മൈക്ക് പോമ്പിയോയിയുമായുള്ള ചര്‍ച്ചയില്‍ കടുത്ത അസംതൃപ്തി രേഖപ്പെടുത്തി ഉത്തര കൊറിയ; യു.എസ് ഏകപക്ഷീയമായി സമ്മര്‍ദം ചെലുത്തുവെന്ന് കുറ്റപ്പെടുത്തല്‍

Sat,Jul 07,2018


പ്ലോംഗ്‌യാങ്: സിംഗപ്പൂരില്‍ ചരിത്രം കുറിച്ച് പ്രസിഡന്റ് ട്രമ്പും, ഉത്തര കൊറിയന്‍നേതാവ് കിം ജോംഗ് ഉനും തമ്മില്‍ നടത്തിയ ഉച്ചകോടിയുടെ തുടര്‍ച്ചയായി അമേരിക്കന്‍ വിദേശകാര്യ സെക്രട്ടറി മൈക്ക് പോമ്പിയോയും ഉത്തര കൊറിയന്‍ നേതാവ് കിം യോംഗ് ചോലും തമ്മില്‍ നടത്തിയ കൂടിക്കാഴ്ച അസ്വസ്ഥത ബാക്കിയാക്കി. രണ്ടു ദിവസത്തെ ഉന്നതതല യോഗത്തിനു ശേഷം പോമ്പിയോ മടങ്ങിയതിനു പിന്നാലെ ഉത്തരകൊറിയ പുറപ്പെടുവിച്ച പ്രസ്താവനയില്‍, ആണവായുധങ്ങള്‍ ഉപേക്ഷിക്കുന്നതു സംബന്ധിച്ച് ഏകപക്ഷീയമായി സമ്മര്‍ദം ചെലുത്തനാണ് അമേരിക്ക ശ്രമിക്കുന്നതെന്ന് കുറ്റപ്പെടുത്തി. ഉത്തര കൊറിയന്‍ നേതാവ് കിം ജോംഗ് ഉനുമായി അമേരിക്കന്‍ വിദേശകാര്യ സെക്രട്ടറി കൂടിക്കാഴ്ച നടത്തിയില്ല.
ഉത്തര കൊറിയന്‍ നേതാക്കളുമായുള്ള ചര്‍ച്ച പ്രയോജനകരമായിരുന്നുവെന്നും, ചില മേഖലകളില്‍ കാര്യമായ പുരോഗതി കൈവരിക്കുവാന്‍ കഴിഞ്ഞുവെന്നും അമേരിക്കയിലേക്ക് മടങ്ങും മുമ്പ് പോമ്പിയോ പ്രസ്താവിച്ചിരുന്നു. ചില കാര്യങ്ങളില്‍ ഇനനിയും ഏറെ ചെയ്യാനുണ്ടെന്നും അദ്ദേഹം കൂട്ടിച്ചേര്‍ത്തിരുന്നു. ആണവായുധങ്ങള്‍ ഉപേക്ഷിക്കുന്നതിനു പുറമേ കൊറിയന്‍ യുദ്ധകാലത്ത് കൊല്ലപ്പെട്ട അമേരിക്കന്‍ സൈനികരുടെ ഭൗതികാവശിഷ്ടങ്ങള്‍ അമേരിക്കയിലേക്ക് തിരികെ കൊണ്ടുവരുന്നതു സംബന്ധിച്ചും പോമ്പിയോ ചര്‍ച്ച നടത്തിയിരുന്നു.
സിംഗപ്പൂര്‍ ഉച്ചകോടിയുടെ അന്ത:സത്തയ്ക്കു നിരക്കാത്ത വിധത്തില്‍ അമേരിക്ക വഞ്ചന കാട്ടിയെന്നാണ് ഉത്തര കൊറിയ കുറ്റപ്പെടുത്തിയത്. ഉത്തര കൊറിയ ആണവവിമുക്തമാകുന്നതു സംബന്ധിച്ച് പൂര്‍ണവും പരിശോധനാവിധേയമാക്കാവുന്നതും, തിരികെ നടപ്പാക്കാന്‍ പറ്റാത്തതുമായ സംവിധാനം വേണമെന്ന് അമേരിക്ക ഏകപക്ഷിയമായി ശഠിക്കുകയായിരുന്നുവെന്ന് അവര്‍ ആരോപിച്ചു. ഇരു കൊറിയകളുടെയും മധ്യത്തിലുള്ള സമാധാന മേഖലയില്‍ വച്ചാണ് ചര്‍ച്ച നടന്നത്. ഏപ്രിലിനും ശേഷം ത്തര കൊറിയയിലേക്ക് പോമ്പിയോ നത്തുന്ന മൂന്നാമത്തെ സന്ദര്‍ശനമായിരുന്നു ഇത്. സാധാരണ ഒദു ദിവസം മാത്രമാണ് പോമ്പിയോ അവിടെ തങ്ങാറുള്ളതെങ്കിലും വെള്ളിയാഴ്ച അദ്ദേഹം പ്ലോംഗ്‌യാങിലെ ഗവണ്‍മെന്റ് ഗസ്റ്റ് ഹൗസില്‍ താമസിച്ച ശേഷം ശനിയാഴ്ചയാണ് മടങ്ങിയത്. കൊറിയന്‍ ഉപദ്വീപിന്റെ ആണവ നിരായൂധികരണം എങ്ങിനെ നടപ്പാക്കും എന്നതു സംബന്ധിച്ച് ഇരുപക്ഷത്തിനും വ്യക്തമായ ഒരു ധാരണ ഇനിയും കണ്ടെത്താന്‍ കഴിഞ്ഞിട്ടില്ലെന്ന് ചൂണ്ടിക്കാണിക്കപ്പെടുന്നു.

