അതീവ അപകടകാരിയായ 'ഫ്‌ളോറന്‍സ്' ചുഴലി കൊടുങ്കാറ്റ് എത്തുന്നു; സൗത്ത് - നോര്‍ത്ത് കരോലിന, വിര്‍ജീനിയ എന്നിവിടങ്ങളില്‍ അടിയന്തരാവസ്ഥ പ്രഖ്യാപിച്ചു

Mon,Sep 10,2018


വാഷിംഗ്ടണ്‍ ഡി സി: അമേരിക്കയുടെ കിഴക്കന്‍ തീരത്തേക്ക് അതീവ അപകടകാരിയായ 'ഫ്‌ളോറന്‍സ്' ചുഴലി കൊടുങ്കാറ്റ് എത്തിക്കൊണ്ടിരിക്കുകയാണെന്ന് കാലാവസ്ഥാ കേന്ദ്രം മുന്നറിയിപ്പ് നല്‍കി. മണിക്കൂറില്‍ 130 മൈല്‍ വേഗതയില്‍ വീഴുന്ന കൊടുങ്കാറ്റ് കാറ്റഗറി നാലിലാണ് ഇപ്പോള്‍ ഉള്‍പ്പെടുത്തിയിരിക്കുന്നത്. പതിറ്റാണ്ടുകള്‍ക്കു ശേഷം ഈ മേഖലയില്‍ വീശുന്ന ഏറ്റവും ശക്തമായ ചുഴലി കൊടുങ്കാറ്റായിരിക്കും ഇത്. മുന്‍കരുതല്‍ എന്ന നിലയില്‍ സൗത്ത് കരോലിന, നോര്‍ത്ത് കരോലിന, വിര്‍ജീനിയ എന്നിവിടങ്ങളില്‍ അടിയന്തരാവസ്ഥ പ്രഖ്യാപിച്ചു. ചുഴലിക്കാറ്റ് വ്യാഴാഴ്ച കരോലിനയില്‍ വീശിയടിക്കുമെന്ന് കരുതപ്പെടുന്നു.
കാറ്റഗറി രണ്ട് ഗണത്തില്‍ പെട്ട ചുഴലി കൊടുങ്കാറ്റായാണ് ആദ്യം 'ഫ്‌ളോറന്‍സ്' വിലയിരുത്തപ്പെട്ടെങ്കിലും പിന്നീട് അത് ശക്തിപ്രാപിക്കുകയായിരുന്നു. അറ്റ്‌ലാന്റിക്കിലെ ചൂടുവെള്ളം ചുഴലിക്കാറ്റിനെ കൂടുതല്‍ കരുത്തുള്ളതാക്കുമെന്നും കാറ്റഗറി അഞ്ചിലേക്ക് അത് ഉയര്‍ന്നേക്കുമെന്നും സൂചനയുണ്ട്. തീരപ്രദേശത്തും ഉള്‍നാട്ടിലും കനത്ത മഴയ്ക്കും വെള്ളപ്പൊക്കത്തിനും 'ഫ്‌ളോറന്‍സ്' കാരണമായേക്കുമെന്ന് നാഷണല്‍ ഹറിക്കെയിന്‍ സെന്റര്‍ മുന്നറിയിപ്പ് നല്‍കി.
തീര മേഖലയിലെ ദ്വീപുകളില്‍ നിന്ന് ജനങ്ങളോട് ഒഴിഞ്ഞു മാറാന്‍ നോര്‍ത്ത് കരോലിന അധികൃതര്‍ ആവശ്യപ്പെട്ടിട്ടുണ്ട്. ചുഴലികൊടുങ്കാറ്റ് എത്തുമെന്ന് കരുതപ്പെടുന്ന സ്ഥലങ്ങളിലെ സൂപ്പര്‍ മാര്‍ക്കറ്റുകളിലും മറ്റും അവശ്യ സാധനങ്ങള്‍ വാങ്ങാന്‍ ജനങ്ങള്‍ തിക്കിത്തിരിക്കുകയാണ്. 1989 ല്‍ വലിയ നാശം വിതച്ച 'ഹൂഗോ' ചുഴലി കൊടുങ്കാറ്റിനു ശേഷം മേഖലയില്‍ വീശുന്ന ആദ്യത്തെ കാറ്റഗറി നാലില്‍പെട്ട ചുഴലിക്കാറ്റാണ് 'ഫ്‌ളോറന്‍സ്'. 'ഹൂഗോ' ചുഴലിക്കാറ്റ് ഏഴു ബില്യണ്‍ ഡോളര്‍ നഷ്ടമുണ്ടാക്കുകയും 49 പേരുടെ ജീവന്‍ അപഹരിക്കുകയും ചെയ്തിരുന്നു.


