ഹൂസ്റ്റണില്‍ ഇന്ത്യന്‍ വംശജരായ സ്ഥാനാര്‍ഥികളുടെ പ്രചാരണം സജീവമായി

Thu,Oct 11,2018


ഹൂസ്റ്റണ്‍: അമേരിക്കയില്‍ നവംബറില്‍ നടക്കുന്ന ഇടക്കാലെ തെരഞ്ഞെടുപ്പില്‍ മത്സരിക്കുന്ന ഇന്ത്യന്‍ വംശജരായ സ്ഥാനാര്‍തികളുടെ പ്രചാരണം ഹൂസ്റ്റണില്‍ സജീവമായി. യു.എസ് കോണ്‍ഗ്രസിലേക്കു മത്സരിക്കുന്ന പ്രസ്റ്റണ്‍ കുല്‍ക്കര്‍ഇി, ഫോര്‍ട്ട്‌ബെന്‍ഡ് കൗണ്ടി ജഡ്ജി സ്ഥാനാര്‍ഥിയും മലയാളിയുമായ കെ.പി ജോര്‍ജ്, കൗണ്ടി കോര്‍ട്ട് അറ്റ് ലോ മൂന്നിലേക്കു മത്സരിക്കുന്ന മലയാളി ജൂലി മാത്യു എന്നിവര്‍ സംയുക്തമായും, ഒറ്റയ്ക്കും ഹൂസ്റ്റണിലെ വിവിധ സ്ഥലങ്ങള്‍ സന്ദര്‍ശിച്ച് വോട്ടര്‍മാരുമായി ആശയവിനിമയം നടത്തുകയും വോട്ടു തേടുകയും ചെയ്തു.
ഹൂസ്റ്റണിലെ വിവിധ പള്ളികളിലും, ക്ഷേത്രങ്ങളിലും, മോസ്‌കുകളിലുമെത്തി സ്ഥാനാര്‍ഥികള്‍ വിശ്വാസികളെ നേരില്‍ കണ്ട് സംഭാഷണം നടത്തുകയുണ്ടായി. ഓരോ സ്ഥാനാര്‍ഥികളും തങ്ങളുടെ അജന്‍ഡകള്‍ വോട്ടര്‍മാരെ ധരിപ്പിച്ചു. ഇവിടങ്ങളിലൊക്കെ വോട്ടര്‍ രജിസ്‌ട്രേഷനുള്ള സൗകര്യവും ക്രമീകരിച്ചിരുന്നു. ബാബു തെക്കേക്കര, പദ്മ ശ്രീനിവാസന്‍ എന്നിവര്‍ ഇതിന് നേതൃത്വം നല്‍കി.
ഒക്‌ടോബര്‍ 22 മുതല്‍ നവംബര്‍ രണ്ടു വരെയാണ് ഏര്‍ലി വോട്ടിംഗിനുള്ള സൗകര്യം ഏര്‍പ്പെടുത്തിയിരിക്കുന്നത്. രാവിലെ ഏഴു മുതല്‍ വൈകുന്നേരം ഏഴു വരെയാണ് വോട്ടിംഗ് സമയം. നവംബര്‍ ആറിനാണ് പൊതുതെരഞ്ഞെടുപ്പ്.
ഹൂസ്റ്റണ്‍ സെന്റ് ജോസഫ് സീറോ മലബാര്‍ ഫൊറോനാ പള്ളി, സെന്റ് മേരീസ് ക്‌നാനായ കാത്തലിക് ഫൊറോനാ പള്ളി, സെന്റ് തോമസ് ഓര്‍ത്തഡോക്‌സ് പള്ളി, ഇമ്മാനുവേല്‍ മാര്‍ത്തോമ്മ പള്ളി, സെന്റ് പോള്‍ ആന്‍ഡ് സെന്റ് പീറ്റേഴ്‌സ് ഓര്‍ത്തഡോക്‌സ് പള്ളി, ലിവിംഗ് വാട്ടേഴ്‌സ് ബാപ്റ്റിസ്റ്റ് ചര്‍ച്ച് സ്റ്റാഫോര്‍ഡ്, ഗുരുവായൂരപ്പന്‍ ടെമ്പിള്‍, മറിയം ഇസ്ലാമിക് സെന്റര്‍, സ്റ്റാഫോര്‍ഡ് മോസ്‌ക് തുടങ്ങിയ ആരാധനാ കേന്ദ്രങ്ങളില്‍ സ്ഥാനാര്‍ഥികള്‍ മീറ്റ് ആന്‍ഡ് ഗ്രീറ്റ് പ്രോഗ്രാമിന്റെ ഭാഗമായി എത്തിയിരുന്നു.


Other News

  • ആണവ സാങ്കേതിക വിദ്യ സൗദിക്കു കൈമാറാനുള്ള ട്രമ്പ് ഭരണകൂടത്തിന്റെ നീക്കത്തിനെതിരേ ജനപ്രതിനിധി സഭ അന്വേഷണത്തിന്
  • സൗത്ത് ഫ്‌ളോറിഡ നവകേരളയ്ക്ക് നവസാരഥികള്‍
  • ഇന്ത്യ കാത്തലിക് അസോ. ഓഫ് അമേരിക്കയുടെ വാര്‍ഷികം നടത്തി
  • വൈറ്റ്ഹൗസ് പിടിക്കാന്‍ വീണ്ടും ബേര്‍ണി സാന്‍ഡേഴ്‌സ്; നോമിനേഷന്‍ നേടിയാല്‍ ഏറ്റവും പ്രായം കൂടിയ സ്ഥാനാര്‍ഥി എന്ന ഖ്യാതിക്ക് അര്‍ഹനാകും
  • ഹൂസ്റ്റണില്‍ ഇന്ത്യന്‍ ദമ്പതികള്‍ വെടിയേറ്റു മരിച്ച നിലയില്‍; ആത്മഹത്യയെന്ന് സംശയം
  • ഫോമാ സണ്‍ഷൈന്‍ റീജിയന്‍ ബാഡ്മിന്റന്‍ ടൂര്‍ണമെന്റ്
  • ഹൂസ്റ്റണില്‍ ഗുരുമന്ദിരം യാഥാര്‍ഥ്യമാകുന്നു
  • മലയാളം സൊസൈറ്റി സമ്മേളനം നടത്തി
  • ട്രമ്പിനെ പുറത്താക്കാന്‍ എഫ്.ബി.ഐ - ജസ്റ്റിസ് ഡിപ്പാര്‍ട്ട്‌മെന്റ് ഉന്നതര്‍ ആലോചന നടത്തിയെന്ന് ആരോപണം; അന്വേഷണം നടത്തുമെന്ന് സെനറ്റ് കമ്മിറ്റി ചെയര്‍മാന്‍
  • പിടിയിലായ ഐ.എസ് ഭീകരരെ യൂറോപ്യന്‍ രാജ്യങ്ങള്‍ വിചാരണയ്ക്ക് വിധേയമാക്കണമെന്ന് ട്രമ്പ്
  • വെനസ്വേലയിലേക്ക് അമേരിക്കന്‍ യുദ്ധ വിമാനങ്ങള്‍ ദുരിതാശ്വാസ സഹായങ്ങള്‍ എത്തിച്ചു തുടങ്ങി
  • Write A Comment

     
    Reload Image
    Add code here