ഭീകരതയ്ക്ക് പണം: കരിമ്പട്ടികയില്‍ പാക്കിസ്ഥാനും ഉള്‍പ്പെട്ടേക്കുമെന്ന് റിപ്പോര്‍ട്ട്

Wed,Jun 27,2018


പാരീസ്: ഭീകരതയ്ക്ക് പണം നല്‍കുന്ന രാഷ്ട്രങ്ങളുടെ കരിമ്പട്ടികയില്‍ പാക്കിസ്ഥാനും ഉള്‍പ്പെട്ടേക്കുമെന്ന് റിപ്പോര്‍ട്ട്.
പാരീസില്‍ ചേര്‍ന്ന ഫൈനാന്‍ഷ്യല്‍ ആക്ഷന്‍ ടാസ്‌ക് ഫോഴ്‌സ് (FATF) സമ്മേളനത്തില്‍ നടന്ന അവലോകത്തിലാണ് പാക്കിസ്ഥാനെതിരായ ചര്‍ച്ചകള്‍ സജീവമായത്. അതേസമയം സമ്മേളനത്തില്‍ രാജ്യത്തിന് വേണ്ടി പ്രതിരോധിക്കാന്‍ ഇസ്ലാമാബാദും ഇടക്കാല ധനമന്ത്രി ഷംഷാദ് അക്തറും ശക്തമായി രംഗത്തുവന്നതായാണ് റിപ്പോര്‍ട്ട്.
കള്ളപ്പണം വെളുപ്പിക്കല്‍, ഭീകരപ്രവര്‍ത്തനങ്ങള്‍, മറ്റ് ഭീഷണികള്‍ എന്നിവയ്‌ക്കെതിരെയും അന്താരാഷ്ട്ര സാമ്പത്തിക വ്യവസ്ഥയുടെ സമഗ്രതയ്ക്കും വേണ്ടി പോരാടാന്‍ 1989 ല്‍ സ്ഥാപിതമായ അന്തര്‍ ഗവണ്‍മെന്റല്‍ സ്ഥാപനമാണ് FATF.
നിലവില്‍ FATF. ന്റെ 'ഗ്രേ ലിസ്റ്റി'ല്‍ ഉള്ള പാക്കിസ്ഥാന്‍ തീവ്രവാദപ്രവര്‍ത്തന നയങ്ങള്‍ പാലിക്കാത്തതും തീവ്രവാദ സംഘടനകളിലേക്ക് പണമൊഴുക്കുന്നതുമായ രാജ്യങ്ങളുടെ പട്ടികയില്‍ ചേര്‍ക്കുന്നത് ഒഴിവാക്കാനും കരിമ്പട്ടികയില്‍ വരാതിരിക്കാനും ഏതാനും മാസങ്ങളായി തീവ്രപരിശ്രമം നടത്തി വരികയായിരുന്നു. കരിമ്പട്ടികയില്‍ പെടുന്ന പക്ഷം അത് രാജ്യത്തെ സമ്പദ് വ്യവസ്ഥയില്‍ ഗുരുതരമായ പ്രത്യാഘാതങ്ങള്‍ ഉണ്ടാക്കുമെന്ന ബോധ്യം പാക് ഭരണകൂടത്തെ ഇതിനകം സമ്മര്‍ദ്ദത്തിലാക്കിയിരിക്കുകയാണ്.
ഫെബ്രുവരിയില്‍ ഇതിനുള്ള നീക്കം നടന്നെങ്കിലും പാക്കിസ്ഥാന്‍ ഭാഗ്യവശാല്‍ രക്ഷപ്പെടുകയായിരുന്നു. എന്നാല്‍, ജൂണ്‍ മാസത്തില്‍ വാച്ച്‌ലിസ്റ്റില്‍ സ്ഥാനം പിടിക്കുമെന്ന് FATF ന്റെ മുതിര്‍ന്ന ഉദ്യോഗസ്ഥനെ ഉദ്ധരിച്ച് എക്‌സ്പ്രസ് ട്രിബ്യൂണ്‍ റിപ്പോര്‍ട്ട് ചെയ്തു. നേരത്തെ 2012 മുതല്‍ 2015 വരെ പാക്കിസ്ഥാന്‍ FATF ന്റെ ഗ്രേ ലിസ്റ്റില്‍ സ്ഥാനം പിടിച്ചിരുന്നു.
ആറുദിവസം നീളുന്ന പാരീസ് സമ്മേളനത്തിന്റെ അവലോകനം പൂര്‍ത്തിയാകുമ്പോള്‍ ഭീകരസംഘടനകള്‍ക്കു പണമൊഴുകുന്ന രാജ്യങ്ങളുടെ കരിമ്പട്ടികയില്‍ ഉറപ്പായും പാക്കിസ്ഥാന്‍ സ്ഥാനം പിടിക്കുമെന്നാണ് റിപ്പോര്‍ട്ട് പ്രവചിക്കുന്നത്. സമ്മേളനത്തില്‍ പങ്കെടുക്കുന്നതിനായി പാക്കിസ്ഥാന്റെ ഇടക്കാല ധനമന്ത്രി അക്തറും മുതിര്‍ന്ന നയതന്ത്ര ഉദ്യോഗസ്ഥരും നേരത്തേ തന്നെ പാരീസില്‍ എത്തിയെന്ന് ജിയോ ടിവി റിപ്പോര്‍ട്ട് ചെയ്തു. ജൂലൈ 25 ന് പൊതു തെരഞ്ഞെടുപ്പ് നിശ്ചയിച്ചിട്ടുള്ള പാക്കിസ്ഥാനില്‍ ചീഫ് ജസ്റ്റീസ് നാസിര്‍ ഉള്‍ മുല്‍ക്കിന്റെ നേതൃത്വത്തിലുള്ള ഇടക്കാല സര്‍ക്കാരാണ് അധികാരത്തിലുള്ളത്. രാജ്യം കരിമ്പട്ടികയിലും ഉപരോധത്തിലും ഉള്‍പ്പെടുന്നത് ഒഴിവാക്കുന്നതിന് എടുത്തിട്ടുള്ള മുന്‍കരുതലുകളും പദ്ധതികളും FATF അധികൃതരെ ബോധ്യപ്പെടുത്തുന്നതിനുള്ള ശ്രമമാവും ധനമന്ത്രിയും കൂട്ടരും നടത്തുക.
നിരോധിത സംഘടനകള്‍ക്കെതിരെ ആഗോളതലത്തില്‍ സമ്മര്‍ദ്ദം ഉയര്‍ന്നതിനെ തുടര്‍ന്ന് കള്ളപ്പണം വെളുപ്പിക്കല്‍, തീവ്രവാദ പ്രവര്‍ത്തനങ്ങള്‍ക്ക് പണമൊഴുക്കല്‍ തുടങ്ങിയവ തടയുന്നതിന് വേണ്ടി രാജ്യത്ത് നടപ്പാക്കേണ്ട പുതിയ കരട് പദ്ധതി പാക്കിസ്ഥാന്‍ ആവിഷ്‌ക്കരിച്ചിട്ടുണ്ട്.
കള്ളപ്പണം വെളുപ്പിക്കല്‍ സംബന്ധിച്ച് ഏഷ്യാ പസഫിക് ഗ്രൂപ്പ് (എപിജി) നടത്തിയ നിരീക്ഷണം സംബന്ധിച്ച അഭിപ്രായങ്ങള്‍ സമര്‍പ്പിക്കുന്നതിനു രണ്ട് ദിവസം മുമ്പാണ് ഇതു തടയുന്നതിനുള്ള പുതിയ മാസ്റ്റര്‍ പ്ലാന്‍ പാക്കിസ്ഥാന്‍ തയ്യാറാക്കിയതെന്നും എക്‌സ്പ്രസ് ട്രിബ്യൂണ്‍ റിപ്പോര്‍ട്ട് പറയുന്നു.
അതേ സമയം കള്ളപ്പണം വെളുപ്പിക്കുന്നതും ഭീകര പ്രവര്‍ത്തകര്‍ക്കുള്ള സാമ്പത്തിക സഹായം എന്നിവ തടയുന്നതിനുവേണ്ടി ഫെഡറല്‍ ക്യാബിനറ്റ് മീറ്റിങ്ങില്‍ ചര്‍ച്ചചെയ്തു തീരുമാനമെടുക്കുകയാണ് ആദ്യം ചെയ്യേതെന്നാണ് എ.പി.ജിയും, FATF ഉം നിര്‍ദ്ദേശിച്ചിട്ടുള്ളത്. ഇതിനുശേഷമാകണം ധനമന്ത്രി അക്തര്‍ അധ്യക്ഷനായുള്ള സമിതിയില്‍ ആക്ഷന്‍ പ്ലാന്‍ ചര്‍ച്ചചെയ്യേണ്ടതന്നും നിര്‍ദ്ദേശമുണ്ട്. പുതിയ സമ്മേളനത്തിനു മുന്നോടിയായി FATF ന്റെ മാനദണ്ഡങ്ങള്‍ നടപ്പാക്കുന്നതിനുള്ള ശ്രമവും നടത്തുന്നുണ്ട്. ജൂണ്‍ 20ന് പാക്കിസ്ഥാന്‍ സെക്യൂരിറ്റീസ് ആന്റ് എക്‌സ്‌ചേഞ്ച് കമ്മീഷന്‍ പുറപ്പെടുവിച്ച 2018 ലെ നിയമപരിഷ്‌ക്കരണത്തില്‍ കള്ളപ്പണം വെളുപ്പിക്കല്‍ തീവ്രവാദത്തിനു പണം നല്‍കല്‍ തുടങ്ങിയവ തടയുന്നതിനെതിരെ FATF നിര്‍ദ്ദേശത്തിനു സമാനമായ നിബന്ധനകള്‍ ഉള്‍പ്പെടുത്തിയിട്ടുണ്ട്.
കള്ളപ്പണത്തിനും ഭീകരവാദത്തിനും എതിരെ FATF മുന്നോട്ടുവെച്ചിട്ടുള്ള നിബന്ധനകളോട് സഹകരിക്കുമെന്ന് ജൂണ്‍ എട്ടിന് പാക്കിസ്ഥാന്‍ ദേശീയ സുരക്ഷാ കമ്മിറ്റിയും ഉറപ്പുനല്‍കിയിരുന്നു.

