ഉച്ചകോടി പുതുചരിത്രപ്പിറവി; യുഎസ്-ഉത്തരകൊറിയ രാഷ്ട്ര തലവന്മാര്‍ നേരില്‍ കാണുന്നത് ആദ്യമായി

Tue,Jun 12,2018


സിംഗപ്പൂര്‍: ചരിത്രത്തിലാദ്യമായിട്ടാണ് യുഎസ് പ്രസിഡന്റും ഉത്തരകൊറിയന്‍ മേധാവിയും നേരില്‍ കാണുന്നത്. 1950-53 ലെ കൊറിയന്‍ യുദ്ധം മുതല്‍ ചിരവൈരികളായ രണ്ടു രാജ്യങ്ങളുടെ തലവന്‍മാരാണ് ഇന്നു മുഖാമുഖമെത്തിയത്.
ഏറെക്കാലത്തെ വാക് പോരുകള്‍ക്കും വെല്ലുവിളികള്‍ക്കും മിസൈല്‍ പരീക്ഷണങ്ങള്‍ക്കും സൈനികാഭ്യാസങ്ങള്‍ക്കും ഒടുവിലാണ് ഇരു നേതാക്കളും ഒരുമിച്ചിരുന്ന് സമാധാനത്തിലേക്കുളള സാധ്യത തേടുന്നത്.
ചര്‍ച്ചയെ ലോകരാജ്യങ്ങള്‍ പ്രതീക്ഷയോടെ നോക്കുമ്പോള്‍ ദക്ഷിണകൊറിയ, ജപ്പാന്‍,ചൈന,റഷ്യ എന്നീ രാജ്യങ്ങളാണ് ഇതിനെ അതി സൂക്ഷ്മമായി നിരീക്ഷിച്ചു കൊണ്ടിരിക്കുന്നത്. കൊറിയയും ജപ്പാനും ഉത്തര കൊറിയയുടെ അയല്‍ രാജ്യങ്ങളും ഉത്തര കൊറിയയുമായി ചരിത്രപരമായ ശത്രുത വച്ചു പുലര്‍ത്തുന്നവരുമാണ്. റഷ്യയും ചൈനയുമാണ് ഉത്തര കൊറിയയെ പിന്തുണയ്ക്കുന്ന ലോകരാജ്യങ്ങള്‍.
ഉത്തരകൊറിയയുടെ പൂര്‍ണ ആണവനിരായുധീകരണമാണ് ലക്ഷ്യമെന്നു അമേരിക്ക ഇന്നലെയും ആവര്‍ത്തിച്ചിരുന്നു. ആണവനിരായുധീകരണം യാഥാര്‍ഥ്യമാക്കാന്‍ ഉത്തരകൊറിയയ്ക്കു സുരക്ഷാ ഉറപ്പുകള്‍ നല്‍കാമെന്നു യുഎസ് സ്റ്റേറ്റ് സെക്രട്ടറി മൈക്ക് പോംപെയോ വ്യക്തമാക്കി.
യുഎസുമായുള്ള ബന്ധത്തില്‍ ഗുണപരമായ മാറ്റമുണ്ടാക്കാനും സ്വരാജ്യത്തു സമാധാനവും പുരോഗതിയും കൈവരിക്കാനും കിം ജോങ് ഉന്നിനുള്ള അപൂര്‍വമായ അവസരമാണിതെന്നും അദ്ദേഹം പറഞ്ഞു.
കിം ജോംഗ് ഉന്നുമായുള്ള കൂടിക്കാഴ്ചയ്ക്കു മുന്നേ സിംഗപ്പൂര്‍ പ്രധാനമന്ത്രി ലീ ഹെസിന്‍ ലൂംഗുമായി അമേരിക്കന്‍ പ്രസിഡന്റ് ഡോണള്‍ഡ് ട്രമ്പ് കൂടിക്കാഴ്ച നടത്തി. തിങ്കളാഴ്ച രാവിലെയാണ് ഇരു നേതാക്കളും തമ്മില്‍ കണ്ടത്. അമേരിക്കന്‍ വിദേശകാര്യ സെക്രട്ടറി മൈക്ക് പോംപിയോ, യുരക്ഷാ ഉപദേഷ്ടാവ് ജോണ്‍ ബോള്‍ട്ടന്‍, വൈറ്റ്ഹൗസ് പ്രസ് സെക്രട്ടറി സാറ ഹക്ക്ബി എന്നിവരും ട്രമ്പിനൊപ്പമുണ്ടായിരുന്നു.
