മാധ്യമങ്ങള്‍ കള്ളക്കഥ മെനയുകയാണെന്ന് ട്രമ്പ്; വാട്ടര്‍ഗേറ്റ് റിപ്പോര്‍ട്ടര്‍ക്കും അധിക്ഷേപം, കള്ളം പറയില്ലെന്ന് സി.എന്‍.എന്‍

Thu,Aug 30,2018


വാഷിംഗ്ടണ്‍ ഡി സി: പ്രസിഡന്റ് നികസ്‌ന്റെ രാജിയില്‍ കലാശിച്ച വാട്ടര്‍ഗേറ്റ് സംഭവം റിപ്പോര്‍ട്ട് ചെയ്ത പ്രശസ്ത മാധ്യമ പ്രവര്‍ത്തകന്‍ കാള്‍ ബേണ്‍സ്റ്റൈനെ അധിക്ഷേപിച്ച് ഡോണള്‍ഡ് ട്രമ്പ് രംഗത്ത്. കഥകള്‍ മെനയുന്ന വിഡ്ഡിയാണ് ബേണ്‍സ്റ്റൈന്‍ എന്നാണ് ട്രമ്പ് ട്വീറ്റ് ചെയ്തത്. 2016 ലെ പ്രസിഡന്‍ഷ്യല്‍ തെരഞ്ഞെടുപ്പു കാലത്ത് ട്രമ്പ് ടീം റഷ്യന്‍ അഭിഭാഷകയുമായി നടത്തിയ കൂടിക്കാഴ്ചയെപ്പറ്റി ട്രമ്പിന് മുന്‍കൂട്ട് അറിയാമെന്ന് ബേണ്‍സ്റ്റൈന്‍ റിപ്പോര്‍ട്ട് ചെയ്തതാണ് ട്രമ്പിനെ ചൊടിപ്പിച്ചത്.
സത്യം വെളിച്ചത്തു കൊണ്ടുവരിക മാത്രമാണ് താന്‍ ചെയ്യുന്നതെന്നും, തന്റെ പ്രതിബദ്ധതയുടെ മേല്‍ ചെളിവാരിയെറിയാന്‍ ആര്‍ക്കും കഴിയില്ലെന്നും ബേണ്‍സ്റ്റൈന്‍ തിരിച്ചടിച്ചു. ഇത്തരം വാര്‍ത്തകള്‍ ചമയ്ക്കുന്ന സി.എന്‍.എന്‍ ഉള്ളില്‍ നിന്ന് പിച്ചിചീന്തപ്പെട്ടുകൊണ്ടിരിക്കുകയാണെന്നും , വ്യാജവാര്‍ത്തകളാണ് അവര്‍ പടച്ചു വിടുന്നതെന്നും ട്രമ്പ് ആരോപിച്ചു.
2016 ട്രമ്പ് ടവറില്‍ നടന്ന വിവാദ കൂടിക്കാഴ്ചയെപ്പറ്റി ട്രമ്പിന് മുന്‍കൂട്ടി അറിവുണ്ടായിരുന്നുവെന്ന് സാക്ഷ്യപ്പെടുത്താന്‍ തയാറാണെന്ന് ട്രമ്പിന്റെ മുന്‍ അഭിഭാഷകനായ മൈക്കിള്‍ കോഹന്‍ വെളിപ്പെടുത്തിയെന്ന റിപ്പോര്‍ട്ടാണ് ഇപ്പോള്‍ ചര്‍ച്ചയായിരിക്കുന്നത്. സി.എന്‍.എന്നു വിവരങ്ങള്‍ നല്‍കിയിരുന്നത് താനാണെന്ന് കോഹന്റെ അഭിഭാഷകന്‍ ലാനി ഡേവിസ് തിങ്കളാഴ്ച വെളിപ്പെടുത്തിയിരുന്നു. ബേണ്‍സ്റ്റൈന്‍ നല്‍കിയ റിപ്പോര്‍ട്ടില്‍ തങ്ങള്‍ ഉറച്ചു നില്‍ക്കുകയാണെന്നു വെളിപ്പെടുത്തിയ സി.എന്‍.എന്‍, തങ്ങള്‍ കള്ളം പറയാറില്ലെന്നും ട്വീറ്റ് ചെയ്തു. വെറുപ്പോടെയും പക്ഷപാതപരമായുമാണ് തന്നോട് അമേരിക്കന്‍ മാധ്യമങ്ങള്‍ പെരുമാറുന്നതെന്ന് ആക്ഷേപിച്ച ട്രമ്പ് കള്ളക്കഥകളാണ് അവര്‍ ചമയ്ക്കുന്നതെന്നും കൂട്ടിച്ചേര്‍ത്തു.


