യൂണിവേഴ്‌സിറ്റി ഓഫ് ഇല്ലിനോയിയിലെ പ്രസംഗത്തില്‍ ട്രമ്പിനെയും റിപ്പബ്ലിക്കന്‍ പാര്‍ട്ടിയെയും വിമര്‍ശിച്ച് ഒബാമ

Sat,Sep 08,2018


ഷിക്കാഗോ: വൈറ്റ്ഹൗസിന്റെ പടിയിറങ്ങിയാല്‍ പിന്നെ മുന്‍ പ്രസിന്റുമാര്‍ രാഷ്ട്രീയം പറയുന്ന രീതി അമേരിക്കയില്‍ സാധാരണമല്ല. എന്നാല്‍, ബരാക് ഒബാമ പതിവു കീഴ്‌വഴക്കങ്ങള്‍ മാറ്റിവയ്ക്കുകയാണ്. വെള്ളിയാഴ്ച യൂണിവേഴ്‌സിറ്റി ഓഫ് ഇല്ലിനോയിയില്‍ വിദ്യാര്‍ഥികളെ അഭിസംബോധ ചെയ്യവേ പ്രസിഡന്റ് ട്രമ്പിനെയും, റിപ്പബ്ലിക്കന്‍ പാര്‍ട്ടിയെയും വിമര്‍ശിക്കുന്നതില്‍ ഒബാമ ഒരു പിശുക്കും കാണിച്ചില്ല.
ഏറെ വിവാദങ്ങള്‍ ഉയര്‍ത്തുന്ന പ്രസിഡന്റിന്റെ നേതൃത്വത്തില്‍ അധികാരം നിലനിറുത്തുന്നതിനു വേണ്ടി ഭയവും വിഭാഗീയതയും വളര്‍ത്തി തീവ്ര നിലപാട് പുലര്‍ത്താനാണ് റിപ്പബ്ലിക്കന്‍ പാര്‍ട്ടി ശ്രമിക്കുന്നതെന്ന് ഒബാമ കുറ്റപ്പെടുത്തി. ജി.ഒ.പി യുടെ നിലപാട് സാധാരണമല്ലെന്നു ചൂണ്ടിക്കാട്ടിയ മുന്‍ പ്രസിഡന്റ് എടുത്തുചാട്ടക്കാരനായ ട്രമ്പാണ് വൈറ്റ്ഹൗസിലുള്ളതെങ്കിലും ഒരു ഗ്രൂപ്പാണ് ഭരണം നിയന്ത്രിക്കുന്നതെന്നു ചൂണ്ടിക്കാട്ടി ഭരണംഗത്തെ ഒരുന്നതന്‍ പേരു വെളിപ്പെടുത്താതെ ന്യൂയോര്‍ക്ക് ടൈംസില്‍ എഴുതിയ ലേഖനം ഇപ്പോഴത്തെ ഭരണരംഗത്തെ അവസ്ഥ വ്യക്തമാക്കന്നുവെന്ന് പറഞ്ഞു. ജനപ്രതിനിധി സഭയിലും, സെനറ്റിലമുള്ള റിപ്പബ്ലിക്കന്‍ മേധാവിത്വം ഇല്ലതാക്കാന്‍ നവംബറിലെ ഇടക്കാല തെരഞ്ഞെടുപ്പ് ഫലപ്രദമായി ഉപയോഗിക്കുന്നതിനുള്ള ഡെമോക്രാറ്റ് പാര്‍ട്ടിയുടെ കാമ്പയിന് തന്റെ സജീവ സാന്നിധ്യമുണ്ടാകുമെന്ന സൂചനയാണ് ഒബാമയുടെ പ്രസംഗത്തില്‍ പ്രതിഫലിച്ചത്. നവബംറിലെ തെരഞ്ഞെടുപ്പില്‍ വോട്ടുകള്‍ ഫലപ്രദമായി ഉപയോഗിക്കണമെന്ന് ഒബാമ സദസിനെ ആഹ്വാനം ചെയ്തു.
2016 ലെ പ്രസിഡന്‍ഷ്യല്‍ തെരഞ്ഞെടുപ്പില്‍ റഷ്യന്‍ ഇപെടലുണ്ടായി എന്ന് അമേരിക്കന്‍ ഇന്റലിജന്‍സ് ഏജന്‍സികള്‍ ആരോപിക്കുമ്പോള്‍ റഷ്യന്‍ പ്രസിഡന്റ് പുടിനുമായി അടുപ്പമുണ്ടാക്കാനാണ് ട്രമ്പ് ശ്രമിക്കുന്നതെന്ന് ഒബാമ ചൂണ്ടിക്കാട്ടി. റിപ്പബ്ലിക്കന്‍ പാര്‍ട്ടിക്ക് എന്താണ് സംഭവിക്കുന്നതെന്നു മനസിലാകുന്നില്ല. അവരുടെ വിദേശ നയത്തിന്റെ കാതല്‍ തന്നെ കമ്യൂണിസ്റ്റുകള്‍ക്കെതിരേ പോരാട്ടം നടത്തുക എന്നതാണ്. എന്നിട്ട് കെ.ജി.ബി യുടെ മുന്‍ തലവനുമായി രമ്യതപ്പെടാന്‍ അവര്‍ ശ്രമിക്കുകയാണ്. റഷ്യന്‍ ആക്രമണത്തില്‍ നിന്ന് നമ്മുടെ തെരഞ്ഞെടുപ്പുകളെ പ്രതിരോധിക്കാനുള്ള നിയമ നിര്‍മാണത്തെ അവര്‍ തടസപ്പെടുത്തുന്നു. എന്താണ് അവര്‍ക്കു സംഭവിക്കുന്നതെന്നു മനസിലാകുന്നില്ലെന്ന് ഒബാമ പറഞ്ഞു. അറ്റോര്‍ണി ജനറല്‍ ജെഫ് സെഷന്‍സിന്റെ നടപടികളെ വിമര്‍ശിച്ച് ജസ്റ്റിസ് ഡിപ്പാര്‍ട്ട്‌മെന്റിന്റെ പ്രവര്‍ത്തനം രാഷ്ട്രീയവത്കരിക്കാന്‍ ട്രമ്പ് ശ്രമിക്കുകയാണെന്നും ഒബാമ ആരോപിച്ചു.
ഒബാമയുടെ പ്രസംഗത്തെപ്പറ്റി നോര്‍ത്ത് ഡക്കോട്ടയില്‍ ഒരു ചടങ്ങില്‍ പങ്കെടുക്കവേ പ്രസിഡന്റ് ട്രമ്പ് പറഞ്ഞത് ഇങ്ങിനെയാണ്. 'ക്ഷമിക്കണം, ഞാന്‍ അതു കണ്ടെങ്കിലും ഉറങ്ങിപ്പോയി. അദ്ദേഹത്തിന്റെ പ്രസംഗം ഉറങ്ങാന്‍ വളരെ നല്ലതാണെന്നു മനസിലായി.'