Other News

  • കടക്കെണിയിലും ദിവസവും ഹെലികോപ്റ്റര്‍ യാത്ര: ഇമ്രാന്‍ ഖാനെതിരെ പാക് മാധ്യമങ്ങൾ
  • സിറിയന്‍ തീരത്തുവച്ച് റഷ്യന്‍ യുദ്ധ വിമാനം അപ്രത്യക്ഷമായി
  • മാങ്​ഖുട്ട്​ ചുഴലിക്കാറ്റ്​ ഫിലിപ്പീൻസിൽ നിരവധി പേർ മണ്ണിനടിയിൽ
  • ഭാ​ര്യ കുല്‍സൂമിന്റെ മരണത്തെ തുടര്‍ന്ന് അനുവദിച്ച പരോള്‍ അവസാനിച്ചു; നവാസ് ഷരീഫ് വീണ്ടും ജയിലില്‍
  • ചരിത്രം കുറിക്കുന്ന ഉടമ്പടിക്ക് കളമൊരുങ്ങുന്നു; ചൈനയിലെ കത്തോലിക്കാ സഭയുടെയും തലവനായി മാര്‍പാപ്പയെ അംഗീകരിക്കും, കമ്യൂണിസ്റ്റ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും
  • വൈ​ദി​ക​ര്‍ക്കി​ട​യി​ലെ ലൈം​ഗി​ക​പീ​ഡ​നം: മാ​ർ​പാ​പ്പ അ​ടി​യ​ന്ത​ര സ​മ്മേ​ള​നം വി​ളി​ച്ചു
  • സ്‌കോട്ട്‌ലന്‍ഡില്‍ വാഴ്‌സിറ്റി പഠനത്തിന് എത്തിയ മകള്‍ക്കു വേണ്ടി ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെ
  • പാ​ക്​ മു​ൻ പ്ര​ധാ​ന​മ​ന്ത്രി ന​വാ​സ്​ ഷരീഫിന്റെ ഭാ​ര്യ ബീ​ഗം കു​ൽ​സൂം അന്തരിച്ചു
  • പ്ര​തി​വ​ർ​ഷം ലോകമെമ്പാടും എ​ട്ടു ല​ക്ഷ​ത്തോ​ളം പേ​ർ ആ​ത്മ​ഹ​ത്യ ചെ​യ്യു​ന്ന​താ​യി ലോകാരോഗ്യസംഘടന
  • ഒാ​ൺ​ലൈ​ൻ വ​ഴി​യു​ള്ള മ​ത​പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ​ക്ക്​ നി​യ​ന്ത്ര​ണം കൊ​ണ്ടു​വ​രാ​ൻ ചൈ​ന​യു​ടെ നീ​ക്കം
  • പാരീസില്‍ വീണ്ടും കത്തി ആക്രമണം: 7 പേർക്ക് പരിക്ക്; അഫ്ഗാൻ പൗരൻ പിടിയിൽ
  • Write A Comment

     
    Reload Image
    Add code here