ബാലലൈംഗികതയുമായി ബന്ധപ്പെട്ട കേസില്‍ മുന്‍ വത്തിക്കാന്‍ നയതന്ത്ര പ്രതിനിധി കുറ്റക്കാരനെന്ന് കോടതി

Sat,Jun 09,2018


വത്തിക്കന്‍ സിറ്റി: ബാലലൈംഗികതയുമായി ബന്ധപ്പെട്ട വലിയൊരു ശേഖരം ചിത്രങ്ങള്‍ കൈവശം വയ്ക്കുകയും, കൈമാറ്റം ചെയ്യുകയും ചെയ്തുവെന്ന കുറ്റത്തിന് അമേരിക്കയില്‍ വത്തിക്കാന്‍ നയതന്ത്ര പ്രതിനിധിയായി സേവനമനുഷ്ഠിച്ചിട്ടുള്ള മോണ്‍. കാര്‍ലോ ആല്‍പെബെര്‍ട്ടാ കാപ്പെല്ല കുറ്റക്കരനാണെന്ന് വത്തിക്കാന്‍ മജിസ്‌ട്രേറ്റ് കണ്ടെത്തി. കേസില്‍ ഇനി വിചാരണ നേരിടേണ്ടതുണ്ട്.
വത്തിക്കാന്‍ പ്രതിനിധിയായി വാഷിംഗ്ടണില്‍ സേവനമുനഷ്ഠിച്ചു വരവേയാണ് മോണ്‍.കാപ്പെല്ല ആരോപണ വിധേയനായത്. വത്തിക്കാന്റെ ഒരു നയതന്ത്ര പ്രതിനിധിയുടെ കൈവശം നിയമവിരുദ്ധമായ ബാലലൈംഗികത സംബന്ധിച്ച നിരവധി അശ്ലീല ചിത്രങ്ങളുടെ ശേഖരമുണ്ടെന്നും അദ്ദേഹത്തിന്റെ നയതന്ത്ര പരിരക്ഷ നീക്കണമെന്നും അമേരിക്കന്‍ സ്റ്റേറ്റ് ഡിപ്പാര്‍ട്ട്‌മെന്റ് ഓഗസ്റ്റില്‍ വത്തിക്കാനോട് അഭ്യര്‍ഥിക്കുകയായിരുന്നു. വത്തിക്കാന്‍ ഈ നടപടിക്ക് അനുമതി നല്‍കിയില്ലെങ്കിലും മോണ്‍. കാപ്പെല്ലയെ തിരികെ വിളിച്ചു. തുടര്‍ന്ന് അദ്ദേഹത്തെ അറസ്റ്റ് ചെയ്യുകയായിരുന്നു. വത്തിക്കാനിലെ ചെറിയ കോടതി മുറിയില്‍ ജൂണ്‍ 22 ന് കേസിന്റെ വിചാരണ ആരംഭിക്കും. പുരോഹതിരുമായി ബന്ധപ്പെട്ട ലൈംഗിക ചൂഷണ കേസില്‍ നിരവധി ആരോപണങ്ങള്‍ മറികടക്കാന്‍ ശ്രമിക്കുന്ന കത്തോലിക്കാ സഭയ്ക്ക് മറ്റൊരു തലവേദനയായി ഈ കേസ് മാറിയിട്ടുണ്ട്. ബാല ലൈംഗിക പീഢന കേസ് മറച്ചുവയ്ക്കാന്‍ ശ്രമിച്ചുവെന്ന ആരോപണം കോളിളക്കം സൃഷ്ടിച്ച ചിലിയിലെ 34 ബിഷപ്പുമാരും കഴിഞ്ഞ മാസം സ്ഥാത്യാഗം ചെയ്യാന്‍ മാര്‍പാപ്പയ്ക്കു മുന്നില്‍ സന്നദ്ധത പ്രകടിപ്പിച്ചിരുന്നു.
കാനഡ സന്ദര്‍ശിച്ച അവസരത്തില്‍ ബാലലൈംഗികതയുമായി ബന്ധപ്പെട്ട ചിത്രങ്ങള്‍ കൈവശം വയ്ക്കുകയും ഇന്റര്‍നെറ്റിലൂടെ വിതരണം ചെയ്യുകയും ചെയ്തുവെന്ന കുറ്റത്തിന് മോണ്‍. കാപ്പെല്ലയ്‌ക്കെതിരേ കാനഡയിലെ വിന്‍ഡ്‌സറിലുള്ള പോലീസ് അറസ്റ്റ് വാറന്റ് പുറപ്പെടുവിച്ചിരുന്നു. വത്തിക്കാന്‍ മോണ്‍.കാപ്പെല്ലയെ തിരികെ വിളിച്ചതിനു ശേഷമാണ് കാനഡയുടെ നീക്കമുണ്ടായത്. ഡൊമിനിക്കന്‍ റിപ്പബ്ലിക്കില്‍ വത്തിക്കാന്‍ അംബാസഡറായിരിക്കെ ആണ്‍കുട്ടികളെ പണം നല്‍കി വിളിച്ചു വരുത്തി ലൈംഗിക കാര്യങ്ങള്‍ക്ക് ഉപയോഗപ്പെടുത്തി എന്ന കേസില്‍ ആരോപണ വിധേയനായ മുന്‍ ആര്‍ച്ച്ബിഷപ് ജോസഫ് വെസോലേവിസ്‌കിയുടെ കേസിനു ശേഷം ഏറ്റവും നാണക്കേടുണ്ടാക്കിയ സംഭവമാണ് മോണ്‍.കാപ്പെല്ലയ്‌ക്കെതിരേ ഉയര്‍ന്ന ആരോപണം. ആര്‍ച്ച്ബിഷപ് ജോസഫ് വെസോലേവിസ്‌കിയെ വത്തിക്കാന്‍ തിരിച്ചു വിളിക്കുകയും അറസ്റ്റു ചെയ്യുകയും സ്ഥാനമാനങ്ങള്‍ നീക്കം ചെയ്യുകയും ചെയ്തിരുന്നു. വത്തിക്കാന്‍ കോടതില്‍ വിചാരണ ആരംഭിക്കാനിരിക്കെ 2015 ല്‍ അറുപത്തിയേഴാം വയസില്‍ അദ്ദേഹം മരിച്ചു.

