തായ് ലാന്റില്‍ ഗുഹയില്‍ കുടുങ്ങിയ കുട്ടികളില്‍ നാലുപേരെ കൂടി രക്ഷപ്പെടുത്തി; രണ്ടാം ഘട്ട രക്ഷാ പ്രവര്‍ത്തനം ഊര്‍ജ്ജിതം

Mon,Jul 09,2018


ബാങ്കോക്ക്: ഗുഹയില്‍ കുടുങ്ങിയ കുട്ടികളെയും ഫുട്‌ബോള്‍ കോച്ചിനേയും പുറത്തെത്തിക്കാനുള്ള രണ്ടാംഘട്ട രക്ഷാപ്രവര്‍ത്തനം തുടങ്ങി.
നാല് കുട്ടികളെകൂടി പുറത്തെത്തിച്ചതായാണ് വിവരം. അതേ സമയം പുറത്തെത്തിച്ച കുട്ടികളുടെ എണ്ണത്തെക്കുറിച്ച് വ്യത്യസ്ഥമായ റിപ്പോര്‍ട്ടുകളാണ് പുറത്തുവരുന്നത്. ആകെ അഞ്ചുുകുട്ടികളെ രക്ഷപ്പെടുത്തി എന്നും അതല്ല ആറുപേരെ രക്ഷപ്പെടുത്തി എന്നുമുള്ള റിപ്പോര്‍ട്ടുകളാണ് വിവിധ വാര്‍ത്താ ഏജന്‍സികള്‍ റിപ്പോര്‍ട്ടു ചെയ്തത്.
ബിബിസിയാണ് രണ്ടാം ഘട്ടത്തില്‍ നാലുപേരെ കൂടി പുറത്തെത്തിച്ചതായി റിപ്പോര്‍ട്ട് ചെയ്തത്.
തിങ്കളാഴ്ച രാവിലെ തന്നെ രക്ഷാപ്രവര്‍ത്തനം തുടങ്ങിയെങ്കിലും പ്രതികൂലകാലാവസ്ഥയാണ് ദൗത്യം വൈകിപ്പിക്കുന്നത്. ഞായറാഴ്ച നാല് പേരെ പുറത്തെത്തിക്കാന്‍ ദൗത്യസംഘത്തിന് കഴിഞ്ഞിരുന്നു.
കോച്ച് ഉള്‍പ്പെടെ അഞ്ചു പേരാണ് ഇപ്പോല്‍ ഗുഹയ്ക്ക് ഉള്ളിലുള്ളത്. ഇന്നലെ പുറത്തെത്തിച്ച കുട്ടികള്‍ ആശുപത്രിയിലാണ്. ദൗത്യം പൂര്‍ത്തിയാക്കാന്‍ മൂന്നോ നാലോ ദിവസം എടുത്തേക്കുമെന്ന സൂചനയാണ് അധികൃതര്‍ നല്‍കുന്നത്.
രക്ഷപ്പെടുത്തിയ കുട്ടികളുമായിി ചിയാങ് റായ് സിറ്റിയിലെ ആശുപത്രിയില്‍ ഹെലികോപ്ടര്‍ ഇറങ്ങുന്നതിന്റെ ദൃശ്യം സര്‍ക്കാര്‍ ഉടമസ്ഥതയിലുള്ള ടെലിവിഷനും പുറത്തുവിട്ടു. അഞ്ചാമത്തെ കുട്ടിയെയും വഹിച്ചുകൊണ്ടുള്ള ആംബുലന്‍സ് പോകുന്നതിന്റെ ദൃശ്യങ്ങള്‍ തായ് ടിവി സംപ്രേക്ഷണം ചെയ്തു. ഹെലികോപ്ടറിന് മുന്നില്‍ ആംബുലന്‍സ് നിര്‍ത്തിയിട്ടിരിക്കുന്നതും ദൃശ്യങ്ങളിലുണ്ട്.
ഗുഹയ്ക്കുള്ളില്‍ നിന്ന് ഒരു കുട്ടിയെ കൂടി ദൗത്യസംഘത്തെ ഉദ്ധരിച്ച് ഗാഡിയന്‍ റിപ്പോര്‍ട്ട് ചെയ്യുന്നു. ഗുഹയ്ക്കു സമീപത്തുനിന്നും ഒരു ഹെലികോപ്ടര്‍ പറന്നുയര്‍ന്നതായും റിപ്പോര്‍ട്ടുണ്ട്.
പുറത്ത് എത്തിക്കാനായത് നാല് കുട്ടികളെ മാത്രമെന്ന് സ്ഥിരീകരണം.
രാവിലെ എട്ട് മുതല്‍ രക്ഷാപ്രവര്‍ത്തനം പുനരാരംഭിക്കും. മുഖം പൂര്‍ണമായും മറയ്ക്കുന്ന മാസ്‌ക് ഉപയോഗിച്ചാണ് കുട്ടികളെ പുറത്തെത്തിച്ചതെന്ന് ചിയാങ് റായി ഗവര്‍ണര്‍ നരോങ്സാക് ഒസോട്ടാനകൊറന്‍ മാധ്യമങ്ങളെ അറിയിച്ചു. ആരോഗ്യസ്ഥിതി മോശമല്ലാത്തവരെയാണ് ആദ്യം പുറത്തെത്തിക്കുന്നതെന്ന് വാര്‍ത്താ ഏജന്‍സിയായ എ.പി റിപ്പോര്‍ട്ട് ചെയ്യുന്നു. വിദേശികളായ 50 ഡൈവര്‍മാരും 40 സ്വദേശി ഡൈവര്‍മാരുമാണ് രക്ഷാപ്രവര്‍ത്തനത്തിനിറങ്ങിയിരിക്കുന്നത്.
പ്രതീക്ഷിച്ചതിനേക്കാള്‍ വേഗത്തിലും സുഗമമായും രക്ഷാപ്രവര്‍ത്തനം നടക്കുന്നതായി ദൗത്യസംഘം അറിയിച്ചു.

