രൂപയുടെ മൂല്യത്തകര്‍ച്ച; വിദേശ കടബാധ്യത വീട്ടാന്‍ 68,500 കോടി അധികമായി കണ്ടെത്തേണ്ടി വരും

Fri,Sep 07,2018


ന്യൂഡല്‍ഹി: ഡോളറിനെതിരേ ഇന്ത്യന്‍ രൂപ കൂടുതല്‍ ദുര്‍ബലമാകുന്നത് രാജ്യത്തിന്റെ എണ്ണ ഇറക്കുമതി ബില്‍ കുത്തനേ ഉയര്‍ത്തുന്നതിനു പുറമേ സമീപ മാസങ്ങളില്‍ തിരിച്ചടയ്‌ക്കേണ്ട ഹ്രസ്വകാല വിദേശ വായ്പകള്‍ക്കും കൂടുതലായി തുക കണ്ടെത്തേണ്ടി വരും. സമീപ മാസങ്ങളിലെ വിദേശ വായ് തിരിച്ചടവുകള്‍ക്കു വേണ്ടി 68,500 കോടി രൂപ കൂടുതലായി കണ്ടെത്തേണ്ടി വരുമെന്നാണ് സ്റ്റേറ്റ് ബാങ്ക് ഓഫ് ഇന്ത്യയുടെ നിരീക്ഷണം. ഡോളറിനെതിരേ ഈ വര്‍ഷം 11 ശതമാനത്തിലധികം ഇടിവാണ് രൂപ രേഖപ്പെടുത്തിയിട്ടുള്ളത്.
വ്യാഴാഴ്ച ഒരു ഡോളറിന് 72 രൂപ എന്ന നിരക്കിലേക്ക് ഇന്ത്യന്‍ കറന്‍സി ഇടിഞ്ഞു. 2018 ല്‍ ഇനിയുള്ള മാസങ്ങളില്‍ എണ്ണ വില ശരാശരി ബാരലിന് 76 ഡോളര്‍ എന്ന അവസ്ഥയില്‍ നില്‍ക്കുകയും, ഡോളറിനെതിരേ രൂപയുടെ മൂല്യം 73 രൂപ ആവുകയും ചെയ്താല്‍ എണ്ണയുടെ ഇറക്കുമതി ബില്ലില്‍ 45,700 കോടി രൂപയുടെ വര്‍ധന ഉണ്ടാകുമെന്ന് എസ്.ബി.ഐ യുടെ മുഖ്യ സാമ്പത്തിക ഉപദേഷ്ടാവായ സൗമ്യ കാന്തി ഘോഷ് മുന്നറിയിപ്പ് നല്‍കി.
എന്‍.ആര്‍.ഐ നിക്ഷേപങ്ങളും, കമ്പനികള്‍ വാങ്ങിയ കൊമേഴ്‌സ്യല്‍ വായ്പകളുമുള്‍പ്പെടെ ഇന്ത്യയുടെ ഹ്രസ്വകാല വിദേശ വായ്പ 2017 ല്‍ 217.6 ബില്യണ്‍ ഡോളറായിരുന്നു. ഇതില്‍ പകുതി അടച്ചു കഴിഞ്ഞുവെന്നോ അല്ലെങ്കില്‍ അടുത്ത വര്‍ഷത്തേകകു കൂടി നീട്ടിയെന്നോ കണക്കാക്കിയാല്‍ പോലും തിരിച്ചടയ്ക്കാനുള്ളത് 7.1 ലക്ഷം കോടി രൂപയാണ്. ഇത് ഡോളറിന് 65.1 എന്ന നിരക്കില്‍ രൂപയുടെ മൂല്യം കണക്കാക്കിയുള്ള സംഖ്യയാണ്. എന്നാല്‍ ഡോളറിന് ശരാശരി 71.4 രൂപ എന്ന നിരക്കില്‍ ഇത് കണക്കാക്കിയാല്‍ ഇത് 7.8 ലക്ഷ കോടി രൂപയാകും. അതായത് കൂടുതലായി 70000 കോടി രൂപ കണ്ടെത്തേണ്ടി വരുമെന്ന് ചുരുക്കം.


Other News

  • പിടിയിലായ ഐ.എസ് ഭീകരരെ യൂറോപ്യന്‍ രാജ്യങ്ങള്‍ വിചാരണയ്ക്ക് വിധേയമാക്കണമെന്ന് ട്രമ്പ്
  • വെനസ്വേലയിലേക്ക് അമേരിക്കന്‍ യുദ്ധ വിമാനങ്ങള്‍ ദുരിതാശ്വാസ സഹായങ്ങള്‍ എത്തിച്ചു തുടങ്ങി
  • ലൈംഗിക ചൂഷണം: മുന്‍ അമേരിക്കന്‍ കര്‍ദിനാളിനെ പൗരോഹിത്യ പദവിയില്‍ നിന്ന് നീക്കം ചെയ്തു
  • അതിര്‍ത്തി മതിലിനുള്ള ഫണ്ട് കണ്ടെത്താന്‍ നാഷണല്‍ എമര്‍ജന്‍സി പ്രഖ്യാപിച്ച് ട്രമ്പ്; വരാന്‍ പോകുന്നത് നിയമ പോരാട്ടം
  • സ്വയം പ്രതിരോധിക്കാൻ ഇന്ത്യക്ക് അവകാശമുണ്ടെന്ന് അമേരിക്ക
  • ചിക്കാഗോയിൽ നിന്ന്​ 65 കിലോമീറ്റർ അകലെ അറോറയിയില്‍ വെടിവെപ്പ്; അഞ്ച്​ മരണം
  • മതില്‍ വിഷയത്തില്‍ രണ്ടും കല്‍പിച്ച് ട്രമ്പ്; ഫണ്ട് വക മാറ്റി ചെലവഴിക്കാന്‍ പ്രസിഡന്റിന് അധികാരമുണ്ടെങ്കിലും ജനപ്രതിനിധി സഭ നോക്കിയിരിക്കില്ല
  • സിറിയയില്‍ നിന്നുള്ള സേനാ പിന്മാറ്റം; ട്രമ്പിന്റെ തീരുമാനത്തോടു വിയോജിപ്പു പ്രകടിപ്പിച്ച് മിഡില്‍ ഈസ്റ്റിലെ അമേരിക്കന്‍ ജനറല്‍ രംഗത്ത്
  • ഷട്ട്ഡൗണ്‍ ഒഴിവാക്കാന്‍ ബോര്‍ഡര്‍ സെക്യൂരിറ്റി ബില്ലില്‍ ട്രമ്പ് ഒപ്പുവയ്ക്കും; നാഷണല്‍ എമര്‍ജന്‍സി പ്രഖ്യാപിച്ച് അതിര്‍ത്തി മതിലിനുള്ള ഫണ്ട് കണ്ടെത്തും
  • ഷിക്കോഗോ സീറോ മലബാര്‍ കത്തീഡ്രലിലെ പുതിയ വികാരിക്ക് സ്വീകരണം
  • ധര്‍മ്മ സംവാദ പരമ്പരയുടെ സമാപനം ന്യൂയോര്‍ക്കില്‍
  • Write A Comment

     
    Reload Image
    Add code here