അമേരിക്കക്കാര്‍ക്കെതിരേ നടപടി എടുത്താല്‍ ഇന്റര്‍നാഷണല്‍ ക്രിമിനല്‍ കോടതിക്ക് എതിരേ ഉപരോധം ഏര്‍പ്പെടുത്തുമെന്ന് അമേരിക്കയുടെ ഭീഷണി

Mon,Sep 10,2018


വാഷിംഗ്ടണ്‍ ഡി സി: അമേരിക്കക്കാര്‍ക്കെതിരേ പ്രോസിക്യൂഷന്‍ നടപടികളുമായി മുന്നോട്ടു പോയാല്‍ ഇന്റര്‍നാഷണല്‍ ക്രിമിനല്‍ കോടതിക്ക് എതിരേ ഉപരോധം ഏര്‍പ്പെടുത്തുമെന്ന് അമേരിക്ക മുന്നറിയിപ്പ് നല്‍കി. അഫ്ഗാന്‍ യുദ്ധകാലത്ത് കരുതല്‍ തങ്കലിലാക്കിയവരെ ചൂഷണം ചെയ്തുവെന്ന ആരോപണത്തില്‍ അമേരിക്കന്‍ സൈനികര്‍ക്കെതിരേ പ്രോസിക്യൂഷന്‍ നടപടി കോടതി പരിഗണിച്ചു വരികയാണെന്ന റിപ്പോര്‍ട്ടാണ് അമേരിക്കയെ ചൊടിപ്പിച്ചിരിക്കുന്നത്.
തങ്ങളുടെ പൗരന്മാരെ സംരക്ഷിക്കുവാന്‍ ആവുന്നതെല്ലാം ചെയ്യുമെന്ന് അമേരിക്കയുടെ ദേശീയ സുരക്ഷാ ഉപദേഷ്ടാവ് ജോണ്‍ ബോള്‍ട്ടന്‍ വ്യക്തമാക്കി. 2002 ല്‍ രൂപീകരിച്ച ഇന്റര്‍നാഷണല്‍ ക്രിമിനല്‍ കോടതിയില്‍ 123 രാജ്യങ്ങള്‍ അംഗങ്ങളാണെങ്കിലും അമേരിക്ക ഉള്‍പ്പെടെ എഴുപതോളം രാജ്യങ്ങള്‍ വിട്ടു നില്‍ക്കുകയാണ്. വംശഹത്യ, മാനവരാശിക്ക് എതിരേയുള്ള കുറ്റങ്ങള്‍, യുദ്ധക്കുറ്റം തുടങ്ങിയ വിഷയങ്ങളിലാണ് ഇന്റര്‍നാഷണല്‍ ക്രിമിനല്‍ കോടതി പ്രധാനമായും ഇടപെടല്‍ നടത്തുന്നത്.
കോടതി അമേരിക്കയുടെ പിന്നാലെ വന്നാല്‍ തങ്ങള്‍ വെറുതെയിരിക്കില്ലെന്ന് ബോള്‍ട്ടന്‍ ഓര്‍മിപ്പിച്ചു. ഇന്റര്‍നാഷണല്‍ ക്രിമിനല്‍ കോടതി ജഡ്ജിമാരും, പ്രോസിക്യൂട്ടര്‍മാരും അമേരിക്കയില്‍ പ്രവേശിക്കുന്നതു വിലക്കുന്നതിനു പുറമേ അമേരിക്കയിലുള്ള അവരുടെ ഫണ്ടുകള്‍ക്ക് ഉപരോധം ഏര്‍പ്പെടുത്തുമെന്നും ബോള്‍ട്ടന്‍ അറിയിച്ചു. അമേരിക്കക്കാര്‍ക്കെതിരേ ഇന്റര്‍നാഷണല്‍ ക്രിമിനല്‍ കോടതിയെ സഹായിക്കുന്ന രാജ്യങ്ങള്‍ക്കെതിരേ അതേ നാണയത്തില്‍ തിരിച്ചടി നല്‍കുമെന്നും ബോള്‍ട്ടന്‍ വ്യക്തമാക്കി.


Other News

  • നവകേരള നിര്‍മ്മിതിക്ക് അമേരിക്കന്‍ മലയാളികളോട് സഹായം അഭ്യര്‍ത്ഥിച്ച് മുഖ്യമന്ത്രി പിണറായി
  • കേരളത്തിലെ പ്രളയക്കെടുതി; അമേരിക്കന്‍ മലയാളി സംഘടനാ നേതാക്കളുമായി മുഖ്യമന്ത്രി പിണറായി വിജയന്‍ ചര്‍ച്ച നടത്തി
  • മേരിലാന്‍ഡില്‍ യുവതി ജോലി സ്ഥലത്ത് മൂന്നു പേരെ വെടിവച്ചു കൊന്ന ശേഷം ജീവനൊടുക്കി
  • സീറോ മലബാര്‍ ദേശീയ കണ്‍വന്‍ഷന്‍; രജിസ്‌ട്രേഷന്‍ കിക്കോഫ് ഹൂസ്റ്റണില്‍ നടത്തി
  • ന്യൂജേഴ്‌സി ക്രൈസ്റ്റ് കിംഗ് ക്‌നാനായ കത്തോലിക്കാ ദേവാലയം കൂദാശ ചെയ്തു
  • 'ഫ്‌ളോറന്‍സ്' ഉയര്‍ത്തിയ പ്രളയക്കെടുതി മാറാതെ നോര്‍ത്ത് കരോലിന; മരണം 32 ആയി, നദികള്‍ കരകവിഞ്ഞൊഴുകുന്നു
  • ഷിക്കാഗോ കത്തീഡ്രലില്‍ സീറോ മലബാര്‍ കണ്‍വന്‍ഷന്‍ രജിസ്‌ട്രേഷന്‍ കിക്കോഫ് 23 ന്
  • ഡാളസില്‍ മര്‍ത്ത മറിയം വനിതാ സമാജം വാര്‍ഷിക സമ്മേളനം
  • റോക്ക്‌ലാന്‍ഡ് സെന്റ് മേരീസ് ക്‌നാനായ ഇടവക വാര്‍ഷികവും തിരുനാളും
  • പ്രവീണ്‍ വര്‍ഗീസ് വധക്കേസ്; പ്രതി ഗേജ് ബഥൂണിനെ കോടതി കുറ്റവിമുക്തനാക്കി, അപ്പീല്‍ നല്‍കുമെന്ന് പ്രോസിക്യൂഷന്‍
  • ട്രമ്പിന്റെ സുപ്രീംകോടതി നോമിനിക്കെതിരെ ലൈംഗികാരോപണം
  • Write A Comment

     
    Reload Image
    Add code here