ഡാമുകള്‍തുറന്നതല്ല; ശക്തമായ മഴയാണ് പ്രളയത്തിനുകാരണമെന്ന് കേന്ദ്ര ജല കമ്മിഷന്‍

Wed,Aug 29,2018


ന്യൂഡല്‍ഹി: കേരളത്തിലെ മഹാ പ്രളയത്തിനുകാരണം അണക്കെട്ടുകള്‍ തുറന്നുവിട്ടതല്ല, അപ്രതീക്ഷിതമായി പെയ്ത അതിശക്തമായ മഴയാണെന്ന് കേന്ദ്രജല കമ്മിഷന്‍.
അതിവൃഷ്ടി മൂലം അണക്കെട്ടുകളില്‍ വളരെ വേഗം നിറഞ്ഞതോടെ വെള്ളം തുറന്നുവിടുകയല്ലാതെ മറ്റുവഴികളില്ലാതായെന്നും ജനകമ്മീഷന്‍ ചൂണ്ടിക്കാട്ടി.
കേരളം നേരിട്ട പ്രളയം നിയന്ത്രിക്കാവുന്നതിന് അപ്പുറമായിരുന്നു. പ്രളയത്തെക്കുറിച്ചുള്ള അന്തിമ പഠനറിപ്പോര്‍ട്ട് കമ്മിഷന്‍ ഉടന്‍ കേന്ദ്രസര്‍ക്കാരിനു സമര്‍പ്പിക്കും.
അണക്കെട്ടുകള്‍ അപ്രതീക്ഷിതമായി തുറന്നതാണു കേരളത്തിലെ പ്രളയദുരന്തത്തിനു കാരണമെന്ന ആരോപണം പൂര്‍ണമായും തള്ളുന്നതാണു കേന്ദ്ര ജലകമ്മിഷന്റെ കണ്ടെത്തലുകള്‍.
അപ്രതീക്ഷിതവും അതിശക്തവുമായ മഴ തുടര്‍ച്ചയായി ലഭിച്ചതാണു വെള്ളപ്പൊക്കത്തിന് ഇടയാക്കിയത്. കേരളത്തിന്റെ ഭൂപ്രകൃതിയും നിര്‍ണായക ഘടകമായി. വികലമായ വികസപ്രവര്‍ത്തനങ്ങള്‍, കയ്യേറ്റങ്ങള്‍ എന്നിവ സ്ഥിതി രൂക്ഷമാക്കി. അണക്കെട്ടുകള്‍ നേരത്തെ തുറന്നുവിട്ടിരുന്നെങ്കിലും കാര്യമായ മാറ്റങ്ങളുണ്ടാകാന്‍ ഇടയില്ലായിരുന്നു. കാരണം ജലനിരപ്പ് ഉയര്‍ന്നതു വളരെ പെട്ടെന്നായിരുന്നുവെന്നും ജല കമ്മിഷന്‍ പ്രളയ മുന്നറിയിപ്പു വിഭാഗം മേധാവി ശരദ് ചന്ദ്ര പറഞ്ഞു.
ശക്തമായ മഴ തുടര്‍ച്ചയായി കേരളത്തില്‍ മുഴുവനും പെയ്തു. അണക്കെട്ടുകള്‍ തുറന്നുവിട്ടതുകൊണ്ട് പ്രളയമുണ്ടായെന്നു പറയുന്നത് ശരിയല്ല. നിയന്ത്രിക്കാന്‍ കഴിയാത്ത ദുരന്തസാഹചര്യമായിരുന്നു കേരളത്തില്‍. നൂറോ, അന്‍പതോ വര്‍ഷത്തില്‍ ഒരിക്കല്‍ മാത്രം ഉണ്ടാകാവുന്ന പ്രളയമായിരുന്നു ഇത്. പൂര്‍ണമായും നിയന്ത്രിക്കാന്‍ കഴിയില്ലെന്നും ശരദ് ചന്ദ്ര കൂട്ടിച്ചേര്‍ത്തു.


Other News

  • സുരക്ഷാ സംവിധാനങ്ങള്‍ വര്‍ധിപ്പിക്കുന്നതിനു വേണ്ടി മെക്‌സിക്കന്‍ അതിര്‍ത്തിയിലെ ഏറ്റവും തിരക്കേറിയ ക്രോസിംഗ് മൂന്നു മണിക്കൂര്‍ നേരത്തേക്ക് അമേരിക്ക അടച്ചു
  • സൗദി മാധ്യമപ്രവര്‍ത്തകന്‍ ഖഷോഗിയുടെ കൊലപാതകവുമായി ബന്ധപ്പെട്ട് സിഐഎ തയ്യാറാക്കിയ റിപ്പോര്‍ട്ട് ചൊവ്വാഴ്ച പുറത്തുവിടുമെന്ന് പ്രസിഡന്റ് ഡോണള്‍ഡ് ട്രമ്പ്
  • മെക്‌സിക്കന്‍ അതിര്‍ത്തിയില്‍ തമ്പടിക്കുന്ന യുഎസ് കുടിയേറ്റക്കാര്‍ക്കെതിരെ തദ്ദേശവാസികളുടെ പ്രതിഷേധം
  • ഫ്രാന്‍സിസ് ജോര്‍ജിന് ന്യൂയോര്‍ക്കില്‍ സ്വീകരണം നല്‍കുന്നു
  • ശബരിമല തീര്‍ഥാടനം; സമാധാന സാഹചര്യം ക്രമീകരിക്കണമെന്ന് പ്രമേയം
  • 'ഈശോയ്‌ക്കൊരു കുഞ്ഞാട്' പദ്ധതിക്കായി വേദപാഠ കുട്ടികള്‍ കൈ കോര്‍ക്കുന്നു
  • പ്രളയക്കെടുതി; ഫോമായുടെ കന്നിവീട് ക്യാപ്പിറ്റല്‍ റീജിയനില്‍ നിന്ന്
  • ഷീബ അമീന് നവംബര്‍ 23 ന് ന്യൂയോര്‍ക്കില്‍ സ്വീകരണം
  • കാലിഫോര്‍ണിയ കാട്ടുതീ; ട്രമ്പ് സന്ദര്‍ശനം നടത്തി, മരണം 76, കാണാതായവരുടെ ലിസ്റ്റില്‍ 1276 പേര്‍
  • എച്ച് 1 ബി വിസക്കാരുടെ ജീവിതപങ്കാളികള്‍ക്ക് നല്‍കിയിട്ടുള്ള വര്‍ക്ക് ഓതറൈസേഷന്‍ ട്രമ്പ് ഭരണകൂടം റദ്ദാക്കുന്നത് തടയണമെന്ന് ആവശ്യപ്പെടുന്ന ബില്‍ അമേരിക്കന്‍ കോണ്‍ഗ്രസില്‍
  • ന്യൂജേഴ്‌സിയില്‍ അക്രമിയുടെ വെടിയേറ്റ് ഇന്ത്യക്കാരന്‍ കൊല്ലപ്പെട്ടു
  • Write A Comment

     
    Reload Image
    Add code here