Other News

  • അതിര്‍ത്തി മതിലിനുള്ള ഫണ്ട് കണ്ടെത്താന്‍ നാഷണല്‍ എമര്‍ജന്‍സി പ്രഖ്യാപിച്ച് ട്രമ്പ്; വരാന്‍ പോകുന്നത് നിയമ പോരാട്ടം
  • സ്വയം പ്രതിരോധിക്കാൻ ഇന്ത്യക്ക് അവകാശമുണ്ടെന്ന് അമേരിക്ക
  • ചിക്കാഗോയിൽ നിന്ന്​ 65 കിലോമീറ്റർ അകലെ അറോറയിയില്‍ വെടിവെപ്പ്; അഞ്ച്​ മരണം
  • മതില്‍ വിഷയത്തില്‍ രണ്ടും കല്‍പിച്ച് ട്രമ്പ്; ഫണ്ട് വക മാറ്റി ചെലവഴിക്കാന്‍ പ്രസിഡന്റിന് അധികാരമുണ്ടെങ്കിലും ജനപ്രതിനിധി സഭ നോക്കിയിരിക്കില്ല
  • സിറിയയില്‍ നിന്നുള്ള സേനാ പിന്മാറ്റം; ട്രമ്പിന്റെ തീരുമാനത്തോടു വിയോജിപ്പു പ്രകടിപ്പിച്ച് മിഡില്‍ ഈസ്റ്റിലെ അമേരിക്കന്‍ ജനറല്‍ രംഗത്ത്
  • ഷട്ട്ഡൗണ്‍ ഒഴിവാക്കാന്‍ ബോര്‍ഡര്‍ സെക്യൂരിറ്റി ബില്ലില്‍ ട്രമ്പ് ഒപ്പുവയ്ക്കും; നാഷണല്‍ എമര്‍ജന്‍സി പ്രഖ്യാപിച്ച് അതിര്‍ത്തി മതിലിനുള്ള ഫണ്ട് കണ്ടെത്തും
  • ഷിക്കോഗോ സീറോ മലബാര്‍ കത്തീഡ്രലിലെ പുതിയ വികാരിക്ക് സ്വീകരണം
  • ധര്‍മ്മ സംവാദ പരമ്പരയുടെ സമാപനം ന്യൂയോര്‍ക്കില്‍
  • സംസ്ഥാന - പ്രാദേശിക രാഷ്ട്രീയ നേതാക്കളുടെ എതിര്‍പ്പ്; ന്യൂയോര്‍ക്കില്‍ പുതിയ ഹെഡ്ക്വാര്‍ട്ടേഴ്‌സ നിര്‍മിക്കാനുള്ള നീക്കം ആമസോണ്‍ ഉപേക്ഷിച്ചു
  • ഇറാനു വേണ്ടി ചാരപ്പണി നടത്തിയ മുന്‍ അമേരിക്കന്‍ വ്യോമസേനാ ഓഫീസര്‍ മോനിക്കയ്‌ക്കെതിരേ കുറ്റപത്രം
  • ഇതൊന്നും മറക്കില്ല; വെനിസ്വേലയില്‍ നിന്ന് എണ്ണ വാങ്ങുന്ന ഇന്ത്യ ഉള്‍പ്പെടെയുള്ള രാജ്യങ്ങള്‍ക്ക് അമേരിക്കയുടെ മുന്നറിയിപ്പ്
  • Write A Comment

     
    Reload Image
    Add code here