Other News

  • ശ്രീലങ്കയിലെ ഭീകരാക്രമണം; വിരലുകള്‍ നീളുന്നത് മതതീവ്ര നേതാവ് ഹാഷിമിനു നേര്‍ക്ക്
  • കൊളംബോ ഭീകരാക്രമണ സംഘത്തിലെ ഒരാള്‍ യുകെയില്‍ പഠനം നടത്തി; ഭീകരര്‍ എല്ലവരും ഉന്നത വിദ്യാഭ്യാസം നേടിയവര്‍
  • 27 വര്‍ഷം അബോധാവസ്ഥയില്‍ കഴിഞ്ഞ യു.എ.ഇ വനിത കണ്ണു തുറന്ന് ജീവിതത്തിലേക്ക് മടങ്ങിയെത്തി
  • ശ്രീലങ്കയിലെ സ്‌ഫോടനത്തിന്റെ ഉത്തരവാദിത്വം ഏറ്റെടുത്ത് ഐ.എസ്; ലക്ഷ്യമിട്ടത് അമേരിക്കന്‍ സഖ്യരാജ്യങ്ങളിലുള്ളവരെയും, ക്രൈസ്തവരെയും
  • കിം - പുടിന്‍ കൂടിക്കാഴ്ച ഉടന്‍; ഇരു നേതാക്കളും തമ്മിലുള്ള ആദ്യ സമ്മേളനം
  • ഭീകരാക്രമണം ഉണ്ടാകാന്‍ സാധ്യതയുണ്ടെന്ന് യു.എസ് - ഇന്ത്യന്‍ ഇന്റലിജന്‍സ് ഏജസികള്‍ മുന്നറയിപ്പ് നല്‍കിയിരുന്നു; പ്രധാനമന്ത്രി ഒന്നും അറിഞ്ഞില്ല
  • ശ്രീലങ്കയിലെ സ്‌ഫോടനത്തില്‍ കൊല്ലപ്പെട്ട മലയാളിയുടെ കബറടക്കം കൊളംബോയില്‍ നടത്തി
  • ഭീതി വിട്ടൊഴിയുന്നില്ല; കൊളംബോയിലെ ബസ് സ്റ്റാന്‍ഡില്‍ 87 ബോംബ് ഡിറ്റണേറ്ററുകള്‍ കണ്ടെത്തി
  • ശ്രീലങ്കയിലെ സ്‌ഫോടന പരമ്പരയ്ക്കു പിന്നില്‍ ഐ.എസും? ചാവേറുകളുടെ ചിത്രങ്ങള്‍ ഓണ്‍ലൈനില്‍, ന്യൂസിലന്‍ഡിലെ കൂട്ടക്കൊലയ്ക്കുള്ള പ്രതികാരമോ...
  • ശ്രീലങ്കയിലെ സ്‌ഫോടന പരമ്പര; മലയാളി ഉള്‍പ്പെടെ നാല് ഇന്ത്യക്കാര്‍ കൊല്ലപ്പെട്ടു
  • ശ്രീലങ്കയില്‍ ഈസ്റ്റര്‍ പ്രാര്‍ത്ഥനക്കിടെ പള്ളികളിലും ഹോട്ടലുകളിലും സ്‌ഫോടനം; 207 പേര്‍ മരിച്ചു
  • Write A Comment

     
    Reload Image
    Add code here