വെള്ളം കയറിയ ഗുഹയില്‍ കുടുങ്ങിയ തായ്ലാന്‍ഡിലെ 12 സ്‌കൂള്‍വിദ്യാര്‍ഥികളെയും ഫുട്‌ബോള്‍ കോച്ചിനെയും രക്ഷിക്കാന്‍ എട്ടാംദിവസവും തീവ്ര ശ്രമം

Sun,Jul 01,2018


ബാങ്കോക്ക്: വെള്ളം കയറിയ ഗുഹയില്‍ കുടുങ്ങിയ തായ്ലാന്‍ഡിലെ 12 സ്‌കൂള്‍വിദ്യാര്‍ഥികളെയും ഫുട്‌ബോള്‍ കോച്ചിനെയും രക്ഷിക്കാന്‍ എട്ടാംദിവസവും തീവ്ര ശ്രമം തുടരുന്നു.
അണ്ടര്‍-16 ഫുട്‌ബോള്‍ ടീം അംഗങ്ങളായ 12 സ്‌കൂള്‍കുട്ടികളും അവരുടെ കോച്ചുമാണ് വടക്കന്‍ തായ്‌ലാന്‍ഡിലെ ചിയാങ് റായി പ്രവിശ്യയിലുള്ള താം ലുവാങ് ഗുഹയില്‍ കുടുങ്ങിയത്.
കനത്തമഴയെത്തുടര്‍ന്ന് ഗുഹയുടെ കവാടം അടഞ്ഞതോടെയാണ് ഇവര്‍ ഗുഹയ്ക്കുള്ളില്‍ കുടുങ്ങിയത്. ഒരാഴ്ചയായി തുടരുന്ന തിരച്ചിലില്‍ ഇതുവരെയും കുട്ടികളെക്കുറിച്ച് വിവരം ലഭിച്ചിട്ടില്ല.
ഗുഹയില്‍ കുടുങ്ങിപ്പോയ ആ 12 കുട്ടികളുടെയും അവരുടെ കോച്ചിന്റെയും തിരിച്ചുവരവിനായി മെഴുകുതിരിവെളിച്ചത്തില്‍ തായ്‌ലാന്‍ഡിലെ സ്‌കൂള്‍കുട്ടികള്‍ പ്രാര്‍ഥനയിലാണ്.
രക്ഷാപ്രവര്‍ത്തകരെക്കൂടാതെ 45 നാവിക സീല്‍ അംഗങ്ങളുള്‍പ്പെട്ട സൈനികവിഭാഗവും ഗുഹാമുഖത്ത് തിരച്ചിലിന് നേതൃത്വം നല്‍കുന്നുണ്ട്. ഗുഹയില്‍നിറഞ്ഞ വെള്ളം പമ്പുചെയ്ത് പുറത്തുകളയുന്നുണ്ടെങ്കിലും മഴ ഈ പ്രവര്‍ത്തനത്തെ ബാധിക്കുന്നുണ്ട്.
തായ് നേവി ഡൈവര്‍മാര്‍, യു.എസ്. സൈനികസംഘം, ബ്രിട്ടനില്‍നിന്നുള്ള ഗുഹാവിദഗ്ധര്‍ തുടങ്ങിയവരാണ് രക്ഷാപ്രവര്‍ത്തനത്തിന് നേതൃത്വം നല്‍കുന്നത്. ഗുഹയില്‍നിന്ന് വെള്ളം നീക്കംചെയ്യാനുള്ള പ്രവൃത്തികള്‍ പുരോഗമിക്കുന്നു.
ഭക്ഷണം, കുടിവെള്ളം, ഫോണ്‍, ടോര്‍ച്ച്, മെഴുകുതിരി, ലൈറ്റര്‍, ഗുഹയുടെ ഭൂപടം എന്നിവയുള്‍പ്പെടുന്ന കിറ്റ് രക്ഷാപ്രവര്‍ത്തകര്‍ ഗുഹയിലെ വിടവുകളിലൂടെ ഉള്ളിലേക്ക് ഇടുന്നുണ്ട്. 10 കിലോമീറ്റര്‍ നീളമുള്ളതാണ് ഗുഹ.