നേരത്തെ, നിശ്ചയിച്ച കൂടിക്കാഴ്ച സംബന്ധിച്ച് ട്രമ്പ് സ്വീകരിച്ച വ്യത്യസ്ത നിലപാടുകള്‍ ആശങ്കകള്‍ക്കിടയാക്കിയിരുന്നു.
ആദ്യം ഉച്ചകോടി നടക്കുമെന്ന് പറഞ്ഞ ട്രമ്പ് പിന്നീട് ഇത് നടക്കില്ലെന്ന് പറഞ്ഞു, അതിനുശേഷം ഉച്ചകോടി നടക്കാന്‍ സാധ്യതകള്‍ ബാക്കിയാണെന്ന് വ്യക്തമാക്കി. ഒടുവില്‍ ഉച്ചകോടി നടക്കുമെന്ന് ആവര്‍ത്തിക്കുകയായിരുന്നു
ഉത്തരകൊറിയ അണ്വായുധങ്ങള്‍ പൂര്‍ണമായും ഉപേക്ഷിക്കാമെന്ന് സമ്മതിക്കുമെന്നാണ് അമേരിക്കയുടെ പ്രതീക്ഷ.
അതല്ലെങ്കില്‍ അതാണ് അവരുടെ ആവശ്യം. കൊറിയന്‍ മേഖലയില്‍ യുദ്ധം അവസാനിപ്പിക്കാനുള്ള കരാറില്‍ ഉത്തര കൊറിയ ഒപ്പുവെയ്ക്കണമെന്നതും അമേരിക്ക മുമ്പോട്ടു വയ്ക്കുന്ന നിബന്ധനകളാണ്. ഇക്കാര്യങ്ങളെല്ലാം ഉത്തര കൊറിയ അംഗീകരിക്കുമോ എന്ന് വ്യക്തവുമല്ല. എന്നാല്‍ അണുവായുധങ്ങള്‍ ഉപേക്ഷിക്കാന്‍ തയ്യാറാണെന്ന് അവര്‍ പറഞ്ഞതും ആണവ പരീക്ഷണ കേന്ദ്രങ്ങള്‍ സ്വയം തകര്‍ത്ത് സമാധാനത്തോടുളള പ്രതിബദ്ധത അവര്‍ തെളിയിച്ചതും എല്ലാം പോസിറ്റീവ്ആയാണ് ട്രമ്പ് ഭരണകൂടം കാണുന്നത്. ചര്‍ച്ചയില്‍ നിന്ന് പിന്‍മാറുന്നതായി ഇടയ്ക്ക് അമേരിക്ക പറഞ്ഞപ്പോഴും കരുതലോടെ മാത്രമാണ് ഉത്തര കൊറിയ പ്രതികരിച്ചത്. ചര്‍ച്ചകള്‍ക്കുളള തങ്ങളുടെ താത്പര്യം അവര്‍ ആവര്‍ത്തിക്കുകയും ചെയ്തു.
അതുകൊണ്ടു തന്നെയാണ് ഇരുരാജ്യങ്ങളും നിലപാടുകളില്‍ വ്യത്യസ്ത ധ്രുവങ്ങളില്‍ നില്‍ക്കുമ്പോഴും ചര്‍ച്ചകള്‍ ഏതെങ്കിലും രീതിയില്‍ സമാധാനത്തിലേക്ക് ഒരു വാതില്‍ തുറക്കും എന്ന് ലോകം കരുതുന്നതും. അമേരിക്കയുമായി നല്ല ബന്ധമുണ്ടാകുകയും അവരുടെ ഭാഗത്തുനിന്നുള്ള പ്രകോപനങ്ങള്‍ അവസാനിക്കുകയും ചെയ്താല്‍ പിന്നെ അണ്വായുധങ്ങള്‍ എന്തിനാണ് എന്നാണ് ഉത്തര കൊറിയ ചോദിക്കുന്നത്.
അതു കൊണ്ടു തന്നെ സിംഗപ്പൂര്‍ ചര്‍ച്ച അമേരിക്ക-ഉത്തര കൊറിയ ബന്ധങ്ങളില്‍ വലിയ മാറ്റം കൊണ്ടുവരുമെന്നും ലോക രാഷ്ട്രങ്ങള്‍ പ്രതീക്ഷിക്കുന്നു.

