എന്‍.കെ.ലൂക്കോസ് വോളിബോള്‍ ടൂര്‍ണമെന്റ്; ഷിക്കാഗോ കൈരളി ലയണ്‍സിന് ഹാട്രിക് നേട്ടം

Sat,Sep 01,2018


ഡിട്രോയിറ്റ്: വോളിബോള്‍ പ്രേമികള്‍ക്ക് ആവേശം പകര്‍ന്ന എന്‍.കെ.ലൂക്കോസ് വോളിബോള്‍ ടൂര്‍ണമെന്റില്‍ കൈരളി ലയണ്‍സ് ഓഫ് ഷിക്കാഗോയ്ക്ക് ഹാട്രിക് നേട്ടം. കഴിഞ്ഞ വര്‍ഷത്തെ റണ്ണേഴ്‌സ് അപ്പായ ടാമ്പ ടൈഗേഴ്‌സിനെ ഇത്തവണയും കീഴടക്കി കൈരളിയുടെ ചുണക്കുട്ടന്മാര്‍ ചാമ്പ്യന്‍സ് ട്രോഫിയില്‍ മുത്തമിട്ടു. എന്‍.കെ..ലൂക്കോസ് ഫൗണ്ടേഷന്റെ നേതൃത്വത്തിലും , ഡിട്രോയിറ്റ് ഈഗിള്‍സിന്റെ ആതിഥേയത്വത്തിലും സെപ്റ്റംബര്‍ ഒന്ന് ശനിയാഴ്ച ഇവിടെ നടന്ന ടൂര്‍ണമെന്റില്‍ ഒമ്പതു ടീമുകള്‍ മാറ്റുരച്ചു. നൂറുകണക്കിന് വോളിബോള്‍ പ്രേമികള്‍ ടൂര്‍ണമെന്റ് വീക്ഷിക്കുവാന്‍ എത്തിയിരുന്നു. വിജയികള്‍ ആയിരം ഡോളറും എവര്‍ റോളിംഗ് ട്രോഫിയും നേടിയപ്പോള്‍ റണ്ണേഴ്‌സ് അപ്പിന് 500 ഡോളറും ട്രോഫിയും ലഭിച്ചു.
മോസ്റ്റ് വാല്യുവബിള്‍ പ്ലെയറായി നിഥിന്‍ തോമസും (ഷിക്കാഗോ), ബെസ്റ്റ് സെറ്ററായി ഷെയിന്‍ ജേക്കബും (ഷിക്കാഗോ), ബെസ്റ്റ് ഡിഫന്‍സീവ് പ്ലെയറായി മെറില്‍ മംഗലശേരിലും (ഷിക്കാഗോ), ബെസ്റ്റ് ഒഫന്‍സീവ് പ്ലെയറായി ടിബിന്‍ മച്ചാനിക്കലും (ടാമ്പ) തെരഞ്ഞെടുക്കപ്പെട്ടു.
ഷിക്കാഗോയില്‍ നിന്ന് ടീമുകള്‍ക്കൊപ്പം നിരവധി വോളിബോള്‍ പ്രേമികള്‍ എത്തിയിരുന്നു. സിബി കദളിമറ്റം മാനേജരായുള്ള കൈരളി ലയണ്‍സ് ഓഫ് ഷിക്കാഗോ ടീം മികച്ച പ്രകടനമാണ് ടൂര്‍ണമെന്റിലുടനീളം പുറത്തെടുത്തത്. എന്‍.കെ.ലൂക്കോസ് ഫൗണ്ടേഷന്റെ നാഷണല്‍ കോ ഓര്‍ഡിനേറ്റര്‍ പയസ്റ്റിന്‍ ആലപ്പാട്ട്, ഡിട്രോയിറ്റിലെ ടൂര്‍ണമെന്റ് സംഘാടകരായ ഫാ.ജോയി ചക്കിയാന്‍, മാത്യൂസ് ചെരുവില്‍, മോഹന്‍ പനങ്കാവില്‍, ഷോണ്‍ കര്‍ത്തനാള്‍, ജെയിസ് അഗസ്റ്റിന്‍, ഷൈന്‍ ഈപ്പന്‍, സഞ്ചു കോയിത്തറ, വിനോദ് കൊണ്ടൂര്‍ ഡേവിഡ് തുടങ്ങിയവര്‍ ക്രമീകരണങ്ങള്‍ക്ക് നേതൃത്വം നല്‍കി.


Other News

  • വൈറ്റ്ഹൗസിലെ സി.എന്‍.എന്‍ ലേഖകന്റെ പ്രസ് പാസ് റദ്ദാക്കിയ നടപടി അമേരിക്കന്‍ കോടതി പുന:സ്ഥാപിച്ചു
  • കാലിഫോര്‍ണിയയിലെ കാട്ടുതീ കെടുതി അമേരിക്കയെ നടുക്കുന്നു; മരണം കുറഞ്ഞത് 66 ആയി, കാണാതായവര്‍ 631 എന്ന് റിപ്പോര്‍ട്ട്
  • നൂറു കണക്കിനു കുട്ടികള്‍ക്ക് സാന്ത്വനത്തിന്റെ തണല്‍ഒരുക്കുന്ന ഷീബ അമീറിന് സ്വീകരണം നല്‍കി
  • ട്രമ്പിന്റെ 'നേട്ടം'; ഇടക്കാല തെരഞ്ഞെടുപ്പിലെ പോളിംഗ് ശതമാനം ഒരു നൂറ്റാണ്ടിനിടെയുള്ളതില്‍ ഏറ്റവും ഉയര്‍ന്നത്
  • ഫ്രാന്‍സിസ് ജോര്‍ജിന് ഡിട്രോയിറ്റില്‍ പൗരസ്വീകരണം
  • ബൈബിള്‍ കലോത്സവം; റോക്ക്‌ലാന്‍ഡ് സെന്റ് മേരീസിന് ഓവറോള്‍ കിരീടം
  • ട്രിനിറ്റി മാര്‍ത്തോമാ ഇടവക കണ്‍വെന്‍ഷന്‍ വെള്ളിയാഴ്ച ആരംഭിക്കും
  • 'അധിനിവേശക്കാര്‍' എന്ന് ട്രമ്പ് വിശേഷിപ്പിച്ച കുടിയേറ്റ കാരവനിലെ നൂറുകണക്കിനാളുകള്‍ മെക്‌സിക്കന്‍ അതിര്‍ത്തിയില്‍ എത്തി
  • വൈറ്റ്ഹൗസില്‍ 'ആഭ്യന്തര' കലഹം; ഇളക്കി പ്രതിഷ്ഠയ്ക്ക് ട്രമ്പ് തയാറെടുക്കുന്നു
  • ഫ്രാന്‍സിസ് ജോര്‍ജിന് ഹൂസ്റ്റണില്‍ സ്വീകരണം നല്‍കുന്നു
  • റോഷി അഗസ്റ്റിന്‍ എം.എല്‍.എ യ്ക്ക് ഹൂസ്റ്റണില്‍ സ്വീകരണം നല്‍കി
  • Write A Comment

     
    Reload Image
    Add code here