കരീബിയന്‍ ദ്വീപുകളില്‍ പൗരത്വം 'വില്‍പനയ്ക്ക്'; ആന്റിഗ്വയില്‍ നല്‍കേണ്ടത് 1.3 കോടി രൂപ, ഡൊമിനിക്കയില്‍ വെറും 68 ലക്ഷം രൂപ

Tue,Jul 24,2018


ലണ്ടന്‍: ഇന്ത്യയില്‍ കോടിക്കണക്കിനു രൂപയുടെ വെട്ടിപ്പ് നടത്തിയ ശേഷം വിദേശത്തേക്കു കടന്ന മെഹുല്‍ ചോക്‌സി കരീബിയന്‍ ദ്വീപായ ആന്റിഗ്വയില്‍ പൗരത്വം 'വിലയ്ക്കു' വാങ്ങിയാതായി റിപ്പോര്‍ട്ടുണ്ടായിരുന്നു. ആന്റിഗ്വ മാത്രമല്ല കരീബിയനിലെ പല ദ്വീപുകളിലും പൗരത്വം 'വില്‍പനയ്ക്ക്' വച്ചിരിക്കുകയാണെന്ന് റിപ്പോട്ടുകള്‍ പറയുന്നു. രാജ്യത്തിന്റെ വികസനത്തിനു വേണ്ടി പണം നിക്ഷേപം നടത്തുന്നവര്‍ക്ക് രണ്ടാമതൊരു പാസ്‌പോര്‍ട്ടും, പൗരത്വവുമാണ് പല രാജ്യങ്ങളും ഓഫര്‍ ചെയ്യുന്നത്. ആ രാജ്യത്തു ജനിക്കണമെന്നോ അവിടെ താമസിക്കണമെന്നോ പോലും നിര്‍ബന്ധമില്ല.
ആന്റിഗ്വ - ബാര്‍ബുഡ രാജ്യത്തിന്റെ പാസ്‌പോര്‍ട്ട് ലഭിക്കുവാന്‍ ആന്റിഗ്വ നാഷണല്‍ ഡെവലപ്‌മെന്റ് ഫണ്ടിലേക്ക് രണ്ടു ലക്ഷം ഡോളര്‍ (ഏകദേശം 1.3 കോടി രൂപ) സംഭാവന നല്‍കിയാല്‍ മതിയാകും. അല്ലെങ്കില്‍ റിയല്‍ എസ്റ്റേറ്റ് പ്രൊജക്ടില്‍ നാലു ലക്ഷം ഡോളറോ (ഏകദേശം 2.7 കോടി രൂപ) , ബിസിനസ് സംരംഭത്തില്‍ 15 ലക്ഷം ഡോളറോ (ഏകദേശം 10.3 കോടി രൂപ) നിക്ഷേപിച്ചാലും മതിയാകും. ഈ പാസ്‌പോര്‍ട്ട് ഉപയോഗിച്ച് 132 രാജ്യങ്ങളിലേക്ക് വിസയില്ലാതെ യാത്ര ചെയ്യാനാകും. യു.കെ, ഷെങ്കന്‍ മേഖലയിലെ രാജ്യങ്ങള്‍ തുടങ്ങിയവ ഇതില്‍ ഉള്‍പ്പെടുന്നു. പൗരത്വം നിലനിറുത്തുന്നതിന് അഞ്ചു വര്‍ഷത്തെ കാലാവധിയില്‍ അഞ്ചു ദിവസം രാജ്യത്തു താമസിച്ചിരിക്കണമെന്ന നിബന്ധന മാത്രമേയുള്ളു. ക്രിമിനല്‍ അന്വേഷണം നേരിടുന്നവര്‍ പൗരത്വത്തിന് അപേക്ഷിക്കുവാന്‍ അര്‍ഹരല്ലെന്ന് ആന്റ്വിഗ്വയില്‍ നിക്ഷേപം വഴി പൗരത്വം ലഭ്യമാക്കുന്നതുമായി ബന്ധപ്പെട്ട വൈബ്‌സൈറ്റില്‍ പറയുന്നു.
പണമുള്ള ആര്‍ക്കും സെന്റ് കിറ്റ്‌സ് ആന്‍ഡ് നെവിസില്‍ രണ്ടാമത്തെ പാസ്‌പോര്‍ട്ട് സ്വന്തമാക്കാം. സെന്റ് കിറ്റ്‌സ് സസ്റ്റൈനബില്‍ ഗ്രോത്ത് ഫണ്ടിലേക്ക് ഒന്നര ലക്ഷം ലക്ഷം ഡോളര്‍ നിക്ഷേപിക്കുകയോ, സര്‍ക്കാരിന്റെ റിയല്‍ എസ്റ്റേറ്റ് പ്രൊജകടില്‍ രണ്ടു ലക്ഷം ഡോളര്‍ നിക്ഷേപിക്കുകയോ ചെയ്താല്‍ മതിയാകും. യു.കെ, ഇന്ത്യ തുടങ്ങിയ 141 രാജ്യങ്ങളിലേക്ക് വിസയില്ലാതെ യാത്ര ചെയ്യാന്‍ ഈ പാസ്‌പോര്‍ട്ട് മതിയാകും.
ഇത്രയും പണം മുടക്കാന്‍ ഇല്ലാത്തവരെ സ്വീകരിക്കാന്‍ ഡൊമിനിക്ക തയാറാണ്. ഒരു ലക്ഷം ഡോളര്‍ മുടക്കിയാല്‍ പൗരത്വവും രണ്ടാമത്തെ പാസ്‌പോര്‍ട്ടും ഇവിടെ ലഭിക്കും. ഇതിനു വേണ്ടി രാജ്യം സന്ദര്‍ശിക്കണമെന്നു പോലുമില്ല. ഡൊമിനിക്ക ഗവണ്‍മെന്റ് ഫണ്ടിലേക്ക് ഒരു ലക്ഷം ഡോളര്‍ സംഭാവന നല്‍കിയാല്‍ മതി. രണ്ടു ലക്ഷം ഡോളര്‍ റിയല്‍ എസ്റ്റേറ്റില്‍ മുടക്കുന്നവര്‍ക്കും ഈ സൗകര്യങ്ങള്‍ ലഭ്യമാണ്. യൂറോപ്യന്‍ യൂണിയന്‍, സ്വിറ്റ്‌സര്‍ലാന്‍ഡ്, സിംഗപ്പൂര്‍, ഹോങ്കോംഗ് ഉള്‍പ്പെടെ 115 രാജ്യങ്ങളിലേക്ക് വിസയില്ലാതെ യാത്ര ചെയ്യാന്‍ ഈ പാസ്‌പോര്‍ട്ട് മതി. രണ്ടാമത്തെ പാസ്‌പോര്‍ട്ടിന് അപേക്ഷിക്കുമ്പോള്‍ പൗരത്വം വെളിപ്പെടുത്തണമെന്നു പോലും ഇവിടെ നിര്‍ബന്ധമില്ല. സെന്റ് ലൂസിയയില്‍ പൗരത്വം ലഭിക്കുന്നതിന് നാഷണല്‍ ഇക്കണോമിക് ഫണ്ടില്‍ ഒരു ലക്ഷം ഡോളര്‍ സംഭാവന നല്‍കുകയോ, സെന്റ് ലൂസിയ ഗവണ്‍മെന്റ് ബോണ്ടില്‍ അഞ്ചു ലക്ഷം ഡോളര്‍ നിക്ഷേപിക്കുകയോ, മൂന്നു ലക്ഷം ഡോളര്‍ വിലയുള്ള ഒരു വീടു വാങ്ങുകയോ ചെയ്താല്‍ മതി. മാള്‍ട്ടയില്‍ പൗരത്വത്തിന് അല്‍പം കൂടി ചെലവേറും. പത്തു ലക്ഷം ഡോളര്‍ മുടക്കണം. പക്ഷേ, അമേരിക്ക ഉള്‍പ്പെടെ 160 രാജ്യങ്ങളിലേക്ക് ഈ പാസ്‌പോര്‍ട്ട് ഉപയോഗിച്ച് വിസയില്ലാതെ യാത്ര ചെയ്യാന്‍ കഴിയും എന്ന മെച്ചമുണ്ട്.

