ആദ്യ ശബ്ദാതിവേഗ യുദ്ധവിമാനം വിജയകരമായി പരീക്ഷിച്ചുവെന്ന് ചൈന

Wed,Aug 08,2018


ബെയ്ജിങ്: ആണവപോര്‍മുന വഹിക്കാന്‍ശേഷിയുള്ളതും മിസൈല്‍ പ്രതിരോധസംവിധാനം തകര്‍ക്കാന്‍ശേഷിയുള്ളതുമായ ആദ്യ ശബ്ദാതിവേഗ യുദ്ധവിമാനം വിജയകരമായി പരീക്ഷിച്ചുവെന്ന് ചൈന.
സിങ്‌കോങ്-2, സ്റ്റാറി സ്‌കൈ-2 എന്നീ പേരുകളുള്ള വിമാനത്തിന്റെ പരീക്ഷണം വടക്കുപടിഞ്ഞാറന്‍ ചൈനയില്‍ വെള്ളിയാഴ്ച നടത്തിയതായി ചൈനീസ് സര്‍ക്കാരിന്റെ ഉടമസ്ഥതയിലുള്ള ഗവേഷണസ്ഥാപനമായ ചൈന അക്കാദമി ഓഫ് എയ്‌റോസ്‌പേസ് എയ്‌റോഡൈനാമിക്‌സ് (സി.എ.എ.എ.) പറഞ്ഞു.
പത്തുമിനിറ്റോളം വിമാനം പറത്തി. മുന്‍ നിശ്ചയിച്ചപ്രകാരമുള്ള ലക്ഷ്യത്തില്‍ വിമാനമിറക്കാനായെന്നും സി.എ.എ.എ. പറഞ്ഞു. ചൈന എയ്റോസ്‌പേസ് സയന്‍സ് ആന്‍ഡ് ടെക്‌നോളജി കോര്‍പ്പറേഷനും സി.എ.എ.എ.യും സംയുക്തമായാണ് സിങ്‌കോങ് രൂപകല്പന ചെയ്തത്.
മിസൈല്‍വേധ സംവിധാനം തകര്‍ക്കാന്‍ ശേഷിയുള്ള ശബ്ദാതിവേഗ യുദ്ധവിമാനമുണ്ടാക്കാനുള്ള ശ്രമം റഷ്യയും യു.എസും നടത്തിവരുന്നുണ്ട്. മിസൈല്‍ പ്രതിരോധ സംവിധാനങ്ങള്‍ക്കുപോലും കണ്ടെത്താന്‍ കഴിയാത്ത വേഗതയിലാകും ഈ ഹൈപ്പര്‍സോണിക് വിമാനങ്ങള്‍ കുതിക്കുക. മണിക്കൂറില്‍ 7,300 കിലോമീറ്ററിലേറെ വേഗത്തില്‍ കുതിക്കുന്ന സ്‌കൈ-2 വിമാനങ്ങള്‍ക്ക് ശബ്ദത്തേക്കാള്‍ അഞ്ചിരട്ടി വേഗത്തില്‍ കുതിക്കാനാകും.
പരമ്പരാഗത രീതിയിലുള്ള ആണവായുധങ്ങള്‍വരെ വഹിക്കാന്‍ ശേഷിയുള്ള ഹൈപ്പര്‍സോണിക് വിമാനങ്ങളുടെ പരീക്ഷണ വിജയം ചൈനീസ് പ്രതിരോധ ഗവേഷണത്തിലെ നാഴികക്കല്ലാണെന്ന് ചൈനീസ് പ്രതിരോധ വിദഗ്ധനായ സോങ് ഷോങ്പിങ് പറഞ്ഞു.
അമേരിക്കയ്ക്കും റഷ്യക്കുമൊപ്പം പൊരുതാന്‍ ശേഷിയുള്ള പ്രതിരോധശേഷി ചൈനക്ക് ആര്‍ജിക്കാനായി എന്നതാണ് ഇതു സൂചിപ്പിക്കുന്നതെന്ന് അദ്ദേഹം പറഞ്ഞു. ഇത്തരമൊരു നവീന പോര്‍വിമാനം വികസിപ്പിക്കുന്ന കാര്യം ആദ്യമായാണ് ചൈന പുറത്തുവിടുന്നതെന്നതും ശ്രദ്ധേയമാണ്. 2010 മുതല്‍ ഇത്തരമൊരു പോര്‍വിമാനം വികസിപ്പിക്കുന്നതിനായി അമേരിക്കയും റഷ്യയും ശ്രമിക്കുന്നുണ്ട്. എന്നാല്‍, ഈ മേഖലയില്‍ വിജയം കണ്ടത് രഹസ്യമായി ഗവേഷണം നടത്തിയ ചൈനയാണെന്നുമാത്രം.
നാറ്റോയുടെ മിസൈല്‍ പ്രതിരോധ സംവിധാനത്തെ മറികടക്കാന്‍ ശേഷിയുള്ള സിര്‍കോണ്‍ എന്ന ഹൈപ്പര്‍സോണിക് ആയുധം റഷ്യ വികസിപ്പിക്കുന്നതായി റിപ്പോര്‍ട്ടുകളുണ്ടായിരുന്നു. എന്നാല്‍, ഗവേഷണം ഏതുഘട്ടത്തിലെത്തിയെന്ന് വെളിപ്പെടുത്തിയിട്ടില്ല. പറക്കുന്നതിനിടയില്‍ത്തന്നെ ദിശ ക്ഷണനേരംകൊണ്ട് മാറ്റാനാകുമെന്നതിനാല്‍, മിസൈലുകള്‍ക്കുപോലും സ്‌കൈ-2 പോര്‍വിമാനത്തെ തകര്‍ക്കാനാവില്ലെന്നാണ് ചൈനീസ് ഗവേഷകര്‍ അവകാശപ്പെടുന്നത്.
പരീക്ഷണം വന്‍വിജയമായിരുന്നുവെന്ന് ചൈനീസ് എയറോസ്പേസ് എയറോഡൈനാമിക്സ് അക്കാദമിയിലെ ഗവേഷകര്‍ അഭിപ്രായപ്പെട്ടു. മിസൈലുകള്‍ തൊടുക്കാനും മിസൈല്‍ പ്രതിരോധ സംവിധാനങ്ങളെ ചെറുക്കാനും കഴിവുള്ള സ്‌കൈ-2 ആഗോളതത്തില്‍ പ്രതിരോധ ഗവേഷണങ്ങളെ വേറിട്ടൊരു തലത്തിലെത്തിരിക്കുകയാണെന്നും അവര്‍ പറഞ്ഞു. ഈ കണ്ടെത്തലോടെ, പ്രതിരോധ രംഗത്ത് ചൈന കൈവരിക്കുന്ന കുതിപ്പുകളെ ആശങ്കയോടെയാണ് ഇന്ത്യയടക്കമുള്ള രാജ്യങ്ങള്‍ കാണുന്നത്.

