സൗദിയില്‍ പുതുയുഗപ്പിറവി; സ്ത്രീകള്‍ക്ക് വാഹനമോടിക്കാനുള്ള അനുമതി പ്രാബല്യത്തില്‍; അരലക്ഷം വനിതകള്‍ക്ക് ലൈസന്‍സ്

Sun,Jun 24,2018


റിയാദ്: നൂറ്റാണ്ടുകള്‍ നീണ്ട മതപരമായ വിലക്കിന് അന്ത്യം കുറിച്ച് സൗദി അറേബ്യ സ്ത്രീകള്‍ക്ക് വാഹനമോടിക്കാന്‍ അനുമതി നല്‍കി.
സ്ത്രീ ശാക്തീകരണത്തിന്റെയും അവകാശം ഞായറാൈഴ്ച പുലര്‍ച്ചെ 12 മണിമുതലാണ് പ്രാബല്യത്തില്‍ വന്നത്. ചരിത്രം തിരുത്തിയ പുതുയുഗപ്പിറവിയെ രാജ്യത്തെ ജനങ്ങള്‍ പൂര്‍ണമനസോടെയാണ് സ്വീകരിച്ചത്.
ലോകത്ത് വനിതകള്‍ക്ക് വാഹനമോടിക്കുന്നതിന് അനുമതിയില്ലാത്ത ഏക രാജ്യമെന്ന ദുഷ്‌കീര്‍ത്തി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്റെ ഇഛാശക്തിക്കു മുന്നില്‍ ചരിത്രത്തിന്റെ ഭാഗമായി മാറി.
വനിതകള്‍ക്ക് ഡ്രൈവിംഗ് അനുമതി നല്‍കുന്ന നിലയില്‍ ട്രാഫിക് നിയമത്തിലെ ഭേദഗതി 2017 സെപ്റ്റംബര്‍ 26 നാണ് സല്‍മാന്‍ രാജാവ് അംഗീകരിച്ചത്.
വനിതകള്‍ക്ക് ഡ്രൈവിംഗ് ലൈസന്‍സ് നല്‍കുന്നതിനും ലേഡീസ് ഡ്രൈവിംഗ് സ്‌കൂളുകള്‍ സ്ഥാപിക്കുന്നതിനും മറ്റു ക്രമീകരണങ്ങള്‍ ഏര്‍പ്പെടുത്തുന്നതിനും മതിയായ സമയം ലഭിക്കുന്നതിനു വേണ്ടി തീരുമാനം പ്രാബല്യത്തില്‍ വരുത്തുന്നത് ഇന്നേക്ക് നീട്ടിവെക്കുകയായിരുന്നു.
രാജ്യത്ത് നിയമാനുസൃതം വാഹനമോടിക്കുന്നതിനുള്ള സൗദി വനിതകളുടെ ദീര്‍ഘകാലമായുള്ള കാത്തിരിപ്പിന് ഇതോടെ വിരാമമായി. ഈ പുതുയുഗമാറ്റത്തെ സ്വീകരിക്കാന്‍ വമ്പന്‍ ഓഫറുകളുമായി കച്ചവട സ്ഥാപനങ്ങളും രംഗത്തുവന്നു. ഡ്രൈവിംഗ് ലൈസന്‍സ് കാണിച്ചാല്‍ 50 ശതമാനം വരെ വിലക്കുറവില്‍ സാധനങ്ങള്‍ വാങ്ങാമെന്നതുള്‍പ്പെടെയാണ് ഓഫറുകള്‍.
നിരവധി സൗദി വനിതകളും വിദേശ വനിതകളും ഇതിനകം ഡ്രൈവിംഗ് ലൈസന്‍സ് നേടിയിട്ടുണ്ട്. ഏതേദശ ംഅരലക്ഷം വനിതകള്‍ പുതുതായി ഡ്രൈവിംഗ് ലൈസന്‍സ് നേടിയതായാണ് റിപ്പോര്‍ട്ടുകള്‍.
വനിതകളുടെ പക്കലുള്ള വിദേശ, അന്താരാഷ്ട്ര ലൈസന്‍സുകള്‍ മാറ്റിനല്‍കുന്നതിന് ട്രാഫിക് ഡയറക്ടറേറ്റ് വിപുലമായ ക്രമീകരണങ്ങളാണ് ഏര്‍പ്പെടുത്തിയത്.
ഇതിനു പുറമെ ലേഡീസ് ഡ്രൈവിംഗ് സ്‌കൂളുകള്‍ വഴി പുതിയ ലൈസന്‍സുകളും അനുവദിക്കുന്നുണ്ട്.
ഏതാനും യൂനിവേഴ്‌സിറ്റികളുമായി സഹകരിച്ച് റിയാദ്, ജിദ്ദ, ദമാം, മദീന, തബൂക്ക് എന്നിവിടങ്ങളില്‍ സൗദി ട്രാഫിക് ഡയറക്ടറേറ്റ് ലേഡീസ് ഡ്രൈവിംഗ് സ്‌കൂളുകള്‍ സ്ഥാപിച്ചിട്ടുണ്ട്. അല്‍ഖസീം യൂനിവേഴ്‌സിറ്റിയില്‍ ലേഡീസ് ഡ്രൈവിംഗ് സ്‌കൂള്‍ സ്ഥാപിക്കുന്നതിന് സൗദി ട്രാഫിക് ഡയറക്ടറേറ്റ് കരാറില്‍ ഒപ്പുവെച്ചിട്ടുണ്ട്. ബുറൈദയില്‍ അല്‍ഖസീം യൂനിവേഴ്‌സിറ്റി കാമ്പസില്‍ വൈകാതെ ഡ്രൈവിംഗ് സ്‌കൂള്‍ പ്രവര്‍ത്തനം ആരംഭിക്കും.
മറ്റു ചില നഗരങ്ങളില്‍ ലേഡീസ് ഡ്രൈവിംഗ് സ്‌കൂളുകള്‍ തുറക്കുന്നതിനുള്ള അപേക്ഷകള്‍ ട്രാഫിക് ഡയറക്ടറേറ്റ് പഠിച്ചുവരികയാണ്.
അതേ സമയം സ്ത്രീകള്‍ക്കു കൂടി ഡ്രൈവിംഗ് അനുമതി ലഭിച്ചതോടെ മലയാളികളടക്കം ഹൗസ് ഡ്രൈവര്‍മാരായി ജോലിചെയ്യുന്ന തൊഴില്‍ മേകളയില്‍ ആയിരക്കണക്കിനുപേര്‍ക്ക് തൊഴില്‍ നഷ്ടമാകാനുള്ള സാധ്യതയും ഉയര്‍ന്നുവന്നിട്ടുണ്ട്. ടാക്‌സി സര്‍വീസ് നടത്തുന്നതിനും സ്ത്രീകളെ അനുവദിക്കുന്ന നിയമവും സൗദിയില്‍ പുതുതായി പ്രാബല്യത്തില്‍ വന്നതും വിദേശികളുടെ തൊഴിലവസരങ്ങളെയാണ് ബാധിക്കുക.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here