Other News

  • രണ്ടു വര്‍ഷം; തെറ്റായതോ, തെറ്റിദ്ധരിപ്പിക്കുന്നതോ ആയ എണ്ണായിരം അവകാശവാദങ്ങള്‍ ട്രമ്പ് നടത്തിയെന്ന് റിപ്പോര്‍ട്ട്
  • ഷട്ട്ഡൗണ്‍ ; ട്രമ്പിന്റെ ഒത്തുതീര്‍പ്പു വ്യവസ്ഥയില്‍ സെനറ്റ് ഈ ആഴ്ച വോട്ടു ചെയ്യും
  • മലങ്കര അതിഭദ്രാസനം സംയുക്ത ക്രിസ്മസ് - പുതുവത്സര ആഘോഷം നടത്തി
  • നിപ വൈറസ് ജീവനെടുത്ത ലിനി പുതുശ്ശേരിക്ക് ഫൊക്കാനാ നൈറ്റിംഗേല്‍ പുരസ്‌കാരം
  • ഡാളസില്‍ ടാക്‌സ് സെമിനാര്‍ വിജ്ഞാനപ്രദമായി
  • ഇന്ത്യന്‍ അമേരിക്കന്‍ വംശജയായ സെനറ്റര്‍ കമല ഹാരിസ് വൈറ്റ്ഹൗസിലേക്കു മത്സരിക്കുകയാണെന്ന് പ്രഖ്യാപിച്ചു
  • മാഗിന് നവ സാരഥികള്‍
  • കേരള സ്‌പോര്‍ട്‌സ് ആന്‍ഡ് ആര്‍ട്‌സ് ക്ലബ്ബിന് നവസാരഥികള്‍
  • ഗുഡ്‌സമരിറ്റന്‍ പുരസ്‌കാരം ഹൂസ്റ്റണ്‍ റാന്നി അസോസിയേഷന്
  • ​സ്വന്തം കുടുംബത്തിലെ നാല്​ പേരെ മൃഗീയമായി കൊലപ്പെടുത്തിയ യുവാവിനെ അമേരിക്കൻ പൊലീസ്​ വെടിവെച്ച്​ കൊന്നു
  • ഷട്ട്ഡൗണ്‍; ഒത്തുതീര്‍പ്പ് വ്യവസ്ഥ നിരാകരിച്ച ഡെമോക്രാറ്റ് നിലപാടിനെ നിശിതമായി വിമര്‍ശിച്ച് ട്രമ്പ്
  • Write A Comment

     
    Reload Image
    Add code here