യു.എ.ഇ യില്‍ കടുത്ത ദാരിദ്ര്യത്തില്‍ 'തടവുകാരെ'പ്പോലെ ജീവിച്ച മലയാളിയുടെ ഏഴംഗ കുടുംബത്തിന് സഹായഹസ്തവുമായി നിരവധിപ്പേര്‍

Mon,Jul 09,2018


ദുബായ്: നാലു പതിറ്റാണ്ടുകള്‍ക്കു മുമ്പ് യു.എ.ഇ യില്‍ എത്തിയ മലയാളിയുടെ ഏഴംഗ കുടുംബത്തെപ്പറ്റിയുള്ള കദന കഥ പുറത്തു വന്നതോടെ സഹായഹസ്തവുമായി നിരവധി പേര്‍ രംഗത്ത് എത്തി. കടുത്ത ദാരിദ്ര്യാവസ്ഥയില്‍ 'തടവുകാരെ'പോലെയാണ് ഇവര്‍ ജീവിച്ചു വന്നത്. കാരണം, കുടുംബനാഥന്‍ ഒഴിച്ച് മറ്റാര്‍ക്കും നിയമപരമായ ഒരു രേഖകളും ഇല്ല എന്നതാണ് യാഥാര്‍ഥ്യം.
ദുബായിലെ ഇന്ത്യന്‍ കോണ്‍സുലേറ്റ് കുടുംബത്തെ ബന്ധപ്പെട്ട് ആവശ്യമായ രേഖകള്‍ തയാറാക്കുന്നതിനു വേണ്ട സഹായം ലഭ്യമാക്കാമെന്ന് അറിയിച്ചതായി ആക്ടിംഗ് കോണ്‍സുല്‍ ജനറല്‍ സുമതി വാസുദേവ് പറഞ്ഞു. കേരളത്തില്‍ നിന്നുള്ള മധുസൂദനന്‍ (60), ഭാര്യ ശ്രീലങ്കക്കാരി രോഹിണി (55) മക്കളായ അശ്വതി ശ്ര29), സംഗീത (25), ശാന്തി (23), ഗൗരി (22), മിഥുന്‍ (21) എന്നിവരാണ് അറസ്റ്റും നാടുകടത്തിലും ഭയന്ന് 'തടവുകാരെ' പോലെ യു.എ.ഇ യില്‍ കഴിഞ്ഞിരുന്നത്. കുട്ടികള്‍ ആരും സ്‌കൂളില്‍ പോയി പഠിച്ചിട്ടില്ല. ഇവര്‍ക്ക് അമ്മ വീട്ടിലിരുന്ന് വിദ്യാഭ്യാസം നല്‍കുകയായിരുന്നു. എല്ലാവര്‍ക്കും എഴുതാനും വായിക്കാനും അറിയാം. എല്ലാവരും തൊഴില്‍രഹിതരാണ് എന്നത് കുടുംബത്തിന്റെ ദയനീയാവസ്ഥ വെളിപ്പെടുത്തുന്നു.
മധുസൂദനന് സാധുതയുള്ള പാസ്‌പോര്‍ട്ട് ഉണ്ടെങ്കിലും, മക്കളില്‍ നാലു പേരുടെയും പാസ്‌പോര്‍ട്ട് 2012 ല്‍ കാലഹരണപ്പെട്ടതാണ്. മധുസൂദനനും കുട്ടികള്‍ക്കും ജോലി വാഗ്ദനം ചെയ്ത് പലരും രംഗത്തു വന്നിട്ടുണ്ടെന്ന് സുമതി വാസുദേവ് അറിയിച്ചു. ജോലി ഓഫര്‍ ചെയ്തു കൊണ്ടുള്ള രേഖയുടെ അടിസ്ഥാനത്തില്‍ ഇവരുടെ പാസ്‌പോര്‍ട്ട് പുതുക്കി നല്‍കാനാകുമെന്ന് അവര്‍ കൂട്ടിച്ചേര്‍ത്തു.രോഹിണി ശ്രീലങ്കന്‍ വംശജയായതു കൊണ്ട് ശ്രീലങ്കന്‍ കോണ്‍സുലേറ്റാണ് അവരുടെ കാര്യത്തില്‍ വേണ്ട നടപടി എടുക്കേണ്ടതെന്നും, മധുസൂദനന്റെ രേഖകള്‍ ശരിയാകുന്നതോടെ ഇക്കാര്യത്തില്‍ അവര്‍ക്ക് നടപടികള്‍ സ്വീകരിക്കാന്‍ കഴിയുമെന്നും സുമതി പറഞ്ഞു.
ഈ കുടുംബത്തിന്റെ കദന കഥ 'ഖലീജ് ടൈംസാണ്' റിപ്പോര്‍ട്ട് ചെയ്തത്. പല ദിവസവും ഒരു ഖുബ്ബുസു കൊണ്ടാണ് കുടുംബത്തിലെ എല്ലാവരും വിശപ്പടക്കിയിരുന്നതെന്ന് റിപ്പോര്‍ട്ടില്‍ പറയുന്നു. 1979 ലാണ് മധുസൂദനന്‍ ഗള്‍ഫില്‍ എത്തിയത്. 1988 ല്‍ രോഹിണിയെ വിവാഹം ചെയ്തു. 2003, 2007, 2013 വര്‍ഷങ്ങളില്‍ പൊതുമാപ്പിന്റെ ആനുകൂല്യം മുതലാക്കി യു.എ.ഇ യില്‍ നിന്ന് രക്ഷപ്പെടാത്തതിന്റെ കാര്യം ചോദിച്ചപ്പോള്‍ ശ്രീലങ്കക്കാരിയായ ഭാര്യയെ ഉപേക്ഷിച്ച് ഇന്ത്യയിലേക്ക് മടങ്ങാന്‍ തനിക്ക് കഴിയുമായിരുന്നില്ലെന്ന് മധുസൂദനന്‍ പറഞ്ഞു. മക്കള്‍ക്ക് അമ്മയോട് വലിയ അടുപ്പമാണുള്ളത്. രോഹിണിക്ക് ഇന്ത്യന്‍ പാസ്‌പോര്‍ട്ട് ഇല്ലാത്തതു കൊണ്ട് ഒപ്പം കൊണ്ടുപോകാന്‍ കഴിയാത്ത അവസ്ഥയായിരുന്നുവെന്ന് അദ്ദേഹം പറഞ്ഞു. തങ്ങള്‍ക്ക് യു.എ.ഇ യില്‍ നിയമസാധുതയോടെ ജീവിക്കാന്‍ സാഹചര്യമുണ്ടാകുമെന്നും മക്കളെ ഏതെങ്കിലും വൊക്കേഷണല്‍ കോഴ്‌സുകള്‍ക്ക് ചേര്‍ക്കണമെന്ന് ആഗ്രഹിക്കുന്നുവെന്നും ദമ്പതികള്‍ പറഞ്ഞു.

