തിരുവനന്തപുരം: ലോക കേരളസഭ തുടരില്ലെന്ന് വ്യക്തമാക്കി മുഖ്യമന്ത്രി വി ഡി സതീശന്.
ലോക കേരളസഭ തുടരേണ്ടതില്ലെന്നത് യു ഡി എഫിന്റെ രാഷ്ട്രീയ തീരുമാനമാണ്. അതിലൊരു മാറ്റവുമില്ല. എല് ഡി എഫ് സര്ക്കാരിന്റെ കാലത്ത് നടത്തിയതു പോലെ ലോക കേരളസഭ സംഘടിപ്പിക്കുന്നത് സര്ക്കാരിന്റെ പരിഗണനയിലില്ലെന്നും അദ്ദേഹം പറഞ്ഞു.
ലോക കേരളസഭയുടെ ആറാമത് എഡിഷന് സര്ക്കാര് ഒരു രൂപ പോലും വകയിരുത്തിയിട്ടുമില്ല.
ലോക കേരളസഭ സെക്രട്ടേറിയറ്റിന് നിലവില് ഓഫീസുണ്ട്. അവിടുത്തെ അഡ്മിനിസ്ട്രേറ്റീവ് എക്സ്പന്സിനും നോര്ക്ക വഴി നടത്തുന്ന ബിസിനസ് ലീഡര്ഷിപ്പ് മീറ്റ് ഉള്പ്പെടെയുള്ള പരിപാടികള്ക്ക് മാത്രമാണ് തുക അനുവദിച്ചിരിക്കുന്നത്. പ്രവാസി ക്ഷേമ പദ്ധതികള് സര്ക്കാരിന്റെ പ്രഥമ പരിഗണനയിലുള്ള വിഷയമാണ്. അത്തരം നിര്ദ്ദേശങ്ങള് പ്രാവര്ത്തികമാക്കുന്നതിന്റെ പ്രാരംഭ പ്രവര്ത്തനങ്ങള്ക്കും കൂടിയാണ് തുക അനുവദിച്ചിരിക്കുന്നത്, മുഖ്യമന്ത്രിയുടെ ഓഫീസ് പത്രക്കുറിപ്പില് പറഞ്ഞു.