'ഫ്‌ളോറന്‍സ്' ചുഴലി കൊടുങ്കാറ്റ് കരുത്താര്‍ജിക്കുന്നു; മൂന്നു സംസ്ഥാനങ്ങളില്‍ നിന്നായി പത്തു ലക്ഷത്തോളം പേരെ മാറ്റിപാര്‍പ്പിക്കുന്നു

Tue,Sep 11,2018


വാഷിംഗ്ടണ്‍ ഡി സി: മൂന്നു പതിറ്റാണ്ടിനു ശേഷം അമേരിക്കയുടെ കിഴക്കന്‍ തീരത്ത് എത്തുന്ന ഏറ്റവും രൂക്ഷമായ ചുഴലി കൊടുങ്കാറ്റായി 'ഫ്‌ളോറന്‍സ്' മാറുമെന്ന് കാലവസ്ഥാ കേന്ദ്രങ്ങള്‍ പ്രവചിച്ചതോടെ മേഖലയില്‍ അതീവ ജാഗ്രതാ നിര്‍ദേശം നല്‍കിയിരിക്കുകയാണ്. നോര്‍ത്ത് - സൗത്ത് കരോലിന, വിര്‍ജീനിയ, മേരിലാന്‍ഡ്, വാഷിംഗ്ടണ്‍ ഡിസി എന്നീ സംസ്ഥാനങ്ങള്‍ അടിയന്തരാവസ്ഥ പ്രഖ്യാപിച്ചു കഴിഞ്ഞു. ഈ ചുഴലിക്കാറ്റ് രാക്ഷസരൂപിയാണെന്നും, ജീവന് ഭീഷണി ഉയര്‍ത്തുന്നതായി മാറുമെന്നും നോര്‍ത്ത് കരോലിന ഗവര്‍ണര്‍ റോയ് കൂപ്പര്‍ പത്രസേമ്മേളനത്തില്‍ പറഞ്ഞു.
നോര്‍ത്ത് - സൗത്ത് കരോലിന, വിര്‍ജീനിയ എന്നിവിടങ്ങളില്‍ ചുഴലിക്കാറ്റ് വീശാന്‍ സാധ്യതയുള്ള സ്ഥലങ്ങളിലെ വീടുകളില്‍ നിന്ന് ഒഴിഞ്ഞു പോകാന്‍ അധികൃതര്‍ ജനങ്ങള്‍ക്ക് നിര്‍ദേശം നല്‍കി. പത്തു ലക്ഷത്തോളം പേരെയാണ് ഈ നിര്‍ദേശം ബാധിക്കുക എന്നു കണക്കാക്കപ്പെടുന്നു. ചഴലിക്കാറ്റ് കരയില്‍ പതിക്കുന്നതിന്റെ ഏതാനും മൈല്‍ അകലെയാണ് സൗത്ത്‌പോര്‍ട്ടിലെ ബ്രുണ്‍സ്‌വിക് ന്യൂക്ലിയര്‍ പ്ലാന്റ് സ്ഥിതി ചെയ്യുന്നത്. ചുഴലിക്കാറ്റ് കൂടുതല്‍ കരുത്താര്‍ജിക്കുകയാണെന്നും നൂറ് മൈല്‍ അകലെ വരെ അതിന്റെ പ്രതിധ്വനി അനുഭവപ്പെടുന്നുണ്ടെന്നും സൗത്ത് കരോലിനയിലെ ഡബ്ലു.സി.ബി.ഡി ടിവി യുടെ ചീഫ് മെട്രോളജിസ്റ്റ് റോബ് ഫ്‌ളവര്‍ പറഞ്ഞു.
വിര്‍ജീനിയയിലെ നാവിക കേന്ദ്രത്തില്‍ തമ്പടിച്ചിട്ടുള്ള അമേരിക്കന്‍ നാവിക സേനയുടെ 30 കപ്പലുകള്‍ കടലിലേക്കു മാറ്റാന്‍ അധികൃതര്‍ നിര്‍ദേശം നല്‍കി. സൗത്ത് കരോലിനയിലെ കടല്‍തീര മേഖലയില്‍ താമസിക്കുന്ന എല്ലാവരും ഒഴിഞ്ഞു പോകണമെന്ന് ഗവര്‍ണര്‍ ഹെന്ററി മക് മാസ്റ്റര്‍ ആവശ്യപ്പെട്ടു. ചൊവ്വാഴ്ച ഉച്ചയോടെ വീടു വിടണമെന്നാണ് നിര്‍ദേശിച്ചിട്ടുള്ളത്. വ്യാഴാഴ്ച കരയില്‍ പതിക്കുമ്പോഴേക്കും ചുഴലികൊടുങ്കാറ്റിന്റെ ശക്തി കുറഞ്ഞേക്കുമെന്ന് പ്രതീക്ഷയുണ്ടെങ്കിലും അതീവ അപകടകാരിയായ കൊടുങ്കാറ്റായി തന്നെ ഇതിനെ കണക്കാക്കണമെന്ന് അധികൃതര്‍ മുന്നറിയിപ്പു നല്‍കു.