Other News

  • ഭീകരാക്രമണം ഉണ്ടാകാന്‍ സാധ്യതയുണ്ടെന്ന് യു.എസ് - ഇന്ത്യന്‍ ഇന്റലിജന്‍സ് ഏജസികള്‍ മുന്നറയിപ്പ് നല്‍കിയിരുന്നു; പ്രധാനമന്ത്രി ഒന്നും അറിഞ്ഞില്ല
  • ശ്രീലങ്കയിലെ സ്‌ഫോടന പരമ്പരയ്ക്കു പിന്നില്‍ ഐ.എസും? ചാവേറുകളുടെ ചിത്രങ്ങള്‍ ഓണ്‍ലൈനില്‍, ന്യൂസിലന്‍ഡിലെ കൂട്ടക്കൊലയ്ക്കുള്ള പ്രതികാരമോ...
  • ശ്രീലങ്കയിലെ സ്‌ഫോടനത്തില്‍ കൊല്ലപ്പെട്ട മലയാളിയുടെ കബറടക്കം കൊളംബോയില്‍ നടത്തി
  • ഭീതി വിട്ടൊഴിയുന്നില്ല; കൊളംബോയിലെ ബസ് സ്റ്റാന്‍ഡില്‍ 87 ബോംബ് ഡിറ്റണേറ്ററുകള്‍ കണ്ടെത്തി
  • ശ്രീലങ്കയിലെ സ്‌ഫോടന പരമ്പര; മലയാളി ഉള്‍പ്പെടെ നാല് ഇന്ത്യക്കാര്‍ കൊല്ലപ്പെട്ടു
  • ശ്രീലങ്കയില്‍ ഈസ്റ്റര്‍ പ്രാര്‍ത്ഥനക്കിടെ പള്ളികളിലും ഹോട്ടലുകളിലും സ്‌ഫോടനം; 207 പേര്‍ മരിച്ചു
  • പള്ളികള്‍ക്കും ഇന്ത്യന്‍ ഹൈക്കമ്മീഷനും നേര്‍ക്ക് ചാവേര്‍ ആക്രമണം ഉണ്ടായേക്കുമെന്ന് പത്തു ദിവസം മുമ്പേ പോലീസ് മേധാവി മുന്നറിയിപ്പ് നല്‍കിയിരുന്നു
  • ഹോട്ടലില്‍ ബുഫേ ബ്രേക്ക്ഫാസ്റ്റ് കഴിക്കാന്‍ കാത്തു നിന്ന ചാവേര്‍ മുന്നിലെത്തിയപ്പോള്‍ സ്വയം പൊട്ടിത്തെറിച്ചു
  • ഇന്ത്യന്‍ വിദേശകാര്യ സെക്രട്ടറി ചൈനയില്‍, മസൂദ് അസര്‍ വിഷയം ചര്‍ച്ച ചെയ്യപ്പെടുമെന്ന് സൂചന
  • ഉ​ഭ​യ​ക​ക്ഷി ബ​ന്ധം മെ​ച്ച​പ്പെ​ടു​ത്താ​ൻ ഇ​ന്ത്യ​യു​മാ​യി ഉ​ച്ച​കോ​ടി​ക്ക്​ ത​യാ​റാ​ണെ​ന്ന്​ ചൈ​ന
  • ബ്രിട്ടനിലെ നിയമ പോരാട്ടത്തിന് നികുതിദായകരുടെ പണം എസ്.ബി.ഐ വെറുതെ പാഴാക്കുകയാണെന്ന് മല്യ
  • Write A Comment

     
    Reload Image
    Add code here