ട്രമ്പിനെ വിമര്‍ശിച്ച് ഭരണകൂടത്തിലെ സീനിയര്‍ അംഗത്തിന്റേത് എന്നവകാശപ്പെടുന്ന ലേഖനം 'ന്യൂയോര്‍ക്ക് ടൈംസി'ല്‍; വൈസ് പ്രസിഡന്റ് ഉള്‍പ്പെടെയുള്ളവര്‍ നിഷേധക്കുറിപ്പുമായി രംഗത്ത്

Thu,Sep 06,2018


വാഷിംഗ്ടണ്‍ ഡി സി: പ്രസിഡന്റ് ഡോണള്‍ഡ് ട്രമ്പിനെ നിശിതമായി വിമര്‍ശിച്ചു കൊണ്ട് ഭരണകൂടുത്തിലെ സീനിയര്‍ അംഗത്തിന്റേത് എന്നവകാശപ്പെടുന്ന ലേഖനം 'ന്യൂയോര്‍ക്ക് ടൈംസ്' പ്രസിദ്ധീകരിച്ചത് കാപ്പിറ്റോള്‍ ഹില്ലില്‍ പുതുയൊരു വിവാദത്തിനു തിരി കൊളുത്തി. വൈസ് പ്രസിഡന്റ് മൈക്ക് പെന്‍സ് ഉള്‍പ്പെടെ കാബിനറ്റിലെ നിരവധി പേര്‍ തങ്ങള്‍ക്ക് ലേഖനവുമായി ബന്ധമില്ലെന്നു പറഞ്ഞ് നിഷേധക്കുറിപ്പ് ഇറക്കിയിട്ടുണ്ട്.
ലേഖനം എഴുതിയ വ്യക്തി ഭീരുവാണെന്നും, പത്രം വ്യാജമാണെന്നും ട്രമ്പ് ട്വീറ്റ് ചെയ്തു. 'ട്രമ്പ് ഭരണകൂടത്തിലെ പ്രതിരോധത്തിന്റെ ഭാഗമാണ് താന്‍' എന്ന പേരിലാണ് ലേഖനം പ്രസിദ്ധീകരിച്ചിരിക്കുന്നത്. ഭരണകൂടത്തിലെ സീനിയര്‍ അംഗമാണ് ലേഖനം എഴുതിയതെന്നും, പേരു വെളിപ്പെടുത്തരുത് എന്ന അഭ്യര്‍ഥന മാനിക്കുകയാണെന്നും, വായനക്കാര്‍ക്ക് വളരെ പ്രധാനപ്പെട്ട കാര്യങ്ങള്‍ ലഭ്യമാക്കുകയാണെന്നും 'ന്യൂയോര്‍ക്ക് ടൈംസ്' അവകാശപ്പെട്ടു. പ്രസിഡന്റിന്റെ പല അജന്‍ഡകളും നിരാശപ്പെടുത്തുന്നതാണെന്നും ഇതു തടയാന്‍ ഭരണകൂടുത്തിനുള്ളില്‍ നിന്നു പ്രവര്‍ത്തിക്കന്നവരിലൊരാളാണ് താനെന്നും ലേഖന കര്‍ത്താവ് അവകാശപ്പെടുന്നു. ഭരണകൂടത്തിന്റെ ലക്ഷ്യങ്ങളെ എല്ലാവരും പിന്തുണയ്ക്കുന്നുണ്ടെങ്കിലും, പ്രസിഡന്റിന്റെ പല നടപടികളും അധാര്‍മികവും അമേരിക്കയുടെ നന്മയ്ക്ക് നിയന്ത്രിക്കപ്പെടേണ്ടതുമാണ്. എന്താണ് സംഭവിച്ചു കൊണ്ടിരിക്കുന്നതെന്ന് തങ്ങള്‍ക്ക് വ്യക്തമായി അറിയാമെന്നും, പ്രസിഡന്റ് ചിന്തിക്കുന്നതില്‍ നിന്നും വ്യത്യസ്തമായി ശരിയെന്നു തോന്നുന്നതിനു വേണ്ടി തങ്ങള്‍ നിലകൊള്ളുകയാണെന്നും ലേഖനത്തില്‍ പറയുന്നു.
'ചതി' എന്നാണ് ഇതേപ്പറ്റി ട്രമ്പ് ആദ്യം ട്വീറ്റ് ചെയ്തത്. എന്താണ് ചെയ്യേണ്ടതെന്നറിയാതെ ന്യൂസ് മീഡിയ വ്യാജ വാര്‍ത്തകള്‍ ചമയ്ക്കുകയാണെന്ന് പിന്നീട് അദ്ദേഹം ട്വിറ്ററില്‍ കുറിച്ചു. ലേഖനം എഴുതിയ വ്യാക്തി രാജ്യത്തിനല്ല പ്രമുഖ സ്ഥാനം നല്‍കുന്നതെന്നും, അമേരിക്കന്‍ ജനതയുടെ താല്‍പര്യങ്ങളേക്കാള്‍ സ്വന്തം ഈഗോയ്ക്കാണ് മുന്‍തൂക്കം നല്‍കുന്നതെന്നും, ഈ ഭീരു രാജിവച്ചു പോവുകയാണ് ചെയ്യേണ്ടതെന്നും വൈറ്റ്ഹൗസ് പ്രസ് സെക്രട്ടറി സാറാ ഹക്ബീ പ്രതികരിച്ചു. മറ്റുള്ളവരുടെ ചെയ്തികളില്‍ കുറ്റം ആരോപിക്കുന്നവര്‍ പൊതുജന മധ്യത്തില്‍ അതിന്റെ ഉത്തരവാദിത്വം ഏറ്റെടുക്കാനുള്ള ചങ്കൂറ്റം കൂടെ കാണിക്കണമെന്ന് പ്രഥമ വനിത മെലാനിയ ട്രമ്പ് അഭിപ്രായപ്പെട്ടു.


