ആലപ്പുഴ: കുളിമുറിയില്‍ വഴുതി വീണ് പരുക്കേറ്റതിനെത്തുടര്‍ന്ന് മുന്‍ മന്ത്രിയും മുതിര്‍ന്ന സി പി എം നേതാവുമായ ജി സുധാകരനെ ആശുപത്രിയില്‍ പ്രവേശിപ്പിച്ചു. ആശുപത്രിയില്‍ നടത്തിയ പ്രാഥമിക പരിശോധനയില്‍ അസ്ഥികള്‍ക്ക് പൊട്ടലുള്ളതായി കണ്ടെത്തിയെന്ന് അദ്ദേഹം ഫേസ്ബുക്ക് പോസ്റ്റിലൂടെ വ്യക്തമാക്കി.
വിദഗ്ധ ചികിത്സയ്ക്കായി സുധാകരനെ പരുമല ആശുപത്രിയില്‍ പ്രവേശിപ്പിച്ചിരിക്കുകയാണ്. ശസ്ത്രക്രിയയും തുടര്‍ ചികിത്സയുമുള്ളതിനാല്‍ രണ്ടു മാസത്തേക്ക് പൂര്‍ണ വിശ്രമത്തിലായിരിക്കുമെന്ന് അദ്ദേഹം കൂട്ടിച്ചേര്‍ത്തു.