ഫാ. സുനീത് കൊല്ലിത്താനത്ത് മലയില്‍
ഓസ്റ്റിന്‍: അമേരിക്കയിലെ ഓസ്റ്റിന്‍, ഇന്ത്യയിലെ അലഹാബാദ്, മധ്യപ്രദേശ് എന്നിവിടങ്ങളില്‍ മിഷനറി പ്രവര്‍ത്തനം നടത്തിയിരുന്ന ഫാ. സുനീത് കൊല്ലിത്താനത്ത് മലയില്‍ (76) അന്തരിച്ചു.1967ല്‍ ഇന്ത്യന്‍ മിഷനറി സൊസൈറ്റിയില്‍ ചേര്‍ന്നു. 1967-70 കാലഘട്ടങ്ങളില്‍ ഉത്തര്‍പ്രദേശിലെ വാരാണസിയിലെ ക്രൈസ്റ്റ് നഗറില്‍ പോസ്റ്റലന്‍സിയും 1970-71ല്‍ നോവിഷേറ്റും പൂര്‍ത്തിയാക്കി സുനിത് എന്ന പേര് സ്വീകരിച്ചു.
ബീഹാര്‍ ഹജാരിബാഗ് കൊടര്‍മാ മിഷനില്‍ സ്‌കൂള്‍ അധ്യാപകനായും സേവനം ചെയ്തു. അലഹാബാദ് രൂപതയിലെ തെരേസപുര്‍ ഇടവക വൈദികനായും പാരിഷ് സ്‌കൂളിലെ മാനേജരായും ഐഎംഎസ് മൈനര്‍ സെമിനാരിയിലെ അധ്യാപകനായും പ്രവര്‍ത്തിച്ചു.
ഐഎംഎസിന്റെ വാരാസി പ്രോവിന്‍സിന്റെ ട്രഷററായും സേവനം ചെയ്തിട്ടുണ്ട്.
ഓസ്റ്റിന്‍ രൂപതയില്‍ പാസ്റ്ററായും സേവനം ചെയ്തു. 2012ല്‍ ഖാഗ സെന്റ് മേരീസ് സ്‌കൂളില്‍ മാനേജരായും സുപ്പീരിയറായും പ്രവര്‍ത്തിച്ചു. 2019 ഏപ്രിലില്‍ അലഹാബാദ് രൂപതയിലെ ഫത്തെപുരില്‍ ഐഎംഎസ്സിന്റെ സെന്റ് മേരീസ് സ്‌കൂളിന്റെ മാനേജരും കറസ്‌പോണ്ടന്റുമായിരുന്നു.
വെമ്പള്ളി കളത്തൂര്‍ കെ ജെ ചാക്കോയുടെയും മറിയത്തിന്റെയും മകനാണ്.
സഹോദരങ്ങള്‍: പാലാ രൂപത മുന്‍ വികാരി ജനറല്‍ ഫാ. ഏബ്രഹാം കൊല്ലിത്താനത്തുമലയില്‍, ഫാ. പോള്‍ കൊല്ലിത്താനത്ത് മലയില്‍ (പോര്‍ച്ചുഗല്‍ ലിസ്ബന്‍ രൂപത ഫൊറോന വികാരി), സിസ്റ്റര്‍ ലിറ്റി (ഗോരഖ്പുര്‍ മിഷന്‍), ആനിക്കുട്ടി, മേരി, ലില്ലി, മാത്തച്ചന്‍, ടോമി.
സംസ്‌കാരം തിങ്കളാഴ്ച രാവിലെ 9ന്.