Other News

  • ഇന്ത്യ ഉള്‍പ്പെടെ എട്ടു രാജ്യങ്ങള്‍ക്ക് ഇറാനില്‍ നിന്ന് എണ്ണ ഇറക്കുമതി ചെയ്യാന്‍ നല്‍കിയിരുന്ന ഇളവ് അമേരിക്ക അവസാനിപ്പിക്കുന്നു
  • ട്രമ്പിനെതിരേയുള്ള ഇംപീച്ച്‌മെന്റ്; വൈകാതെ തീരുമാനമെടുക്കുമെന്ന് ഡെമോക്രാറ്റ് പാര്‍ട്ടി
  • സി.എം.എ കലാമേള: സിനിമാതാരം ശിവാനി ഭായ് മുഖ്യാതിഥി
  • ഫോമ ഭവന പദ്ധതി; ന്യൂയോര്‍ക്ക് എംപയര്‍ റീജണും പങ്കുചേരുന്നു
  • കേരള ക്ലബ്ബ് 'തൈക്കുടം - ബ്രിഡ്ജ്' ഷോ നടത്തുന്നു
  • 'നിന്‍പാ' നഴ്‌സിംഗ് കോണ്‍ഫറന്‍സ് നടത്തുന്നു
  • നായര്‍ ബനവലന്റ് അസോ. വിഷു ആഘോഷിച്ചു
  • ബാസ്‌കറ്റ് ബോള്‍ ടൂര്‍ണമെന്റ്; കേരള ബ്ലാസ്റ്റേഴ്‌സ് ജേതാക്കള്‍
  • ഷെറിന്റെ മരണം: വെസ്ലി മാത്യൂസ് ദത്തുപുത്രിയെ നിരന്തരം ഉപദ്രവിച്ചിരിക്കാമെന്ന് പുതിയ കോടതി രേഖ
  • അമേരിക്കയിലക്ക് അനധികൃതമായി കടക്കാന്‍ ശ്രമിക്കുന്നതിനിടെ ഒറ്റപ്പെട്ടു പോയ രണ്ട് ഇന്ത്യക്കാരെ ബോര്‍ഡര്‍ പട്രോള്‍ പിടികൂടി
  • പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ലെ റ​ഷ്യ​ൻ ഇ​ട​പെ​ട​ൽ തെ​ളി​യി​ക്കാ​ൻ അന്വേഷണസംഘത്തിന് കഴിഞ്ഞില്ലെന്ന്‌ അ​റ്റോ​ണി ജ​ന​റ​ൽ വി​ല്യം ബാ​ർ
  • Write A Comment

     
    Reload Image
    Add code here