ന്യൂഡല്ഹി: ഇന്ത്യയും പാക്കിസ്ഥാനും തമ്മിലുള്ള സംഘര്ഷം അവസാനിപ്പിക്കാന് മധ്യസ്ഥത വഹിച്ചുവെന്ന ചൈനയുടെ അവകാശവാദം വിദേശകാര്യ മന്ത്രാലയം തള്ളി. ചൈനയുടെ വാദം തെറ്റാണെന്നും ഇന്ത്യക്കും പാക്കിസ്ഥാനുമിടയില് മൂന്നാം കക്ഷിക്ക് സ്ഥാനമില്ലെന്നും ഇന്ത്യയുടെ വിദേശകാര്യ മന്ത്രാലയത്തിന്റെ ഉന്നത ഉദ്യോഗസ്ഥര് പ്രതികരിച്ചു.
ഇന്ത്യയും പാക്കിസ്ഥാനും തമ്മിലുള്ള സംഘര്ഷം അവസാനിപ്പിച്ചത് തങ്ങളുടെ ഇടപെടല് മൂലമാണെന്നായിരുന്നു ചൈനയുടെ വിദേശകാര്യമന്ത്രി വാങ് യി ബീജിങ്ങില് നടന്ന രാജ്യാന്തര പരിപാടിക്കിടെ അവകാശവാദം ഉയര്ത്തിയത്. ഇത് തള്ളിയാണ് നിലവില് ഇന്ത്യ രംഗത്തെത്തിയത്.