ശത്രുരാജ്യത്തെ ഭരണാധികാരിക്ക് പ്രശംസ, സഖ്യകക്ഷിക്ക് താക്കീത്; ട്രമ്പിന്റെ നിലപാട് ചര്‍ച്ചയായി

Wed,Jun 13,2018


സിംഗപ്പൂര്‍: മുഖ്യ ശത്രുവായി പരിഗണിക്കപ്പെട്ടുപോന്ന ഉത്തരകൊറിയന്‍ ഏകാധിപതി കിം ജോങ് ഉന്നിന് പ്രശംസ. അതേസമയം യു.എസിന്റെ സഖ്യകക്ഷിയായ കാനഡ പ്രധാനമന്ത്രി ജസ്റ്റിന്‍ ട്രൂഡോയ്ക്ക് താക്കീതും. സിംഗപ്പൂര്‍ ഉച്ചകോടിക്ക് ശേഷം മാധ്യമങ്ങളെ കണ്ട പ്രസിഡന്റ് ട്രമ്പ് എടുത്ത നിലപാട് ചര്‍ച്ചയായി. ജി7 ഉച്ചകോടിക്ക് ശേഷം ട്രമ്പിനെ വിമര്‍ശിച്ച ജസ്റ്റിന്‍ ട്രൂഡോയുടെ നടപടി കാനഡയ്ക്ക് കനത്ത നഷ്ടമുണ്ടാക്കുമെന്നായിരുന്നു ട്രമ്പിന്റെ മുന്നറിയിപ്പ്. വ്യാപാരത്തില്‍ യു.എസിനെ ചൂഷണം ചെയ്യാന്‍ സഖ്യകക്ഷികളെ അനുവദിക്കില്ലെന്നും ട്രൂഡോയുടെ വിമര്‍ശനം താന്‍ ശ്രവിച്ചുവെന്നും അദ്ദേഹം വ്യക്തമാക്കി. '' എയര്‍ഫോഴ്‌സ് വണ്ണില്‍ 20 ടെലവിഷനുകളുള്ള കാര്യം ട്രൂഡോയ്ക്ക് അറിയില്ലേ'' എന്നായിരുന്നു ട്രമ്പിന്റെ ചോദ്യം.

എന്നാല്‍ ഉത്തരകൊറിയന്‍ ഏകാധിപതിയായ കിം ജോങ് ഉന്നിന് ട്രമ്പ് ഗുഡ് സര്‍ട്ടിഫിക്കറ്റ് നല്‍കി. നല്ല വ്യക്തിത്വത്തിന് ഉടമയാണെന്നും സ്മാര്‍ട്ടാണെന്നും തമാശക്കാരനാണെന്നുമായിരുന്നു കിമ്മിനെക്കുറിച്ചുള്ള കമന്റ്. നേരത്തെ സിംഗപ്പൂര്‍ ഉച്ചകോടിയുടെ തുടര്‍ച്ചയായി ദക്ഷിണ കൊറിയയുമായി ചേര്‍ന്നു നടത്തുന്ന സൈനികാഭ്യാസങ്ങള്‍ അമേരിക്ക റദ്ദാക്കുകയാണെന്ന് ട്രമ്പ് പ്രഖ്യാപിച്ചിരുന്നു. 'വാര്‍ ഗെയിംസ്' എന്നു വിശേഷിപ്പിക്കപ്പെടാറുള്ള സൈനികാഭ്യാസങ്ങള്‍ ദക്ഷിണ കൊറിയയില്‍ നടത്തുമ്പോള്‍ തദ്ദേശിയ സേനയും അവടെ തമ്പടിച്ചിട്ടുള്ള അമേരിക്കന്‍ സേനയുമാണ് അതില്‍ പങ്കെടുത്തിരുന്നത്. പരിപൂര്‍ണ്ണ ആണവ നിരായൂധീകരണത്തിന് തയ്യാറാണെന്ന് ഉത്തരകൊറിയയും അറിയച്ചതോടെ ഉച്ചകോടി വിജയമാകുകയും ചെയ്തു. അരനൂറ്റാണ്ടുകാലത്തിലധികം നീണ്ടുനിന്ന ശത്രുതയ്ക്കാണ് ഇതോടെ താല്‍ക്കാലിക ശമനം വന്നത്.