Other News

  • നവകേരള നിര്‍മ്മിതിക്ക് അമേരിക്കന്‍ മലയാളികളോട് സഹായം അഭ്യര്‍ത്ഥിച്ച് മുഖ്യമന്ത്രി പിണറായി
  • കേരളത്തിലെ പ്രളയക്കെടുതി; അമേരിക്കന്‍ മലയാളി സംഘടനാ നേതാക്കളുമായി മുഖ്യമന്ത്രി പിണറായി വിജയന്‍ ചര്‍ച്ച നടത്തി
  • മേരിലാന്‍ഡില്‍ യുവതി ജോലി സ്ഥലത്ത് മൂന്നു പേരെ വെടിവച്ചു കൊന്ന ശേഷം ജീവനൊടുക്കി
  • സീറോ മലബാര്‍ ദേശീയ കണ്‍വന്‍ഷന്‍; രജിസ്‌ട്രേഷന്‍ കിക്കോഫ് ഹൂസ്റ്റണില്‍ നടത്തി
  • ന്യൂജേഴ്‌സി ക്രൈസ്റ്റ് കിംഗ് ക്‌നാനായ കത്തോലിക്കാ ദേവാലയം കൂദാശ ചെയ്തു
  • 'ഫ്‌ളോറന്‍സ്' ഉയര്‍ത്തിയ പ്രളയക്കെടുതി മാറാതെ നോര്‍ത്ത് കരോലിന; മരണം 32 ആയി, നദികള്‍ കരകവിഞ്ഞൊഴുകുന്നു
  • ഷിക്കാഗോ കത്തീഡ്രലില്‍ സീറോ മലബാര്‍ കണ്‍വന്‍ഷന്‍ രജിസ്‌ട്രേഷന്‍ കിക്കോഫ് 23 ന്
  • ഡാളസില്‍ മര്‍ത്ത മറിയം വനിതാ സമാജം വാര്‍ഷിക സമ്മേളനം
  • റോക്ക്‌ലാന്‍ഡ് സെന്റ് മേരീസ് ക്‌നാനായ ഇടവക വാര്‍ഷികവും തിരുനാളും
  • പ്രവീണ്‍ വര്‍ഗീസ് വധക്കേസ്; പ്രതി ഗേജ് ബഥൂണിനെ കോടതി കുറ്റവിമുക്തനാക്കി, അപ്പീല്‍ നല്‍കുമെന്ന് പ്രോസിക്യൂഷന്‍
  • ട്രമ്പിന്റെ സുപ്രീംകോടതി നോമിനിക്കെതിരെ ലൈംഗികാരോപണം
  • Write A Comment

     
    Reload Image
    Add code here