ഡാളസ്: കേരള അസോസിയേഷന് ഓഫ് ഡാളസും ഇന്ത്യ കള്ച്ചറല് ആന്ഡ് എജ്യുക്കേഷന് സെന്ററും സംയുക്തമായി സംഘടിപ്പിക്കുന്ന ഫാദേര്സ് ഡേ സെലിബ്രേഷന് അതിവിപുലവും അത്യാകര്ഷവുമായി ജൂണ് 14 ഞായറാഴ്ച വൈകിട്ട് മൂന്നരയ്ക്ക് അസോസിയേഷന് ഹാളില് സംഘടിപ്പിക്കും. പ്രശസ്ത കാന്സര് വിദഗ്ധന് ഡോ. എം വി പിള്ള മുഖ്യപ്രഭാഷണം നടത്തും. അദ്ദേഹത്തിന്റെ ജീവിതത്തെയും പ്രവര്ത്തനങ്ങളെയും കുറിച്ച് പത്രപ്രവര്ത്തകന് രമേശ് ബാബു രചിച്ച 'ഡോ. എം വി പിള്ള: കൈനിക്കരയിലെ വിശ്വപൗരന്' എന്ന പുസ്തകം അസോസിയേഷന് ലൈബ്രറിക്ക് സമ്മാനിക്കും. ഈ പരിപാടിയില് സംരംഭകനും കമ്മ്യൂണിറ്റി പ്രവര്ത്തകനുമായ സി സി തിയോഫിന് ചാമക്കാല പ്രഭാഷണം നടത്തും.
മേക്കപ്പ് ആര്ട്ടിസ്റ്റും സിനിമ പ്രവര്ത്തകനുമായ പട്ടണം റഷീദ്, സൈനികനും നടനും നിര്മ്മാതാവുമായ സിറിയക് ആലഞ്ചേരി എന്നിവരും ഫാദേഴ്സ് ഡേ ആഘോഷത്തില് വിശിഷ്ടാതിഥികളായി പങ്കെടുക്കുമെന്ന് കേരള അസോസിയേഷന് പ്രസിഡന്റ് ഷിജു എബ്രഹാം അറിയിച്ചു. പ്രസ്തുത പരിപാടിയില് മേക്കപ്പ് ആര്ട്ടിസ്റ്റ് പട്ടണം റഷീദ് രചിച്ച 'ദി ആര്ട്ട് ആന്റ് സയന്സ് ഓഫ് മേക്കപ്പ് അഡോണ്മെന്റ്' എന്ന പുസ്തകത്തിന്റെ ഔദ്യോഗിക പ്രകാശന കര്മ്മം നടത്തുന്നതുമായിരിക്കും.