21 മൈല്‍ നീന്തി ഇന്ത്യന്‍ അമേരിക്കന്‍ വിദ്യാര്‍ത്ഥിനി ചരിത്രമെഴുതി

Tue,Sep 04,2018


സാന്‍ കാര്‍ലോസ് (കാലിഫോര്‍ണിയ): താഹൊ തടാകത്തിന്റെ മധ്യഭാഗത്ത് 21.3 മൈല്‍ തുടര്‍ച്ചയായി 16 മണിക്കൂറിനുള്ളില്‍ നീന്തി മറുകരെ എത്തിയ 15 വയസുള്ള ഇന്ത്യന്‍ - അമേരിക്കന്‍ വിദ്യാര്‍ത്ഥിനി എയ്ഞ്ചല്‍ മൂര്‍ ചരിത്രം സൃഷ്ടിച്ചു. ക്യാമ്പ് റിച്ചാര്‍ഡ്‌സണ്‍ ഭാഗത്തു നിന്ന് നീന്തല്‍ ആരംഭിച്ച ഈ മിടുക്കി നെവാദ ഭാഗത്തുള്ള ഇന്‍ക്ലിന്‍ ഗ്രാമ ഭാഗത്താണ് നീന്തിക്കയറിയത്.
35 കിലോമീറ്റര്‍ നീന്തുന്നതിനിടയില്‍ ഓരോ അരമണിക്കൂറും അല്‍പാല്‍പം കഴിച്ച ചിക്കന്‍ സൂപ്പാണ് തനിക്കാവശ്യമായ ഊര്‍ജം പകര്‍ന്നു തന്നതെന്ന് എയ്ഞ്ചല്‍ പറഞ്ഞു.
ഈ നീന്തല്‍ സാഹസത്തിനു മുന്‍പ് കാറ്റലിന, സാന്റാബാര്‍ബറ ചാനലുകള്‍ കൂടി ഈ കൊച്ചുമിടുക്കി നീന്തി കടന്നിട്ടുണ്ട്. ഇത്രയും ചെറിയ പ്രായത്തില്‍ ഈ ദൗത്യം പൂര്‍ത്തിയാക്കുന്ന ആദ്യ പെണ്‍കുട്ടിയാണ് എയ്ഞ്ചല്‍. മറ്റു തടാകങ്ങളെ അപേക്ഷിച്ച് കൂടുതല്‍ തണുപ്പും, കൂടുതല്‍ ദൂരവുമുണ്ടായിരുന്നത് താഹോയില്‍ വെല്ലുവിളി ഉയര്‍ത്തിയിരുന്നുവെന്ന് എയ്ഞ്ചല്‍ പറഞ്ഞു. രാത്രി ആകാശത്ത് നക്ഷത്രങ്ങള്‍ കാവല്‍ നില്‍ക്കവേ നീന്തല്‍ തുടങ്ങാനാണ് എയ്ഞ്ചല്‍ ഇഷ്ടപ്പെടുന്നത്. താഹോ തടാകത്തില്‍ ഓഗസ്റ്റ് 24 നു രാത്രി നീന്തല്‍ തുടങ്ങിയ എയ്ഞ്ചല്‍ ഓഗസ്റ്റ് 25 ന് ഉച്ചയ്ക്ക് പന്ത്രണ്ടരയോടെയാണ് മറുകരെ എത്തിയത്.
പതിമൂന്നാം വയസില്‍ ആദ്യമായി തുടര്‍ച്ചയായി സാന്റാക്രൂസ് കാപ്പിറ്റോലോ ചാനല്‍ 12 മണിക്കൂര്‍ നീന്തിയാണ് എയ്ഞ്ചല്‍ മാരത്തോണ്‍ നീന്തലിന് തുടക്കമിട്ടത്. ചിലി, സ്വീഡന്‍, സൗത്ത് ആഫ്രിക്ക, ഇംഗ്ലണ്ട് തുടങ്ങിയ രാജ്യങ്ങളിലും എയ്ഞ്ചല്‍ നീന്തല്‍ പ്രകടനം നടത്തിയിട്ടുണ്ട്. ലോകത്ത് ദാരിദ്ര്യത്തില്‍ കഴിയുന്ന കുട്ടികള്‍ക്ക് ഭക്ഷണവും മരുന്നും ലഭ്യമാക്കുന്ന കന്‍സാസ് സിറ്റി ചാരിറ്റി ചില്‍ഡ്രന്‍ ഇന്റര്‍നാഷണലിനു വേണ്ടി ധനസമാഹരണം നടത്തുകയാണ് എയ്ഞ്ചലിന്റെ പ്രധാന ലക്ഷ്യം. ഇതിനോടകം 40000 ഡോളര്‍ സമാഹരിച്ചു നല്‍കാന്‍ ഈ മിടുക്കിക്ക് കഴിഞ്ഞിട്ടുണ്ട്. ആതര്‍ട്ടനിലെ മെല്‍നോ സ്‌കൂളില്‍ പഠിക്കുന്ന എയ്ഞ്ചല്‍ പഠനത്തിലും സമര്‍ഥയാണ്.
പി.പി. ചെറിയാന്‍


