ബ്രിട്ടീഷ് എഴുത്തുകാരനും നൊബേല്‍ സമ്മാന ജേതാവുമായ വി.എസ് നെയ്‌പോള്‍ അന്തരിച്ചു

Sun,Aug 12,2018


ലണ്ടന്‍: പ്രമുഖ ബ്രിട്ടീഷ് നോവലിസ്റ്റും നൊബേല്‍ പുരസ്‌കാര ജേതാവുമായ വി.എസ് നെയ്‌പോള്‍ അന്തരിച്ചു.
ഞായറാഴ്ച ലണ്ടനിലെ വസതിയിലായിരുന്നു അന്ത്യം. ബന്ധുക്കളാണ് മരണവാര്‍ത്ത ലോകത്തെ അറിയിച്ചത്. ഒരു ഘട്ടത്തില്‍ വിഷാദ രോഗത്തെ തുടര്‍ന്ന് ആത്മ ഹത്യക്ക് ശ്രമിക്കുക. അവിടെ നിന്ന് ലോകം ആരാധിക്കുന്ന എഴുത്തുകാരനായി വളരുക. അതായിരുന്നു വി.എസ്.നെയ്‌പോളിന്റെ ജീവിതം.
ബ്രിട്ടീഷ് പ്രധാനമന്ത്രി ടോണി ബ്ലെയറെ വരെ വിമര്‍ശിക്കാന്‍ ധൈര്യം കാണിക്കുകയും ഇ.എം.ഫോസ്റ്ററുടെ പാസ്സേജ് ടു ഇന്ത്യയെ തള്ളിപ്പറയുകയും ചെയ്ത അസാമാന്യ പ്രതിഭ. ബുക്കര്‍ പ്രൈസും സാഹിത്യത്തിനുള്ള നോബേല്‍ പുരസ്‌കാരവും സ്വന്തമാക്കിയ എഴുത്തുകാരന്‍.
ട്രിനിടാഡില്‍ 1932ല്‍ ജനിച്ച് ബ്രിട്ടനിലേക്ക് കുടിയേറിയ ഇന്ത്യന്‍ വംശജനായ വിദ്യാധര്‍ സുരാജ്പ്രസാദ് നെയ്‌പോള്‍ എന്ന സര്‍ വി.എസ്. നെയ്‌പോള്‍ 5 പതിറ്റാണ്ടിലേറെയാണ് സാഹിത്യലോകത്ത് നിറഞ്ഞുനിന്നത്.
ഇതിനിടെ 32 ഓളം പുസ്തകങ്ങള്‍ അദ്ദേഹത്തിന്റേതായി പുറത്തുവന്നു. ഹാസ്യവും ജീവചരിത്രവും യാത്രാവിവരണവും എല്ലാം തനിക്ക് ഒരുപോലെ വഴങ്ങുമെന്ന് അദ്ദേഹം തെളിയിച്ചു.
61ല്‍ പുറത്തിറങ്ങിയ എ ഹൗസ് ഫോര്‍ മിസ്റ്റര്‍ ബിശ്വാസ് ആണ് അദ്ദേഹത്തിന്റെ ഏറ്റവും മികച്ച സൃഷ്ടിയായി വിലയിരുത്തപ്പെടുന്നത്. ആറാം വയസ്സില്‍ കുടുംബത്തോടൊപ്പം കുടിയേറിയ പോര്‍ട്ട് ഓഫ് സ്‌പെയിനിലെ അനുഭവമാണ് ആദ്യ നോവലായ മിഷേല്‍ സ്ട്രീറ്റിന്റെ പിറവിയിലേക്ക് നയിച്ചതെന്ന് നെയ്‌പോള്‍ പിന്നീട് പറഞ്ഞിട്ടുണ്ട്. എ ബെന്റ് ഇന്‍ ദി റിവറാണ് മറ്റൊരു പ്രധാന കൃതി. മരണ വിവരം സ്ഥിരീകരിച്ച ഭാര്യ നാദിറ, മരണസമയത്ത് പ്രിയപ്പെട്ടവര്‍ സമീപത്തുണ്ടായിരുന്നുവെന്ന് വ്യക്തമാക്കി.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here