Other News

  • ശ്രീലങ്കയില്‍ പാക്കിസ്ഥാന്‍ അഭയാര്‍ഥികളെ ലക്ഷ്യമിടുന്നു; നൂറുകണക്കിനാളുകള്‍ പലായനം ചെയ്തു
  • മരണസംഖ്യ 'പുതുക്കി' ശ്രീലങ്ക; സ്‌ഫോടനത്തില്‍ കൊല്ലപ്പെട്ടത് 253 പേരെന്ന് ആരോഗ്യ മന്ത്രാലയം
  • ശ്രീലങ്കയിലെ ഭീകരാക്രമണം; വിരലുകള്‍ നീളുന്നത് മതതീവ്ര നേതാവ് ഹാഷിമിനു നേര്‍ക്ക്
  • കൊളംബോ ഭീകരാക്രമണ സംഘത്തിലെ ഒരാള്‍ യുകെയില്‍ പഠനം നടത്തി; ഭീകരര്‍ എല്ലവരും ഉന്നത വിദ്യാഭ്യാസം നേടിയവര്‍
  • 27 വര്‍ഷം അബോധാവസ്ഥയില്‍ കഴിഞ്ഞ യു.എ.ഇ വനിത കണ്ണു തുറന്ന് ജീവിതത്തിലേക്ക് മടങ്ങിയെത്തി
  • ശ്രീലങ്കയിലെ സ്‌ഫോടനത്തിന്റെ ഉത്തരവാദിത്വം ഏറ്റെടുത്ത് ഐ.എസ്; ലക്ഷ്യമിട്ടത് അമേരിക്കന്‍ സഖ്യരാജ്യങ്ങളിലുള്ളവരെയും, ക്രൈസ്തവരെയും
  • കിം - പുടിന്‍ കൂടിക്കാഴ്ച ഉടന്‍; ഇരു നേതാക്കളും തമ്മിലുള്ള ആദ്യ സമ്മേളനം
  • ഭീകരാക്രമണം ഉണ്ടാകാന്‍ സാധ്യതയുണ്ടെന്ന് യു.എസ് - ഇന്ത്യന്‍ ഇന്റലിജന്‍സ് ഏജസികള്‍ മുന്നറയിപ്പ് നല്‍കിയിരുന്നു; പ്രധാനമന്ത്രി ഒന്നും അറിഞ്ഞില്ല
  • ശ്രീലങ്കയിലെ സ്‌ഫോടനത്തില്‍ കൊല്ലപ്പെട്ട മലയാളിയുടെ കബറടക്കം കൊളംബോയില്‍ നടത്തി
  • ഭീതി വിട്ടൊഴിയുന്നില്ല; കൊളംബോയിലെ ബസ് സ്റ്റാന്‍ഡില്‍ 87 ബോംബ് ഡിറ്റണേറ്ററുകള്‍ കണ്ടെത്തി
  • ശ്രീലങ്കയിലെ സ്‌ഫോടന പരമ്പരയ്ക്കു പിന്നില്‍ ഐ.എസും? ചാവേറുകളുടെ ചിത്രങ്ങള്‍ ഓണ്‍ലൈനില്‍, ന്യൂസിലന്‍ഡിലെ കൂട്ടക്കൊലയ്ക്കുള്ള പ്രതികാരമോ...
  • Write A Comment

     
    Reload Image
    Add code here