മഡുറോയ്ക്കു നേരെ ഡ്രോണ്‍ ആക്രമണം : രഹസ്യ സംഘടന ഉത്തരവാദിത്തം ഏറ്റെടുത്തു

Sun,Aug 05,2018


കരാക്കസ്: വെനസ്വേല പ്രസിഡന്റ് നിക്കൊളാസ് മഡുറോയ്ക്കു നേരെ ശനിയാഴ്ചയുണ്ടായ വധശ്രമത്തിന്റെ ഉത്തരവാദിത്തം 'നാഷനല്‍ മൂവ്‌മെന്റ് ഓഫ് സോള്‍ജ്യേഴ്‌സ് ഇന്‍ ടിഷര്‍ട്‌സ്' എന്ന രഹസ്യം സംഘടന ഏറ്റെടുത്തു.
സോഷ്യല്‍ മീഡിയയിലൂടെയാണ് സംഘടന ആക്രമണത്തിന്റെ ഉത്തരവാദിത്തം ഏറ്റെടുത്തത്. സൈന്യത്തിന്റെ ഒരു പരിപാടിയില്‍ സംസാരിക്കുന്നതിനിടെയായിരുന്നു മഡുറോയ്ക്കു നേരെ വധശ്രമമുണ്ടായത്. കരാക്കസില്‍ പരിപാടി നടക്കുന്ന വേദിയ്ക്കു സമീപം സ്‌ഫോടകവസ്തുക്കള്‍ നിറച്ച ഡ്രോണ്‍ പൊട്ടിത്തെറിക്കുകയായിരുന്നു.
എന്നാല്‍ മഡുറോ രക്ഷപ്പെട്ടു. നാഷനല്‍ ഗാര്‍ഡുമാരായ ഏഴു പേര്‍ക്കു സംഭവത്തില്‍ പരുക്കേറ്റിരുന്നു. രണ്ട് ഡ്രോണ്‍ ആക്രമണങ്ങള്‍ പദ്ധതിയിട്ടിരുന്നെങ്കിലും ഒരെണ്ണം സൈന്യം വെടിവച്ചിട്ടു.
ഭരണഘടനയെ മറന്നു പ്രവര്‍ത്തിക്കുകയും സര്‍ക്കാര്‍ ഓഫിസുകളെ പണം ഉണ്ടാക്കാനായി മോശപ്പെട്ട രീതിയില്‍ ഉപയോഗിക്കുകയും ചെയ്യുന്നവരെ അധികാരത്തില്‍ നിര്‍ത്തുകയെന്നതു സൈന്യത്തിന്റെ അന്തസ്സിനു ചേര്‍ന്നതല്ലെന്നും സംഘം സോഷ്യല്‍ മീഡിയ കുറിപ്പുകളില്‍ വ്യക്തമാക്കി.
വെനസ്വേലയുടെ സാമ്പത്തികാവസ്ഥയെപ്പറ്റി മഡുറോ പ്രസംഗിക്കുന്നതിനിടെ പെട്ടെന്ന് മൈക്ക് പ്രവര്‍ത്തനരഹിതമാവുകയായിരുന്നു. പിന്നാലെ സ്‌ഫോടന ശബ്ദവും ഉയര്‍ന്നു. അമ്പരന്നു നില്‍ക്കുകയായിരുന്ന പ്രസിഡന്റിനും ഭാര്യയ്ക്കും പെട്ടെന്നു തന്നെ സൈന്യം സുരക്ഷയൊരുക്കി. കാണികളില്‍ പലരും പ്രദേശത്തു നിന്ന് ഇറങ്ങിയോടി. പരുക്കേറ്റ സൈനികരുടെ തലയില്‍ നിന്നു ചോരയൊലിക്കുന്നതും ദൃശ്യങ്ങളില്‍ കാണാമായിരുന്നു.
സുരക്ഷാവീഴ്ച വ്യക്തമാക്കാനാണ് ഇത്തവണ ആക്രമണം നടത്തിയതെന്നു സംഘടന വ്യക്തമാക്കി. ഇത്തവണ ജയിച്ചില്ല, പക്ഷേ അധികം വൈകാതെ വിജയം കാണുമെന്നും സംഘടന വ്യക്തമാക്കി.
രണ്ടു തവണ സ്‌ഫോടന ശബ്ദം കേട്ടതായി പ്രദേശവാസികള്‍ പറഞ്ഞു. തനിക്കു നേരെ കൊളംബിയയാണു വധശ്രമത്തിനു പദ്ധതിയിട്ടതെന്നായിരുന്നു പ്രസിഡന്റിന്റെ പ്രതികരണം. ഇതോടൊപ്പം യുഎസ് സംസ്ഥാനമായ ഫ്‌ലോറിഡയിലും ഗൂഢാലോചന നടന്നിട്ടുണ്ട്. വൈനസ്വേലയില്‍ നിന്നുള്ള ഒട്ടേറെ പേര്‍ ഫ്‌ലോറിഡയില്‍ അഭയം തേടിയിട്ടുണ്ട്. സംഭവവുമായി ബന്ധപ്പെട്ടു ചിലരെ പിടികൂടിയെങ്കിലും വിവരങ്ങള്‍ പുറത്തുവിട്ടിട്ടില്ല.

Other News

  • ഐ.എസില്‍ ചേരാന്‍ സിറിയയിലേക്ക് ഒളിച്ചോടിയ കൗമാരപ്രായക്കാരിക്ക് ബ്രിട്ടനിലേക്ക് മടങ്ങാനാവില്ല; പൗരത്വം റദ്ദാക്കുന്നു
  • ബ്രിട്ടീഷ് രാജകുമാരന്‍ ഹാരിയുടെ പ്രിയപത്‌നി മേഗന്‍ മാര്‍കിള്‍ ന്യൂയോര്‍ക്കില്‍ നടത്തിയ രഹസ്യ സന്ദര്‍ശനത്തിന്റെ ചിത്രങ്ങള്‍ പുറത്ത്
  • മസൂദ് അസര്‍ വിഷയത്തില്‍ ചൈനയെയും പാക്കിസ്ഥാനെയും പഴി ചാരുന്നത് ഇന്ത്യ അവസാനിപ്പിക്കണമെന്ന് ചൈനീസ് മീഡിയ
  • ഇന്ത്യ അന്താരാഷ്ട്ര കോടതിയില്‍; പാക്കിസ്ഥാന്‍ കോടതി വിധി റദ്ദാക്കണം, കുല്‍ഭൂഷണ്‍ യാദവിനെ മോചിപ്പിക്കണം
  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • Write A Comment

     
    Reload Image
    Add code here