ജി7 ഉച്ചകോടിയില്‍ ലോകനേതാക്കളെ മുഴുവന്‍ ട്രമ്പ് അധിക്ഷേപിച്ചതായി പരാതി

Sat,Jun 16,2018


രണ്ടരക്കോടി മെക്സിക്കക്കാരെ ജപ്പാനിലേക്ക് അയച്ച് കൊണ്ട് ഷിന്‍സോ അബയെ അടുത്ത തിരഞ്ഞെടുപ്പില്‍ തോല്‍പ്പിക്കാന്‍ കഴിയുമെന്ന് അമേരിക്കന്‍ പ്രസിഡന്റ് ടൊണാള്‍ഡ് ട്രമ്പ്. ജി ഏഴ് ഉച്ചക്കോടിക്കിടെയാണ് ഷിന്‍സോ അബേയോട് ട്രമ്പ് ഇത്തരത്തില്‍ സംസാരിച്ചത്. മാത്രമല്ല ഫ്രഞ്ച്‌ പ്രസിഡന്റ് മാക്രോണ്‍ അടക്കമുള്ള ലോക നേതാക്കളെ അധിക്ഷേപിച്ച് കൊണ്ടും ട്രമ്പ് സംസാരിച്ചതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. യൂറോപ്പിനെ സംബന്ധിച്ച് കുടിയേറ്റം വലിയൊരു വിഷയമാണെന്നും ട്രമ്പ് പറഞ്ഞു. ഷിന്‍സോ താങ്കള്‍ക്ക് ഇത്തരമൊരു പ്രശ്നമില്ല. പക്ഷെ രണ്ടരക്കോടി വരുന്ന മെക്സിക്കക്കാരെ അങ്ങോട്ടേക്കയച്ച് താങ്കളെ ഓഫീസില്‍ നിന്ന തുരത്താന്‍ എനിക്കാവും ട്രമ്പ് പറഞ്ഞു.

ഷിന്‍സോ അബേയ്ക്ക് പുറമെ ഫ്രഞ്ച് പ്രസിഡന്റ് മാക്രേണിനെ അധിക്ഷേപിച്ചു കൊണ്ടും ട്രമ്പ് പ്രസ്താവനയിറക്കി. നിങ്ങള്‍ ഈ ഇമ്മാനുവേലിനെ അറിയുമായിരിക്കും കാരണം എല്ലാ തീവ്രവാദികളും പാരീസിലാണല്ലോ. ഇറാനിലെ തീവ്രവാദ പ്രശ്‌നങ്ങളെ പരാമര്‍ശിക്കവെ ട്രമ്പ് പറഞ്ഞു ഒരു തരത്തില്‍ അല്ലെങ്കില്‍ മറ്റൊരു തരത്തില്‍ എല്ലാവരും ട്രമ്പിന്റെ സംസാരത്തില്‍ അസ്വസ്ഥരായിരുന്നു. പക്ഷെ യുക്തിപരമായ രീതിയില്‍ മൗനം പാലിക്കുകയായിരുന്നു എന്നാണ് യൂറോപ്യന്‍ യൂണിയന്‍ അധികൃതര്‍ വാള്‍സ്ട്രീറ്റ് ജേര്‍ണല്‍ കൂടിക്കാഴ്ചയെ കുറിച്ച് പറഞ്ഞത്.

യൂറോപ്യന്‍ കമ്മീഷന്‍ പ്രസിഡന്റ് ജീന്‍ ക്ലോഡ് ജങ്കറിനെ നീചനായ കൊലയാളി എന്നാണ് ട്രമ്പ്‌ വിളിച്ചത്.എന്നാല്‍ ആ പരാമര്‍ശം അഭിനന്ദനമായി കരുതുന്നുവെന്നാണ് ക്ലോഡ് തിരിച്ചടിച്ചത്. ഇറക്കുമതിത്തീരുവ സംബന്ധിച്ച കടുത്ത അഭിപ്രായഭിന്നത പരിഹരിക്കാനാവാതെയാണ് വികസിത രാജ്യങ്ങളുടെ സമ്മേളനമായ ജി 7 ഉച്ചകോടി സമാപിച്ചത്. അലുമിനിയം, ഉരുക്ക് ഉത്പന്നങ്ങള്‍ക്ക് ഏര്‍പ്പെടുത്തിയ ഇറക്കുമതിത്തീരുവ പിന്‍വലിക്കാന്‍ തയ്യാറല്ലെന്ന നിലപാടില്‍ യു.എസ്. പ്രസിഡന്റ് ഡൊണാള്‍ഡ് ട്രമ്പ്‌ ഉറച്ചുനിന്നതിനാല്‍ അനുരഞ്ജന ചര്‍ച്ചകള്‍ ഫലം കണ്ടില്ല. ഉച്ചകോടിയില്‍ വൈകിയെത്തിയ ട്രമ്പ്‌ സംയുക്തപ്രസ്താവന പുറപ്പെടുവിക്കും മുമ്പ് വേദിവിട്ടു. അംഗരാജ്യങ്ങളായ കാനഡ, ജര്‍മനി, ജപ്പാന്‍, ഫ്രാന്‍സ്, ഇറ്റലി, ബ്രിട്ടന്‍ എന്നീ രാജ്യങ്ങള്‍ സംയുക്തമായി പുറപ്പെടുവിച്ച പ്രസ്താവനയില്‍ യു.എസ്. ഒപ്പുവെച്ചിരുന്നില്ല.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here