Other News

  • സുരക്ഷാ സംവിധാനങ്ങള്‍ വര്‍ധിപ്പിക്കുന്നതിനു വേണ്ടി മെക്‌സിക്കന്‍ അതിര്‍ത്തിയിലെ ഏറ്റവും തിരക്കേറിയ ക്രോസിംഗ് മൂന്നു മണിക്കൂര്‍ നേരത്തേക്ക് അമേരിക്ക അടച്ചു
  • സൗദി മാധ്യമപ്രവര്‍ത്തകന്‍ ഖഷോഗിയുടെ കൊലപാതകവുമായി ബന്ധപ്പെട്ട് സിഐഎ തയ്യാറാക്കിയ റിപ്പോര്‍ട്ട് ചൊവ്വാഴ്ച പുറത്തുവിടുമെന്ന് പ്രസിഡന്റ് ഡോണള്‍ഡ് ട്രമ്പ്
  • മെക്‌സിക്കന്‍ അതിര്‍ത്തിയില്‍ തമ്പടിക്കുന്ന യുഎസ് കുടിയേറ്റക്കാര്‍ക്കെതിരെ തദ്ദേശവാസികളുടെ പ്രതിഷേധം
  • ഫ്രാന്‍സിസ് ജോര്‍ജിന് ന്യൂയോര്‍ക്കില്‍ സ്വീകരണം നല്‍കുന്നു
  • ശബരിമല തീര്‍ഥാടനം; സമാധാന സാഹചര്യം ക്രമീകരിക്കണമെന്ന് പ്രമേയം
  • 'ഈശോയ്‌ക്കൊരു കുഞ്ഞാട്' പദ്ധതിക്കായി വേദപാഠ കുട്ടികള്‍ കൈ കോര്‍ക്കുന്നു
  • പ്രളയക്കെടുതി; ഫോമായുടെ കന്നിവീട് ക്യാപ്പിറ്റല്‍ റീജിയനില്‍ നിന്ന്
  • ഷീബ അമീന് നവംബര്‍ 23 ന് ന്യൂയോര്‍ക്കില്‍ സ്വീകരണം
  • കാലിഫോര്‍ണിയ കാട്ടുതീ; ട്രമ്പ് സന്ദര്‍ശനം നടത്തി, മരണം 76, കാണാതായവരുടെ ലിസ്റ്റില്‍ 1276 പേര്‍
  • എച്ച് 1 ബി വിസക്കാരുടെ ജീവിതപങ്കാളികള്‍ക്ക് നല്‍കിയിട്ടുള്ള വര്‍ക്ക് ഓതറൈസേഷന്‍ ട്രമ്പ് ഭരണകൂടം റദ്ദാക്കുന്നത് തടയണമെന്ന് ആവശ്യപ്പെടുന്ന ബില്‍ അമേരിക്കന്‍ കോണ്‍ഗ്രസില്‍
  • ന്യൂജേഴ്‌സിയില്‍ അക്രമിയുടെ വെടിയേറ്റ് ഇന്ത്യക്കാരന്‍ കൊല്ലപ്പെട്ടു
  • Write A Comment

     
    Reload Image
    Add code here