ന്യൂയോര്‍ക്ക് ക്യൂന്‍സില്‍ വേളാങ്കണ്ണി മാതാവിന്റെ തിരുനാള്‍

Tue,Aug 28,2018


ന്യൂയോര്‍ക്ക്: ക്യൂന്‍സിലെ ഔവര്‍ ലേഡി ഓഫ് ലൂര്‍ദില്‍ വേളാങ്കണ്ണി മാതാവിന്റെ തിരുനാളിനുള്ള ഒരുക്കങ്ങള്‍ അവസാന ഘട്ടത്തില്‍. ഹെയ്തി, ഫിലിപ്പീന്‍സ്, ശ്രീലങ്ക, ബംഗ്‌ളാദേശ്, സ്പാനിഷ്, ഇന്ത്യന്‍ കമ്മ്യൂണിറ്റികള്‍ ചേര്‍ന്നാണ് തിരുനാള്‍ നടത്തുന്നത്. സെപ്റ്റംബര്‍ ഒന്‍പതിനാണ് പ്രധാന ആഘോഷം.
ഓഗസ്റ്റ് 31 ന് നവദിന ധ്യാനം തുടങ്ങും. സെപ്റ്റംബര്‍ എട്ടുവരെ എല്ലാ ദിവസവും വൈകിട്ട് ഏഴുമണിക്ക് നൊവേന. ഒന്‍പതാം തീയതി തെരുവുകള്‍ തോറും പ്രദക്ഷിണം. തുടര്‍ന്ന് ബിഷപ് പോള്‍ സാഞ്ചെസിന്റെ മുഖ്യകാര്‍മ്മികത്വത്തില്‍ ദിവ്യബലി, അതിനു ശേഷം സ്‌കൂള്‍ഗ്രൗണ്ടില്‍ (പാര്‍ക്കിംഗ് ലോട്ട്) വിവിധ രാജ്യങ്ങളില്‍ നിന്നുള്ള കള്‍ച്ചറല്‍ പ്രോഗ്രാമുകള്‍, വിവിധ രാജ്യങ്ങളില്‍ നിന്നുള്ള ഭക്ഷണം. മലയാളികള്‍ ധാരാളം താമസിക്കുന്ന ന്യൂഹൈഡ് പാര്‍ക്ക്, ഫ്‌ളോറല്‍ പാര്‍ക്ക്, ഗാര്‍ഡന്‍ സിറ്റി, ബെല്‍റോഡ്, ക്യൂന്‍സ് വില്ലേജ് പ്രദേശങ്ങളില്‍ വേളാങ്കണ്ണി മാതാവിന്റെ തിരുനാള്‍ മറ്റൊരു സാമൂഹ്യ സംഭവം കൂടിയാണ്. ഗ്രൂപ്പുകളുടെയോ ആരാധനാ ക്രമങ്ങളുടെയോ പരിമിതികള്‍ ഇല്ലാതെ എല്ലാവര്‍ക്കും ഒരുമിക്കുന്നതിനുള്ള ഒരു അവസരമാണ്.
ആഘോഷ സമിതിയിലും ഇന്ത്യന്‍ സാന്നിധ്യം നല്ലൊരു സ്വാധീന ഘടകമാണ്. ക്യൂന്‍സ് വില്ലേജില്‍ 220 സ്ട്രീറ്റില്‍ ആണ് ഔവര്‍ ലേഡി ഓഫ് ലൂര്‍ദ് പള്ളി. ഫാ. പാട്രിക് ലോങ്ങലോംഗ്, ഫാ. റോബര്‍ട്ട് അമ്പലത്തിങ്കല്‍ എന്നിവരാണ് ഒരുക്കങ്ങള്‍ക്ക് നേതൃത്വം നല്‍കുന്നത്.
പോള്‍ ഡി പനയ്ക്കല്‍


Other News

  • കറുത്ത വര്‍ഗക്കാരനെ ട്രക്കിനു പിന്നില്‍ കെട്ടിയിട്ട് വലിച്ചിഴച്ച് കൊലപ്പെടുത്തിയ കേസില്‍ വെള്ളക്കാരനായ സൂപ്പര്‍മാസിസ്റ്റിന്റെ വധശിക്ഷ നടപ്പാക്കി
  • റവ.വിജു വര്‍ഗീസിന് യാത്രയപ്പ് നല്‍കി
  • വിശുദ്ധ ഗീവര്‍ഗീസ് സഹദായുടെ ഓര്‍മ്മപ്പെരുന്നാള്‍
  • ഷിക്കാഗോ ഗീതാ മണ്ഡലത്തില്‍ വിഷു ആഘോഷിച്ചു
  • വിസ കാലാവധി കഴിഞ്ഞും യു.എസില്‍ തുടരുന്നവര്‍ കൂടുതലുള്ള രാജ്യങ്ങളില്‍ നിന്നുള്ളവര്‍ക്ക് വിസ നിഷേധിക്കാന്‍ നീക്കം
  • പെണ്‍കുട്ടിയെ അടിമ വേല ചെയ്യിപ്പിച്ചു; ഗിനിയ മുന്‍ പ്രസിഡന്റിന്റെ മകനും ഭാര്യയ്ക്കും യു.എസില്‍ തടവ്
  • കേരള ക്രിക്കറ്റ് ലീഗ് അഞ്ചാം സീസണ്‍ തുടങ്ങുന്നു
  • ഹൂസ്റ്റണ്‍ റാന്നി അസോസിയേഷന്‍ കുടുംബ സംഗമം
  • റവ.ഫിലിപ്പ് ഫിലിപ്പിന് യാത്രയപ്പ് നല്‍കി
  • ഇന്ത്യ ഉള്‍പ്പെടെ എട്ടു രാജ്യങ്ങള്‍ക്ക് ഇറാനില്‍ നിന്ന് എണ്ണ ഇറക്കുമതി ചെയ്യാന്‍ നല്‍കിയിരുന്ന ഇളവ് അമേരിക്ക അവസാനിപ്പിക്കുന്നു
  • ട്രമ്പിനെതിരേയുള്ള ഇംപീച്ച്‌മെന്റ്; വൈകാതെ തീരുമാനമെടുക്കുമെന്ന് ഡെമോക്രാറ്റ് പാര്‍ട്ടി
  • Write A Comment

     
    Reload Image
    Add code here