ദുബായില്‍ നിന്ന് ന്യൂയോര്‍ക്കിലെ ജെ.എഫ്.കെ വിമാനത്താവളത്തില്‍ എത്തിയ എമിറേറ്റ്‌സ് വിമാനത്തിലെ 19 പേര്‍ക്ക് രോഗബാധ

Wed,Sep 05,2018


ന്യൂയോര്‍ക്ക്: ദുബായില്‍ നിന്ന് ബുധനാഴ്ച രാവിലെ ഒമ്പതു മണിയോടെ ന്യൂയോര്‍ക്കിലെ ജെ.എഫ്.കെ വിമാനത്താവളത്തില്‍ എത്തിയ എമിറേറ്റ്‌സ് വിമാനത്തിലെ 19 പേര്‍ക്ക് രോഗബാധ സ്ഥിരീകരിച്ചു. കടുത്ത ചുമ, പനി എന്നിവയ്ക്കു പുറമേ ചിലര്‍ക്ക് ഛര്‍ദിയും അനുഭവപ്പെട്ടിരുന്നു. കൂടുതല്‍ പേര്‍ക്ക് രോഗബാധയുണ്ടായിരുന്നതായി റിപ്പോര്‍ട്ടുണ്ട്. 521 യാത്രക്കാരാണ് വിമാനത്തിലുണ്ടായിരുന്നത്.
യാത്രക്കാര്‍ക്കു പുറമേ ചില വിമാന ജോലിക്കാര്‍ക്കും രോഗാവസ്ഥ അനുഭവപ്പെട്ടതായി പറയുന്നു.വിമാനത്തിലുള്ള ഡസന്‍ കണക്കിന് ആളുകള്‍ രോഗബാധിതരായിട്ടുണ്ടെന്ന് റിപ്പോര്‍ട്ട് ചെയ്യപ്പെട്ടിതനെ തുടര്‍ന്ന് റണ്‍വേയില്‍ വിമാനം ഒറ്റപ്പെട്ട സ്ഥലത്തേക്ക് മാറ്റിയാണ് പാര്‍ക്ക് ചെയ്തത്. പത്തു പേരെ ആശുപത്രിയിലേക്കു നീക്കിയെന്നും, ഒമ്പതു പേര്‍ മെഡിക്കല്‍ ശുശ്രൂഷ വേണ്ടെന്നു പറഞ്ഞുവെന്നും ന്യൂയോര്‍ക്ക് മേയര്‍ ബില്‍ ദോ ബ്ലാസിയോ പറഞ്ഞു. ഫ്‌ളൂവിന്റെ ലക്ഷണങ്ങളാണ് ഇവരില്‍ കാണപ്പെട്ടതെന്ന് മേയറുടെ ഓഫീസ് അറിയിച്ചു.
ദുബായില്‍ നിന്ന് വിമാനം കയറാന്‍ നില്‍ക്കുമ്പോള്‍ തന്നെ പല യാത്രക്കാരും വലിയ തോതില്‍ ചുമയ്ക്കുന്നുണ്ടായിരുന്നുവെന്നും, ആരും വായ് പൊത്തിപ്പിടിച്ചിരുന്നില്ലെന്നും വിമാനത്തിലെ യാത്രക്കാരിയായ എറിന്‍ സൈക്‌സ് പറഞ്ഞു. വിമാനം പറന്നുയര്‍ന്നതിനു ശേഷം വായ് മൂടുന്നതിനുള്ള ആവരണം ചോദിച്ചെങ്കിലും ലഭിച്ചില്ലെന്നും, ജാക്കറ്റും പുതപ്പും ഉപയോഗിച്ച് തല മൂടി യാത്ര ചെയ്യുകയായിരുന്നുവെന്നും അവര്‍ പറഞ്ഞു. യാത്രയ്ക്കിടയിലും പലരും ഉച്ചത്തില്‍ ചുമക്കുന്നുണ്ടായിരുന്നു. ചിലര്‍ക്ക് ഉദര സംബന്ധമായ അസുഖം ബാധിച്ചതായും അവര്‍ വെളിപ്പെടുത്തി. നിരവധി ആംബലുലന്‍സുകള്‍ക്കു പുറമേ പോലീസും, ഹോം ലാന്‍ഡ് സെക്യൂരിറ്റിയില്‍ നിന്നുമുള്ളവരും വിമാനത്താവളത്തില്‍ എത്തിയിരുന്നു. ഫ്‌ളൂ ബാധയുണ്ടായ മെക്കയില്‍ നിന്നുള്ള നിരവധി യാത്രക്കാര്‍ വിമാനത്തില്‍ ഉണ്ടായിരുന്നതായും റിപ്പോര്‍ട്ടുണ്ട്.