Other News

  • ശ്രീലങ്കയിലെ ഭീകരാക്രമണം; വിരലുകള്‍ നീളുന്നത് മതതീവ്ര നേതാവ് ഹാഷിമിനു നേര്‍ക്ക്
  • കൊളംബോ ഭീകരാക്രമണ സംഘത്തിലെ ഒരാള്‍ യുകെയില്‍ പഠനം നടത്തി; ഭീകരര്‍ എല്ലവരും ഉന്നത വിദ്യാഭ്യാസം നേടിയവര്‍
  • 27 വര്‍ഷം അബോധാവസ്ഥയില്‍ കഴിഞ്ഞ യു.എ.ഇ വനിത കണ്ണു തുറന്ന് ജീവിതത്തിലേക്ക് മടങ്ങിയെത്തി
  • ശ്രീലങ്കയിലെ സ്‌ഫോടനത്തിന്റെ ഉത്തരവാദിത്വം ഏറ്റെടുത്ത് ഐ.എസ്; ലക്ഷ്യമിട്ടത് അമേരിക്കന്‍ സഖ്യരാജ്യങ്ങളിലുള്ളവരെയും, ക്രൈസ്തവരെയും
  • കിം - പുടിന്‍ കൂടിക്കാഴ്ച ഉടന്‍; ഇരു നേതാക്കളും തമ്മിലുള്ള ആദ്യ സമ്മേളനം
  • ഭീകരാക്രമണം ഉണ്ടാകാന്‍ സാധ്യതയുണ്ടെന്ന് യു.എസ് - ഇന്ത്യന്‍ ഇന്റലിജന്‍സ് ഏജസികള്‍ മുന്നറയിപ്പ് നല്‍കിയിരുന്നു; പ്രധാനമന്ത്രി ഒന്നും അറിഞ്ഞില്ല
  • ശ്രീലങ്കയിലെ സ്‌ഫോടനത്തില്‍ കൊല്ലപ്പെട്ട മലയാളിയുടെ കബറടക്കം കൊളംബോയില്‍ നടത്തി
  • ഭീതി വിട്ടൊഴിയുന്നില്ല; കൊളംബോയിലെ ബസ് സ്റ്റാന്‍ഡില്‍ 87 ബോംബ് ഡിറ്റണേറ്ററുകള്‍ കണ്ടെത്തി
  • ശ്രീലങ്കയിലെ സ്‌ഫോടന പരമ്പരയ്ക്കു പിന്നില്‍ ഐ.എസും? ചാവേറുകളുടെ ചിത്രങ്ങള്‍ ഓണ്‍ലൈനില്‍, ന്യൂസിലന്‍ഡിലെ കൂട്ടക്കൊലയ്ക്കുള്ള പ്രതികാരമോ...
  • ശ്രീലങ്കയിലെ സ്‌ഫോടന പരമ്പര; മലയാളി ഉള്‍പ്പെടെ നാല് ഇന്ത്യക്കാര്‍ കൊല്ലപ്പെട്ടു
  • ശ്രീലങ്കയില്‍ ഈസ്റ്റര്‍ പ്രാര്‍ത്ഥനക്കിടെ പള്ളികളിലും ഹോട്ടലുകളിലും സ്‌ഫോടനം; 207 പേര്‍ മരിച്ചു
  • Write A Comment

     
    Reload Image
    Add code here