനും ആര്എസ്പി സംസ്ഥാന സെക്രട്ടറി ഷിബു ബേബി ജോണിന്റെ ജ്യേഷ്ഠസഹോദരനുമായ ഷാജി ബേബി ജോണ് (65) ബാംഗ്ലൂരിലെ മണിപ്പാല് ഹോസ്പിറ്റലില് അന്തരിച്ചു. ഭാര്യ റീത്ത, മക്കള് ബേബി ജോണ് ജൂനിയര്, പീറ്റര് ജോണ്.
മൃതദേഹം ചൊവ്വാഴ്ച രാവിലെ കൊല്ലം ശങ്കേഴ്സ് ഹോസ്പിറ്റലിന് സമീപമുള്ള വസതിയില് പൊതുദര്ശനത്തിന് വെക്കും. തുടര്ന്ന് ഉച്ചയ്ക്ക് രണ്ടുമണിക്ക് നീണ്ടകരയിലെ കുടുംബവീടായ വയലില് വീട്ടില് എത്തിക്കും.
മൂന്ന് മണിക്ക് നീണ്ടകര സെന്റ് സെബാസ്റ്റ്യന് പള്ളിയിലാണ് സംസ്കാരം. രാജ്യത്ത് അക്വാ കള്ച്ചര് വ്യവസായത്തിന് വിപ്ലവകരമായ തുടക്കം കുറിക്കുകയും ഈ രംഗത്ത് ദേശീയ തലത്തില് നിരവധി പുരസ്കാരങ്ങള് നേടുകയും ചെയ്ത വ്യക്തിയാണ് ഷാജി ബേബി ജോണ്.
ഷിബു ബേബി ജോണിന്റെ സഹോദരന് ഷാജി ബേബി ജോണ് അന്തരിച്ചു