Other News

  • മന്ത്രിതല ചര്‍ച്ച: ഇന്ത്യ നഷ്ടപ്പെടുത്തിയത് വലിയ അവസരമെന്ന് പാക്കിസ്ഥാ ന്‍
  • യു.​എ​സു​മാ​യു​ള്ള വ്യാ​പാ​ര​യു​ദ്ധം: അ​ന്താ​രാ​ഷ്​​ട്ര സമൂഹത്തിന്റെ പി​ന്തു​ണ തേ​ടി ചൈ​ന
  • ഐക്യത്തിന്റെ സന്ദേശം പകര്‍ന്ന് ഉത്തര - ദക്ഷിണ കൊറിയന്‍ നേതാക്കള്‍ 'പവിത്ര' മല സന്ദര്‍ശിച്ചു; ട്രമ്പുമായി രണ്ടാമതൊരു ഉച്ചകോടിക്ക് താല്‍പര്യം പ്രകടിപ്പിച്ച് കിം
  • കടക്കെണിയിലും ദിവസവും ഹെലികോപ്റ്റര്‍ യാത്ര: ഇമ്രാന്‍ ഖാനെതിരെ പാക് മാധ്യമങ്ങൾ
  • സിറിയന്‍ തീരത്തുവച്ച് റഷ്യന്‍ യുദ്ധ വിമാനം അപ്രത്യക്ഷമായി
  • മാങ്​ഖുട്ട്​ ചുഴലിക്കാറ്റ്​ ഫിലിപ്പീൻസിൽ നിരവധി പേർ മണ്ണിനടിയിൽ
  • ഭാ​ര്യ കുല്‍സൂമിന്റെ മരണത്തെ തുടര്‍ന്ന് അനുവദിച്ച പരോള്‍ അവസാനിച്ചു; നവാസ് ഷരീഫ് വീണ്ടും ജയിലില്‍
  • ചരിത്രം കുറിക്കുന്ന ഉടമ്പടിക്ക് കളമൊരുങ്ങുന്നു; ചൈനയിലെ കത്തോലിക്കാ സഭയുടെയും തലവനായി മാര്‍പാപ്പയെ അംഗീകരിക്കും, കമ്യൂണിസ്റ്റ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും
  • വൈ​ദി​ക​ര്‍ക്കി​ട​യി​ലെ ലൈം​ഗി​ക​പീ​ഡ​നം: മാ​ർ​പാ​പ്പ അ​ടി​യ​ന്ത​ര സ​മ്മേ​ള​നം വി​ളി​ച്ചു
  • സ്‌കോട്ട്‌ലന്‍ഡില്‍ വാഴ്‌സിറ്റി പഠനത്തിന് എത്തിയ മകള്‍ക്കു വേണ്ടി ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെ
  • പാ​ക്​ മു​ൻ പ്ര​ധാ​ന​മ​ന്ത്രി ന​വാ​സ്​ ഷരീഫിന്റെ ഭാ​ര്യ ബീ​ഗം കു​ൽ​സൂം അന്തരിച്ചു
  • Write A Comment

     
    Reload Image
    Add code here