Other News

  • ഇന്ത്യന്‍ അമേരിക്കന്‍ വംശജയായ സെനറ്റര്‍ കമല ഹാരിസ് വൈറ്റ്ഹൗസിലേക്കു മത്സരിക്കുകയാണെന്ന് പ്രഖ്യാപിച്ചു
  • മാഗിന് നവ സാരഥികള്‍
  • കേരള സ്‌പോര്‍ട്‌സ് ആന്‍ഡ് ആര്‍ട്‌സ് ക്ലബ്ബിന് നവസാരഥികള്‍
  • ഗുഡ്‌സമരിറ്റന്‍ പുരസ്‌കാരം ഹൂസ്റ്റണ്‍ റാന്നി അസോസിയേഷന്
  • ​സ്വന്തം കുടുംബത്തിലെ നാല്​ പേരെ മൃഗീയമായി കൊലപ്പെടുത്തിയ യുവാവിനെ അമേരിക്കൻ പൊലീസ്​ വെടിവെച്ച്​ കൊന്നു
  • ഷട്ട്ഡൗണ്‍; ഒത്തുതീര്‍പ്പ് വ്യവസ്ഥ നിരാകരിച്ച ഡെമോക്രാറ്റ് നിലപാടിനെ നിശിതമായി വിമര്‍ശിച്ച് ട്രമ്പ്
  • യുഎസിലെ ഭരണ സ്തംഭനം അവസാനിപ്പിക്കാന്‍ പുതിയ ഒത്തുതീര്‍പ്പ് നിര്‍ദ്ദേശവുമായി പ്രസിഡന്റ് ഡോണള്‍ഡ് ട്രമ്പ്; മതില്‍ നിര്‍മാണ ഫണ്ട് ഡ്രീമര്‍മാരില്‍ നിന്ന് ഈടാക്കണം
  • അമേരിക്കയില്‍ ജോലി ചെയ്യാന്‍ അനുമതി ലഭിച്ച എച്ച് 1 ബി വിസക്കാരുടെ ജീവിതപങ്കാളിക്ക് അത് എത്രകാലം തുടരാനാകും എന്ന ആശങ്ക വര്‍ധിക്കുന്നു; വിഷയം കോടതിയുടെ പരിഗണനയില്‍
  • ശീതക്കാറ്റില്‍ അമേരിക്കയുടെ പല ഭാഗങ്ങളും തണുത്തു വിറയ്ക്കുന്നു; അയ്യായിരത്തോളം വിമാന സര്‍വീസുകള്‍ റദ്ദാക്കി
  • മോസ്‌കോയിലെ ട്രമ്പ് ടവര്‍: ബുസ്ഫീഡ് ന്യൂസ് റിപ്പോര്‍ട്ട് തള്ളി മ്യൂള്ളര്‍, ട്രമ്പിന് ആശ്വാസം
  • രണ്ടാമത് ട്രമ്പ് - കിം ഉച്ചകോടി അടുത്ത മാസം നടക്കുമെന്ന് വൈറ്റ്ഹൗസ്; വിയറ്റ്‌നാം വേദിയാകുമെന്ന് കരുതപ്പെടുന്നു
  • Write A Comment

     
    Reload Image
    Add code here