ന്യൂഡല്ഹി: പ്രധാനമന്ത്രി നരേന്ദ്ര മോഡി തന്റെ സര്ക്കാരിനെ പ്രശംസിച്ച് ഇന്ത്യയെ 'ലോകത്തിന്റെ വളര്ച്ചാ എഞ്ചിന്' ആക്കിയതായി പറഞ്ഞു. ഇന്ത്യയുടെ ഉയര്ന്നുവരുന്ന ആഗോള സ്ഥാനമാനവും ആത്മവിശ്വാസവും ലോകത്തിലെ വികസിത രാജ്യങ്ങളെ ഇന്ത്യയുമായി വ്യാപാര കരാറുകള്ക്ക് മുന്നോട്ടുവരാന് പ്രേരിപ്പിച്ചിരിക്കുകയാണെന്നും അദ്ദേഹം വ്യക്തമാക്കി.
ഈ കരാറുകള് ആത്മനിര്ഭര്, ആത്മവിശ്വാസ ഭാരത് എന്ന ആശയം പ്രതിഫലിപ്പിക്കുന്നതും സംശയവും നിരാശയും അതിജീവിച്ച് ഇന്ത്യ ഉയരുന്നുവെന്നതിന്റെ തെളിവുമാണെന്ന് അദ്ദേഹം പറഞ്ഞു.
ന്യൂസ്18 റൈസിംഗ് ഭാരത് സമിറ്റില് സംസാരിച്ച മോഡി കഴിഞ്ഞ 11 വര്ഷങ്ങളില് രാജ്യത്തിന്റെ ചിന്താഗതിയില് ഒരു പുതിയ ഊര്ജം ഒഴുകിയെത്തിയതായി അഭിപ്രായപ്പെട്ടു.
2013-ന് മുമ്പുള്ള പോലെ രാജ്യം ഇപ്പോഴും നിരാശയിലായിരുന്നുവെങ്കില് ഫ്രജൈല് ഫൈവ് പട്ടികയില് ഉള്പ്പെട്ടതും നയതന്ത്ര മന്ദഗതിയിലും കുടുങ്ങിയതുമായ അവസ്ഥയില് ആയിരുന്നുവെങ്കില് ആരാണ് നമ്മോടൊപ്പം വ്യാപാര കരാറുകള് ഒപ്പിടാന് മുന്നോട്ടുവരുികയെന്നും ആരും നമ്മളെ നോക്കുകയില്ലായിരുന്നുവെന്നും പറഞ്ഞു. എന്നാല് കഴിഞ്ഞ പതിനൊന്ന് വര്ഷങ്ങളില് രാജ്യത്തിന്റെ ചിന്തയില് ഒരു പുതിയ ഊര്ജം വന്നിരിക്കുന്നുവെന്നും അദ്ദേഹം കൂട്ടിച്ചേര്ത്തു.
കോളോണിയല് മനോഭാവം ഉപേക്ഷിക്കേണ്ടതിന്റെ ആവശ്യകതയും പ്രധാനമന്ത്രി ഊന്നിപ്പറഞ്ഞു.
ഡിജിറ്റല് മേഖലയിലെ ഇന്ത്യയുടെ വളര്ച്ച ലോകത്തെ അത്ഭുതപ്പെടുത്തുന്നു എന്ന് അദ്ദേഹം പറഞ്ഞു. ജനധന് ആധാര് മൊബൈല് ത്രയത്തെ പരാമര്ശിച്ച്, ഇവയുടെ ഏകീകരണം സുതാര്യഭരണത്തിനും ഗുണഭോക്താക്കള്ക്ക് നേരിട്ടുള്ള ആനുകൂല്യ കൈമാറ്റത്തിനും വഴിയൊരുക്കിയതായി അദ്ദേഹം പറഞ്ഞു. ഇതുവരെ 24 ലക്ഷം കോടി രൂപ നേരിട്ട് ഗുണഭോക്താക്കള്ക്ക് കൈമാറിയതിലൂടെ ഒരിക്കല് ഒഴിവാക്കാനാവാത്തതായി കരുതപ്പെട്ടിരുന്ന ചോര്ച്ചകള് കുറച്ചതായി അദ്ദേഹം വ്യക്തമാക്കി.
പ്രതിപക്ഷത്തെ വിമര്ശിച്ച്,
എ ഐ സമിറ്റിനിടെ ഇന്ത്യന് യൂത്ത് കോണ്ഗ്രസിന്റെ ഷര്ട്ടഴിച്ച് പ്രതിഷേധം സംബന്ധിച്ച് അദ്ദേഹം ഇന്ത്യന് നാഷണല് കോണ്ഗ്രസിനെതിരെ കടുത്ത ആക്രമണം നടത്തി.
എ ഐ സമിറ്റ് ഇന്ത്യയുടെ അഭിമാന നിമിഷമായിരുന്നുവെങ്കിലും ദൗര്ഭാഗ്യവശാല് രാജ്യത്തിലെ ഏറ്റവും പഴയ പാര്ട്ടി ഈ ദേശീയ ആഘോഷത്തെ മലിനപ്പെടുത്താന് ശ്രമിച്ചുവെന്നും പ്രധാനമന്ത്രി പറഞ്ഞു. കോണ്ഗ്രസ് വിദേശ അതിഥികളുടെ മുന്നില് വസ്ത്രം അഴിച്ചുവിട്ടതുമാത്രമല്ല, അവരുടെ ആശയദാരിദ്ര്യവും വെളിപ്പെടുത്തിയെന്നും കുറ്റപ്പെടുത്തി.