Other News

  • സുരക്ഷാ സംവിധാനങ്ങള്‍ വര്‍ധിപ്പിക്കുന്നതിനു വേണ്ടി മെക്‌സിക്കന്‍ അതിര്‍ത്തിയിലെ ഏറ്റവും തിരക്കേറിയ ക്രോസിംഗ് മൂന്നു മണിക്കൂര്‍ നേരത്തേക്ക് അമേരിക്ക അടച്ചു
  • സൗദി മാധ്യമപ്രവര്‍ത്തകന്‍ ഖഷോഗിയുടെ കൊലപാതകവുമായി ബന്ധപ്പെട്ട് സിഐഎ തയ്യാറാക്കിയ റിപ്പോര്‍ട്ട് ചൊവ്വാഴ്ച പുറത്തുവിടുമെന്ന് പ്രസിഡന്റ് ഡോണള്‍ഡ് ട്രമ്പ്
  • മെക്‌സിക്കന്‍ അതിര്‍ത്തിയില്‍ തമ്പടിക്കുന്ന യുഎസ് കുടിയേറ്റക്കാര്‍ക്കെതിരെ തദ്ദേശവാസികളുടെ പ്രതിഷേധം
  • ഫ്രാന്‍സിസ് ജോര്‍ജിന് ന്യൂയോര്‍ക്കില്‍ സ്വീകരണം നല്‍കുന്നു
  • ശബരിമല തീര്‍ഥാടനം; സമാധാന സാഹചര്യം ക്രമീകരിക്കണമെന്ന് പ്രമേയം
  • 'ഈശോയ്‌ക്കൊരു കുഞ്ഞാട്' പദ്ധതിക്കായി വേദപാഠ കുട്ടികള്‍ കൈ കോര്‍ക്കുന്നു
  • പ്രളയക്കെടുതി; ഫോമായുടെ കന്നിവീട് ക്യാപ്പിറ്റല്‍ റീജിയനില്‍ നിന്ന്
  • ഷീബ അമീന് നവംബര്‍ 23 ന് ന്യൂയോര്‍ക്കില്‍ സ്വീകരണം
  • കാലിഫോര്‍ണിയ കാട്ടുതീ; ട്രമ്പ് സന്ദര്‍ശനം നടത്തി, മരണം 76, കാണാതായവരുടെ ലിസ്റ്റില്‍ 1276 പേര്‍
  • എച്ച് 1 ബി വിസക്കാരുടെ ജീവിതപങ്കാളികള്‍ക്ക് നല്‍കിയിട്ടുള്ള വര്‍ക്ക് ഓതറൈസേഷന്‍ ട്രമ്പ് ഭരണകൂടം റദ്ദാക്കുന്നത് തടയണമെന്ന് ആവശ്യപ്പെടുന്ന ബില്‍ അമേരിക്കന്‍ കോണ്‍ഗ്രസില്‍
  • ന്യൂജേഴ്‌സിയില്‍ അക്രമിയുടെ വെടിയേറ്റ് ഇന്ത്യക്കാരന്‍ കൊല്ലപ്പെട്ടു
  • Write A Comment

     
    Reload Image
    Add code here