വധശിക്ഷ മേലില്‍ സ്വീകാര്യമല്ലെന്ന് ഫ്രാന്‍സിസ് മാര്‍പാപ്പ

Thu,Aug 02,2018


വത്തിക്കാന്‍ സിറ്റി: വധശിക്ഷ മേലില്‍ സ്വീകാര്യമല്ലെന്നും ലോകത്തെല്ലായിടത്തും അതില്ലാതാക്കാന്‍ കത്തോലിക്കാ സഭ പരിശ്രമിക്കുമെന്നും ഫ്രാന്‍സിസ് മാര്‍പാപ്പാ വ്യാഴാഴ്ച പ്രഖ്യാപിച്ചു.
സഭയുടെ മതപഠനത്തില്‍ ഈ മാറ്റം ഉള്‍പ്പെടുത്തിയിട്ടുണ്ട്. മനുഷ്യജീവന്റെ അലംഘനീയതയ്ക്കും മഹത്വത്തിനുമെതിരെയുള്ള കടന്നാക്രമണമെന്ന നിലയില്‍ അത് അസ്വീകാര്യമല്ലെന്നാണ് സഭ ഇപ്പോള്‍ പഠിപ്പിക്കുന്നത്. യുഎസിലെ 31 സംസ്ഥാനങ്ങളില്‍ വധശിക്ഷ അനുവദനീയമാണെന്നതിനാല്‍ സഭയുടെ പുതിയ പഠനങ്ങള്‍ക്ക് അനുരണനങ്ങളുണ്ടാകാം. വധശിക്ഷയ്ക്ക് എതിരായ സഭയുടെ നിലപാട് പോപ് ജോണ്‍ പോള്‍ രണ്ടാമന്റെ കാലം മുതല്‍ ക്രമാനുഗതമായി ഉരുത്തിരിഞ്ഞുവന്നതാണ്. വധശിക്ഷ അവസാനിപ്പിക്കുന്ന കാര്യത്തില്‍ ലോകം ധാരണയിലെത്തിയിരുന്നുവെങ്കില്‍ എന്ന് 1998ല്‍ പാപ്പാ ആഗ്രഹം പ്രകിടിപ്പിച്ചിരുന്നു. അദ്ദേഹത്തിന്റെ പിന്‍ഗാമി ബെനഡിക്ട് 16-ാമന്‍ 2011 നവംബറില്‍ പുറപ്പെടുവിച്ച ഒരു രേഖയില്‍ വധശിക്ഷ ഇല്ലാതാക്കാന്‍ എല്ലാ ശ്രമവും നടത്തണമെന്ന് സമൂഹ നേതാക്കളോട് അഭ്യര്‍ത്ഥിച്ചിരുന്നു. 2015ല്‍ പോപ് ഫ്രാന്‍സിസ്, കുറ്റകൃത്യം എത്ര ഗൗരവമുള്ളതാണെങ്കിലും വധശിക്ഷ സ്വീകാര്യമല്ലെന്ന്, വധശിക്ഷയ്ക്ക് എതിരെയുള്ള അന്തര്‍ദ്ദേശീയ കമ്മീഷന് എഴുതുകയുണ്ടായി. ജീവനെടുക്കുന്നത് മനുഷ്യമഹത്വത്തിന്‍ എതിരാണെന്നതാണ് പ്രധാന പോയിന്റ്.
2017ല്‍ 23 രാജ്യങ്ങളിലായി 993 പോരെ വധശിക്ഷയ്ക്കു വിധേയമാക്കിയതായി അംനെസ്റ്റി ഇന്റര്‍നാഷണല്‍ പറയുന്നു. ഏറ്റവും കൂടുതല്‍ വധശിക്ഷകര്‍ നടപ്പാക്കിയത് ചൈന, ഇറാന്‍, സൗദി അറേബ്യ, ഇറാഖ്, പാക്കിസ്ഥാന്‍ എന്നീ രാജ്യങ്ങളിലാണ്. യുഎസില്‍ 2017ല്‍ 41 പേരെ വധിശിക്ഷയ്ക്ക് വിധിച്ചു; 23 പേരെ വിധേയരാക്കുകയും ചെയ്തു. പ്യൂ റിസര്‍ച്ച് സെന്റര്‍ നടത്തിയ സര്‍വ്വെ അനുസരിച്ച് അമേരിക്കക്കാരില്‍ 54 ശതമാനം പേരും വധിശിക്ഷയെ അനുകൂലിക്കുന്നവരാണ്; 39 പേര്‍ പ്രതികൂലിക്കുന്നു. അമേരിക്കന്‍ കത്തോലിക്കരില്‍ 53 ശതമാനം അനുകൂലിക്കുകയും 42 ശതമാനം എതിര്‍ക്കുകയും ചെയ്യുന്നു.