Other News

  • മന്ത്രിതല ചര്‍ച്ച: ഇന്ത്യ നഷ്ടപ്പെടുത്തിയത് വലിയ അവസരമെന്ന് പാക്കിസ്ഥാ ന്‍
  • യു.​എ​സു​മാ​യു​ള്ള വ്യാ​പാ​ര​യു​ദ്ധം: അ​ന്താ​രാ​ഷ്​​ട്ര സമൂഹത്തിന്റെ പി​ന്തു​ണ തേ​ടി ചൈ​ന
  • ഐക്യത്തിന്റെ സന്ദേശം പകര്‍ന്ന് ഉത്തര - ദക്ഷിണ കൊറിയന്‍ നേതാക്കള്‍ 'പവിത്ര' മല സന്ദര്‍ശിച്ചു; ട്രമ്പുമായി രണ്ടാമതൊരു ഉച്ചകോടിക്ക് താല്‍പര്യം പ്രകടിപ്പിച്ച് കിം
  • കടക്കെണിയിലും ദിവസവും ഹെലികോപ്റ്റര്‍ യാത്ര: ഇമ്രാന്‍ ഖാനെതിരെ പാക് മാധ്യമങ്ങൾ
  • സിറിയന്‍ തീരത്തുവച്ച് റഷ്യന്‍ യുദ്ധ വിമാനം അപ്രത്യക്ഷമായി
  • മാങ്​ഖുട്ട്​ ചുഴലിക്കാറ്റ്​ ഫിലിപ്പീൻസിൽ നിരവധി പേർ മണ്ണിനടിയിൽ
  • ഭാ​ര്യ കുല്‍സൂമിന്റെ മരണത്തെ തുടര്‍ന്ന് അനുവദിച്ച പരോള്‍ അവസാനിച്ചു; നവാസ് ഷരീഫ് വീണ്ടും ജയിലില്‍
  • ചരിത്രം കുറിക്കുന്ന ഉടമ്പടിക്ക് കളമൊരുങ്ങുന്നു; ചൈനയിലെ കത്തോലിക്കാ സഭയുടെയും തലവനായി മാര്‍പാപ്പയെ അംഗീകരിക്കും, കമ്യൂണിസ്റ്റ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും
  • വൈ​ദി​ക​ര്‍ക്കി​ട​യി​ലെ ലൈം​ഗി​ക​പീ​ഡ​നം: മാ​ർ​പാ​പ്പ അ​ടി​യ​ന്ത​ര സ​മ്മേ​ള​നം വി​ളി​ച്ചു
  • സ്‌കോട്ട്‌ലന്‍ഡില്‍ വാഴ്‌സിറ്റി പഠനത്തിന് എത്തിയ മകള്‍ക്കു വേണ്ടി ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെ
  • പാ​ക്​ മു​ൻ പ്ര​ധാ​ന​മ​ന്ത്രി ന​വാ​സ്​ ഷരീഫിന്റെ ഭാ​ര്യ ബീ​ഗം കു​ൽ​സൂം അന്തരിച്ചു
  • Write A Comment

     
    Reload Image
    Add code here