Other News

  • ചൈനയില്‍ ശക്തമായ ഭൂകമ്പം: 11 പേര്‍ മരിച്ചു; 122 പേര്‍ക്ക് പരുക്ക്
  • ജപ്പാനിലെ വടക്കു പടിഞ്ഞാറന്‍ മേഖലയില്‍ ഭൂചലനം: സുനാമി മുന്നറിയിപ്പ് പിന്‍വലിച്ചു
  • ഈജിപ്ഷ്യന്‍ മുന്‍ പ്രസിഡന്റ് മുഹമ്മദ് മുര്‍സി കോടതി മുറിയില്‍ കുഴഞ്ഞുവീണു മരിച്ചു
  • എണ്ണ ടാങ്കറുകള്‍ക്കുനേരെയുണ്ടായ ആക്രമണം: പിന്നില്‍ ഇറാനെന്ന അമേരിക്കന്‍ ആരോപണം ആവര്‍ത്തിച്ച് സൗദിയും
  • കുറ്റവാളികളെ ചൈനയ്ക്ക് കൈമാറാനുള്ള വിവാദ ബില്‍ ഹോങ്കോങ് താല്‍ക്കാലികമായി നിര്‍ത്തിവെച്ചു
  • കുറ്റവാളി കൈമാറ്റ നിയമത്തിനെതിരെ ഹോങ്കോങ്ങില്‍ പ്രക്ഷോഭം: പ്രക്ഷോഭകര്‍ക്കുനേരെ പോലീസ് റബ്ബര്‍ ബുള്ളറ്റ് പ്രയോഗിച്ചു. 22 പേര്‍ക്ക് പരിക്കേറ്റു
  • സൗദി വിമാനത്താവളത്തിനുനേരെ ഹൂത്തി വിമതരുടെ മിസൈല്‍ ആക്രമണം; 26 പേര്‍ക്ക് പരിക്ക്
  • പാക്കിസ്ഥാന്‍ മുന്‍ പ്രസിഡന്റ് ആസിഫ് അലി സര്‍ദാരി സാമ്പത്തിക തിരിമറി കേസില്‍ അറസ്റ്റില്‍
  • തെ​രേ​സ മേ ക​ൺ​സ​ർ​വേ​റ്റി​വ്​ പാ​ർ​ട്ടി​യു​ടെ നേ​തൃ​സ്​​ഥാ​നം രാ​ജി​വെ​ച്ചു
  • തെക്കന്‍ സ്വീഡനിലെ ലിന്‍ശോപിംങ് നഗരത്തില്‍ സ്‌ഫോടനം: 25 പേര്‍ക്ക് പരിക്കേറ്റു
  • ഓട്ടിസത്തിനു കാരണം മാതാപിതാക്കളുടെ ജീവിതശൈലിയെന്ന് കുറ്റപ്പെടുത്തല്‍; ധ്യാനം നടത്താന്‍ ഫാ. ഡൊമിനിക് വാളന്മനാലിനു നല്‍കിയ ക്ഷണം റദ്ദാക്കണമെന്ന് ഡബ്ലിന്‍ ആര്‍ച്ച് ബിഷപ്
  • Write A Comment

     
    Reload Image
    Add code here