Other News

  • ഖഷോഗിയെ കൊലപ്പെടുത്തിയ സംഭവത്തില്‍ അഞ്ച് സൗദി ഉദ്യോഗസ്ഥര്‍ വധശിക്ഷ നേരിടുന്നു
  • ഇന്ത്യ ഉള്‍പ്പടെയുള്ള കോമണ്‍വെല്‍ത്ത് രാഷ്ട്രങ്ങളിലെ പൗരന്മാര്‍ക്ക്‌ ഇനി മുതല്‍ ബ്രിട്ടീഷ് സൈന്യത്തില്‍ ചേരാം
  • ഖഷോഗി വധം; നിര്‍ണായക ടേപ്പുകള്‍ അമേരിക്ക, സൗദി, ബ്രിട്ടന്‍ തുടങ്ങിയ രാജ്യങ്ങള്‍ക്ക് ടര്‍ക്കി കൈമാറി, സൗദിക്ക് എല്ലാം അറിയാമെന്ന് എര്‍ദോഗന്‍
  • ബ്രക്​സിറ്റ്​: ബ്രിട്ടീഷ്​ മന്ത്രി രാജിവെച്ചു
  • ശ്രീലങ്കന്‍ പാര്‍ലമെന്റ് പിരിച്ചുവിട്ടു; തിരഞ്ഞെടുപ്പ് ജനുവരി അഞ്ചിന്
  • തായ്‌ലന്‍ഡിൽ എച്ച്‌ഐവി ബാധിതനായ സൈനികൻ എഴുപതിലേറെ ആണ്‍കുട്ടികളെ പീഡിപ്പിച്ചതായി പരാതി
  • ഫ്രഞ്ച് പ്രസിഡന്റ് മക്രോണിനെ ആക്രമിക്കുവാന്‍ പദ്ധതി തയാറാക്കിയ ആറംഗ സംഘത്തെ അറസ്റ്റ് ചെയ്തു
  • ഒരു വര്‍ഷമായി കസ്റ്റഡിയിലായിരുന്ന സൗദി രാജകുമാരന്‍ ഖാലിദ് ബിന്‍ വലീദിനെ മോചിപ്പിച്ചു
  • ഖഷോഗിയുടെ മൃതദേഹം കഷണങ്ങളാക്കി ആസിഡില്‍ ലയിപ്പിച്ച് 'അപ്രത്യക്ഷമാക്കിയെന്ന്' ടര്‍ക്കി
  • സര്‍ക്കാരുമായി ഏറ്റുമുട്ടലിനു വരരുത്; അസിയ ബീബിയെ വെറുതെ വിട്ട കോടതി നടപടിക്കെതിരേ പ്രക്ഷോഭം നടത്തുന്നവര്‍ക്ക് ഇമ്രാന്‍ ഖാന്റെ മുന്നറിയിപ്പ്
  • മതനിന്ദകേസില്‍ വധശിക്ഷയ്ക്ക് വിധിക്കപ്പെട്ട അസിയ ബീബിയുടെ ശിക്ഷ പാക്കിസ്ഥാന്‍ സുപ്രീം കോടതി റദ്ദാക്കി
  • Write A Comment

     
    Reload Image
    Add code here