അതേസമയം കാനഡയില്‍ നടന്ന ജി7 ഉച്ചകോടിയില്‍ ഇറക്കുമതി ഉത്പന്നങ്ങള്‍ക്ക് മേല്‍ തീരുവ ചുമത്തിയതിന് സഖ്യകക്ഷികളില്‍ നിന്നും കടുത്ത വിമര്‍ശനം ഏറ്റുവാങ്ങിയ ട്രമ്പ് സംയുക്ത പ്രഖ്യാപനത്തില്‍ ഒപ്പുവയ്ക്കാന്‍ വിസമ്മതിച്ചു. ആതിഥേയനായ ട്രൂഡോ നടത്തിയ വിമര്‍ശനത്തിന് അതേ നാണയത്തില്‍ മറുപടി പറയാനും അദ്ദേഹം മടിച്ചില്ല. കൂടാതെ ഇറക്കുമതി വാഹനങ്ങള്‍ക്കും നികുതി ചുമത്തുമെന്ന് മുന്നറിയിപ്പും നല്‍കി. കൂടുതല്‍ യു.എസ് ഉത്പന്നങ്ങള്‍ക്ക് തീരുവ ചുമത്തുമെന്ന് കാനഡയും തിരിച്ചടിച്ചതോടെ സഖ്യകക്ഷികള്‍ തമ്മില്‍ വ്യാപാരയുദ്ധം ആസന്നമായി.

Other News

  • ചുഴലിക്കാറ്റ് 'ഇദായ്' വന്‍ നാശം വിതച്ചു; ആയിരം പേര്‍ മരിച്ചുവെന്ന് മൊസാമ്പിക്ക് പ്രസിഡന്റ്
  • സിന്‍ജിയാങ് മേഖലയില്‍ നിന്ന് 13000 'ഭീകരരെ' അറസ്റ്റു ചെയ്തതായി ചൈന
  • നിരവ് മോഡിക്കെതിരേ ലണ്ടനിലെ കോടതി അറസ്റ്റ് വാറന്റ് പുറപ്പെടുവിച്ചു
  • ഡച്ച് നഗരമായ ഉട്രക്ടില്‍ ഭീകരാക്രമണം; ട്രാമില്‍ യാത്ര ചെയ്തിരുന്ന മൂന്നു പേരെ വെടിവച്ചു കൊന്നു, അക്രമിയെ അറസ്റ്റ് ചെയ്തു
  • ന്യൂസിലന്‍ഡ് വെടിവെപ്പു നടത്തിയ ഭീകരന്‍ കോടതിയില്‍ സ്വയം വാദിക്കും ; മുന്‍ അഭിഭാഷകനെ നീക്കി
  • ന്യൂസിലാന്‍ഡ് വെടിവെപ്പിനു മിനിട്ടുകള്‍ക്ക് മുമ്പ് അക്രമി പ്രധാന മന്ത്രിയടക്കം മുപ്പത് പേര്‍ക്ക് ആക്രമണ വിവരം ഇ മെയില്‍ ചെയ്തു
  • മസൂദ് അസര്‍ പ്രശ്‌നം ഇന്ത്യയുമായി ചര്‍ച്ച ചെയ്യാന്‍ സന്നദ്ധമെന്ന് ചൈന
  • അമേരിക്കയുടെയും, യൂറോപ്യന്‍ യൂണിന്റെയും മുന്നറിയിപ്പുകള്‍ അവഗണിച്ച് ചൈനയുടെ ബെല്‍റ്റ് ആന്‍ഡ് റോഡ് പദ്ധതിയുമായി സഹകരിക്കാന്‍ ഇറ്റലി
  • ന്യൂസിലാന്‍ഡ് മോസ്‌കിലെ കൂട്ടക്കൊല; ഒരു മലയാളി ഉള്‍പ്പെടെ ഏഴ് ഇന്ത്യക്കാര്‍ കൊല്ലപ്പെട്ടു
  • മുസ്ലീംകള്‍ക്കെതിരെ പരാമര്‍ശം നടത്തിയ ഓസ്‌ട്രേലിയന്‍ മന്ത്രിയുടെ തലയില്‍ മുട്ട ഉടച്ച കൗമാരക്കാരന്‍ സോഷ്യല്‍ മീഡിയയില്‍ പതിനായിരങ്ങളുടെ ഹീറോ
  • ന്യൂസിലാന്‍ഡ് മോസ്‌കിലെ കൂട്ടക്കൊലയ്ക്കു കാരണം മുസ്ലിം കുടിയേറ്റമാണെന്നു പ്രസ്താവിച്ച ഓസ്‌ട്രേലിന്‍ സെനറ്ററെ പാര്‍ലമെന്റ് ശാസിക്കും
  • Write A Comment

     
    Reload Image
    Add code here