ന്യൂ ജേഴ്സി: ന്യൂ ജേഴ്സി സോഷ്യല് ക്ലബിന്റെ ആഭിമുഖ്യത്തില് കേരളാ ഇലക്ഷന് റിസള്ട്ട് വാച്ച് നൈറ്റ് ലൈവ് മെയ് 3ന് വൈകുന്നേരം 7 മണിക്ക്. കേരളത്തില് അരങ്ങേറുന്ന നിയമസഭാ തിരഞ്ഞെടുപ്പിന്റെ ഫലങ്ങള് നേരിട്ട് കാണുന്നതിനാണ് ന്യൂ ജേഴ്സി സോഷ്യല് ക്ലബ് അവസരമൊരുക്കുന്നത്.
ബെര്ഗെന് കൗണ്ടിയിലുള്ള പരാമസ് സിറ്റി ഫയര് ഡിപ്പാര്ട്മെന്റ് ഓഡിറ്റോറിയത്തിലാണ് ഇലക്ഷന് വോട്ട് എണ്ണല് വിവിധ ചാനലുകളില് നേരിട്ട് കാണുവാന് അവസരമൊരുക്കുന്നത്. കൗണ്ടിങ് നടക്കുന്നതിന്റെ റിയല് ടൈം അപ്ഡേറ്റുകള് വലിയ സ്ക്രീനുകളില് ഒന്നിച്ചിരുന്നു കാണുകയും അതിനെക്കുറിച്ചുള്ള അവലോകനം നടത്തുകയും ഡിബേറ്റുകള്, ബെറ്റിങ്, റാഫിള് കൂടാതെ വിജയിയെ പ്രവചിക്കുന്നവര്ക്ക് സമ്മാനങ്ങളും ഏര്പ്പെടുത്തിയിട്ടുണ്ട്.
മെയ് 3ന് വൈകിട്ട് 7 മണിയോടെ ആരംഭിക്കുന്ന പരിപാടിയില് വിവിധ മാധ്യമ പ്രവര്ത്തകര്, ഏഷ്യാനെറ്റ്, ഫ്ളവേഴ്സ് ടി വി, 24 ന്യൂസ്, ന്യൂസ് 18, പ്രവാസി ചാനല്, ഇന്ത്യ ഫോര് ലൈഫ്, സംഗമം ന്യൂസ്, ഇമലയാളി തുടങ്ങിയ ചാനലുകളുടെ പ്രതിനിധികളും പരിപാടി നടക്കുന്ന സ്ഥലത്തുനിന്ന് നേരിട്ട് ന്യൂസ് കവറേജ് ചെയ്യുകയും ചെയ്യും.
അമേരിക്കന് മലയാളികള്ക്കിടയില് ആദ്യമായാണ് കേരളാ ഇലക്ഷന് റിസള്ട്ട് വാച്ച് നൈറ്റ് ലൈവ് ഇലക്ഷന് സമയത്ത് സംഘടിപ്പിക്കുന്നത്.
ബീവറേജ്, മള്ട്ടി കുസിന് ഡിന്നര് എന്നിവയും പ്രോഗ്രാമിന്റെ ഭാഗമാകും. ഈ പരിപാടികളില് പങ്കെടുക്കുവാനാഗ്രഹിക്കുന്നവര് ഈ നമ്പറുകളില് ബന്ധപ്പെടണമെന്ന് സംഘാടകര് അറിയിച്ചു.
- 201-421-5303, 914-552-2936 ,646-373-2458, 619-729-3036, 201-832-8400, 201-925-4157, 201-370-5019, 973-985-8432, 201-893-1505 914-573-1616, 201-403-1179.