അമേരിക്കയുമായുള്ള സമാധാന ചര്‍ച്ച എപ്പോള്‍ വേണമെങ്കിലും പൊളിഞ്ഞേക്കാമെന്ന് ഉത്തരകൊറിയ

Tue,Aug 28,2018


വാഷിംഗ്ടണ്‍ ഡി സി: തങ്ങളുടെ പ്രതീക്ഷകള്‍ കണക്കിലെടുക്കാന്‍ അമേരിക്ക തയാറാകാത്ത സാഹചര്യത്തില്‍ കൊറിയന്‍ ഉപദ്വീപിലെ ആണവ നിരായൂധീകരണം സംബന്ധിച്ച ചര്‍ച്ച ഏതു നിമിഷവും തകര്‍ന്നേക്കാമെന്ന് ഉത്തരകൊറിയ മുന്നറിയിപ്പ് നല്‍കി. അമേരിക്കന്‍ വിദേശകാര്യ സെക്രട്ടറി മൈക്ക് പോമ്പിയോയ്ക്ക് കൊടുത്തയച്ച കത്തിലാണ് ഉത്തരകൊറിയ ഇക്കാര്യം വ്യക്തമാക്കിയിട്ടുള്ളത്. പ്രസിഡന്റ് ട്രമ്പും ഉത്തരകൊറിയന്‍ നേതാവ് കിം ജോംഗ് ഉനും തമ്മില്‍ നടത്തിയ ചരിത്രം കുറിച്ച സിംഗപ്പൂര്‍ ഉച്ചകോടിക്കു ശേഷം ഇരു രാജ്യങ്ങളും തമ്മില്‍ സമാധാന ചര്‍ച്ചയില്‍ കാര്യമായ പുരോഗതി നേടാനായിട്ടില്ല.
1950 -53 കാലഘട്ടത്തിലെ കൊറിയന്‍ യുദ്ധം സമാധാന ഉടമ്പടിയിലൂടെ അവസനിപ്പിച്ചിട്ടാല്ലാത്ത സാഹചര്യത്തില്‍ സാങ്കേതികപരമായി അമേരിക്കയുടെ നേതൃത്വത്തിലുള്ള യു.എന്‍ സേന ഇപ്പോഴും ഉത്തരകൊറിയയുമായി യുദ്ധത്തിലാണെന്ന നിലപാടാണ് അമേരിക്കയുടേത്. യുദ്ധ സാഹചര്യത്തിന് ഔദ്യോഗികമായി അവസാനമുണ്ടാകുന്നത് കൊറിയന്‍ ഉപദ്വീപിലെ സംഘര്‍ഷം കുയ്ക്കാന്‍ അവശ്യമാണെന്ന നിലപാടാണ് ഉത്തരകൊറിയയ്ക്കുള്ളത്. എന്നാല്‍, ഉത്തരകൊറിയ ആണവ പ്രോഗ്രാം അവസാനിപ്പിച്ചാന്‍ മാത്രമേ കൊറിയന്‍ യുദ്ധം അവസാനിപ്പിച്ചതായി പ്രഖ്യാപിക്കുവാന്‍ കഴിയുകയുള്ളൂവെന്ന് അമേരിക്ക പറയുന്നു.
മൈക്ക് പോമ്പിയോ ഈ ആഴ്ച നടത്താനിരുന്ന ഉത്തരകൊറിയന്‍ സന്ദര്‍ശനം റദ്ദാക്കിയത് ഉത്തരകൊറിയ അയച്ച കത്തിനെ തുടര്‍ന്നാണെന്ന് പറയപ്പെടുന്നു. ഉത്തരകൊറിയയുടെ രഹസ്യാന്വേഷണ ഏജന്‍സി മുന്‍ അധ്യക്ഷനായ കിം യോങ് ചോല്‍ ആണ് കത്ത് തയാറാക്കിയിട്ടുള്ളത്. ഈ കത്ത് എങ്ങിനെയാണ് എത്തിച്ചതെന്ന് വ്യക്തമായിട്ടില്ല. യു.എന്‍ മിഷനില്‍ കൂടിയാണ് ഉത്തരകൊറിയ ഇത്തരം കാര്യങ്ങള്‍ നടത്തുന്നതെന്ന് പറയപ്പെടുന്നു. ഒത്തുതീര്‍പ്പുകള്‍ ഉണ്ടാക്കാന്‍ കഴിയുന്നില്ലെങ്കില്‍ ആണവ - മിസൈല്‍ പരീക്ഷണങ്ങള്‍ പുനരാരംഭിക്കുമെന്ന് കത്തില്‍ മുന്നറയിപ്പ് നല്‍കുന്നുണ്ട്.


Other News

  • ആണവ സാങ്കേതിക വിദ്യ സൗദിക്കു കൈമാറുള്ള ട്രമ്പ് ഭരണകൂടത്തിന്റെ നീക്കത്തിനെതിരേ ജനപ്രതിനിധി സഭ അന്വേഷണത്തിന്
  • സൗത്ത് ഫ്‌ളോറിഡ നവകേരളയ്ക്ക് നവസാരഥികള്‍
  • ഇന്ത്യ കാത്തലിക് അസോ. ഓഫ് അമേരിക്കയുടെ വാര്‍ഷികം നടത്തി
  • വൈറ്റ്ഹൗസ് പിടിക്കാന്‍ വീണ്ടും ബേര്‍ണി സാന്‍ഡേഴ്‌സ്; നോമിനേഷന്‍ നേടിയാല്‍ ഏറ്റവും പ്രായം കൂടിയ സ്ഥാനാര്‍ഥി എന്ന ഖ്യാതിക്ക് അര്‍ഹനാകും
  • ഹൂസ്റ്റണില്‍ ഇന്ത്യന്‍ ദമ്പതികള്‍ വെടിയേറ്റു മരിച്ച നിലയില്‍; ആത്മഹത്യയെന്ന് സംശയം
  • ഫോമാ സണ്‍ഷൈന്‍ റീജിയന്‍ ബാഡ്മിന്റന്‍ ടൂര്‍ണമെന്റ്
  • ഹൂസ്റ്റണില്‍ ഗുരുമന്ദിരം യാഥാര്‍ഥ്യമാകുന്നു
  • മലയാളം സൊസൈറ്റി സമ്മേളനം നടത്തി
  • ട്രമ്പിനെ പുറത്താക്കാന്‍ എഫ്.ബി.ഐ - ജസ്റ്റിസ് ഡിപ്പാര്‍ട്ട്‌മെന്റ് ഉന്നതര്‍ ആലോചന നടത്തിയെന്ന് ആരോപണം; അന്വേഷണം നടത്തുമെന്ന് സെനറ്റ് കമ്മിറ്റി ചെയര്‍മാന്‍
  • പിടിയിലായ ഐ.എസ് ഭീകരരെ യൂറോപ്യന്‍ രാജ്യങ്ങള്‍ വിചാരണയ്ക്ക് വിധേയമാക്കണമെന്ന് ട്രമ്പ്
  • വെനസ്വേലയിലേക്ക് അമേരിക്കന്‍ യുദ്ധ വിമാനങ്ങള്‍ ദുരിതാശ്വാസ സഹായങ്ങള്‍ എത്തിച്ചു തുടങ്ങി
  • Write A Comment

     
    Reload Image
    Add code here