Other News

  • ചുഴലിക്കാറ്റ് 'ഇദായ്' വന്‍ നാശം വിതച്ചു; ആയിരം പേര്‍ മരിച്ചുവെന്ന് മൊസാമ്പിക്ക് പ്രസിഡന്റ്
  • സിന്‍ജിയാങ് മേഖലയില്‍ നിന്ന് 13000 'ഭീകരരെ' അറസ്റ്റു ചെയ്തതായി ചൈന
  • നിരവ് മോഡിക്കെതിരേ ലണ്ടനിലെ കോടതി അറസ്റ്റ് വാറന്റ് പുറപ്പെടുവിച്ചു
  • ഡച്ച് നഗരമായ ഉട്രക്ടില്‍ ഭീകരാക്രമണം; ട്രാമില്‍ യാത്ര ചെയ്തിരുന്ന മൂന്നു പേരെ വെടിവച്ചു കൊന്നു, അക്രമിയെ അറസ്റ്റ് ചെയ്തു
  • ന്യൂസിലന്‍ഡ് വെടിവെപ്പു നടത്തിയ ഭീകരന്‍ കോടതിയില്‍ സ്വയം വാദിക്കും ; മുന്‍ അഭിഭാഷകനെ നീക്കി
  • ന്യൂസിലാന്‍ഡ് വെടിവെപ്പിനു മിനിട്ടുകള്‍ക്ക് മുമ്പ് അക്രമി പ്രധാന മന്ത്രിയടക്കം മുപ്പത് പേര്‍ക്ക് ആക്രമണ വിവരം ഇ മെയില്‍ ചെയ്തു
  • മസൂദ് അസര്‍ പ്രശ്‌നം ഇന്ത്യയുമായി ചര്‍ച്ച ചെയ്യാന്‍ സന്നദ്ധമെന്ന് ചൈന
  • അമേരിക്കയുടെയും, യൂറോപ്യന്‍ യൂണിന്റെയും മുന്നറിയിപ്പുകള്‍ അവഗണിച്ച് ചൈനയുടെ ബെല്‍റ്റ് ആന്‍ഡ് റോഡ് പദ്ധതിയുമായി സഹകരിക്കാന്‍ ഇറ്റലി
  • ന്യൂസിലാന്‍ഡ് മോസ്‌കിലെ കൂട്ടക്കൊല; ഒരു മലയാളി ഉള്‍പ്പെടെ ഏഴ് ഇന്ത്യക്കാര്‍ കൊല്ലപ്പെട്ടു
  • മുസ്ലീംകള്‍ക്കെതിരെ പരാമര്‍ശം നടത്തിയ ഓസ്‌ട്രേലിയന്‍ മന്ത്രിയുടെ തലയില്‍ മുട്ട ഉടച്ച കൗമാരക്കാരന്‍ സോഷ്യല്‍ മീഡിയയില്‍ പതിനായിരങ്ങളുടെ ഹീറോ
  • ന്യൂസിലാന്‍ഡ് മോസ്‌കിലെ കൂട്ടക്കൊലയ്ക്കു കാരണം മുസ്ലിം കുടിയേറ്റമാണെന്നു പ്രസ്താവിച്ച ഓസ്‌ട്രേലിന്‍ സെനറ്ററെ പാര്‍ലമെന്റ് ശാസിക്കും
  • Write A Comment

     
    Reload Image
    Add code here