ജോണ്‍ മക്കെയ്‌നിന്റെ സംസ്‌കാര ശുശ്രൂഷയില്‍ പ്രസിഡന്റ് ട്രമ്പ് പങ്കെടുക്കില്ല; മരണാനന്തരം പുറത്തു വിട്ട സന്ദേശത്തില്‍ ട്രമ്പിന് വിമര്‍ശനം

Mon,Aug 27,2018


വാഷിംഗ്ടണ്‍ ഡി സി: റിപ്പബ്ലിക്കന്‍ പാര്‍ട്ടിക്കാരനാണെങ്കിലും പ്രസിഡന്റ് ട്രമ്പിന്റെ കടുത്ത വിമര്‍ശകനായിരുന്ന മുന്‍ പ്രസിഡന്റ് സ്ഥാനാര്‍ഥി കൂടിയായ ജോണ്‍ മക്കെയ്‌നിന്റെ സംസ്‌കാര ശുശ്രൂഷയില്‍ ട്രമ്പ് പങ്കെടുക്കില്ല. സംസ്‌കാര ശുശ്രൂഷയില്‍ ട്രമ്പ് പങ്കെടുക്കില്ല എന്നാണ് തങ്ങളുടെ അറിവെന്ന് മക്കെയ്‌നിന്റെ കുടുംബസുഹൃത്തായ റിക്കി ഡേവിസ് പറഞ്ഞു.
മക്കെയ്ന്‍ തയാറാക്കിയ ഒരു സന്ദേശം മരണാനന്തരം അരിസോണയുടെ തലസ്ഥാനമായ ഫീനിക്‌സില്‍ റിക്കി ഡേവിസ് വായിച്ചു. ഇതില്‍ ട്രമ്പിനെ നേരിയ തോതില്‍ വിമര്‍ശിക്കുന്നുണ്ട്. അമേരിക്കന്‍ ജനത ആശയങ്ങളുടെ രാജ്യമാണെന്നു പറയുന്ന സന്ദേശത്തില്‍ ലോകത്തിന്റെ പല ഭാഗത്തും വെറുപ്പും അതിക്രമങ്ങളും വിതച്ചത് ഗോത്രവര്‍ഗ വൈരമാണെന്നും അത് നമ്മളും പിന്തുടര്‍ന്നാല്‍ ദേശീയതയില്‍ ചിന്താക്കുഴപ്പുണ്ടാവുകയും രാജ്യത്തിന്റെ മഹത്വം ദുര്‍ബലപ്പെടുകയും ചെയ്യും. അത് തകര്‍ക്കുന്നതിനു പകരം മതിലിനുള്ളില്‍ ഒളിച്ചിരിക്കാന്‍ നോക്കുന്നത് ദൗര്‍ബല്യമാണ്. ഇപ്പോഴത്തെ പ്രതിസന്ധിയില്‍ നിരാശരാകരുതെന്നും അമേരിക്കന്‍ ജനതയെ അദ്ദേഹം ആഹ്വാനം ചെയ്യുന്നു.
നാഷണല്‍ കത്തീഡ്രലില്‍ നടക്കുന്ന സംസ്‌കാര ശുശ്രൂഷയില്‍ മുന്‍ പ്രസിഡന്റുമാരായ ജോര്‍ജ് ഡബ്ലു ബുഷ്, ബരാക് ഒബാമ എന്നിവര്‍ അന്തരിച്ച നേതാവിന് ആദരാഞ്ജലി അര്‍പ്പിക്കുമെന്നും റിക്കി ഡേവിസി പറഞ്ഞു. മക്കെയ്‌നോടുള്ള ആദരസൂചകമായി വൈറ്റ്ഹൗസിലെ അമേരിക്കന്‍ പതാക താഴ്ത്തിക്കെട്ടാന്‍ റിപ്പബ്ലിക്കന്‍ - ഡെമോക്രാറ്റ് സെനറ്റര്‍മാര്‍ ആവശ്യപ്പെട്ടു. ശനിയാഴ്ച പതാക താഴ്ത്തിക്കെട്ടാന്‍ ട്രമ്പ് ഉത്തരവിട്ടുവെങ്കിലും തിങ്കളാഴ്ച അത് പൂര്‍വ സ്ഥിതിയിലേക്ക് ഉയര്‍ത്തിയിരുന്നു. അന്തരിച്ച നേതാവിന്റെ സംസ്‌കാരം കഴിയുന്നതുവരെ എല്ലാ ഗവണ്‍മെന്റ് ഓഫീസുകളിലെയും പതാകകള്‍ പകുതി താഴ്ത്തി കെട്ടണമെന്ന് ഡെമോക്രാറ്റ് നേതാവ് ചുക് ഷൂമറും, റിപ്പബ്ലിക്കന്‍ നേതാവ് മിച് മക്കോണലും ആവശ്യപ്പെട്ടു.


Other News

  • പിടിയിലായ ഐ.എസ് ഭീകരരെ യൂറോപ്യന്‍ രാജ്യങ്ങള്‍ വിചാരണയ്ക്ക് വിധേയമാക്കണമെന്ന് ട്രമ്പ്
  • വെനസ്വേലയിലേക്ക് അമേരിക്കന്‍ യുദ്ധ വിമാനങ്ങള്‍ ദുരിതാശ്വാസ സഹായങ്ങള്‍ എത്തിച്ചു തുടങ്ങി
  • ലൈംഗിക ചൂഷണം: മുന്‍ അമേരിക്കന്‍ കര്‍ദിനാളിനെ പൗരോഹിത്യ പദവിയില്‍ നിന്ന് നീക്കം ചെയ്തു
  • അതിര്‍ത്തി മതിലിനുള്ള ഫണ്ട് കണ്ടെത്താന്‍ നാഷണല്‍ എമര്‍ജന്‍സി പ്രഖ്യാപിച്ച് ട്രമ്പ്; വരാന്‍ പോകുന്നത് നിയമ പോരാട്ടം
  • സ്വയം പ്രതിരോധിക്കാൻ ഇന്ത്യക്ക് അവകാശമുണ്ടെന്ന് അമേരിക്ക
  • ചിക്കാഗോയിൽ നിന്ന്​ 65 കിലോമീറ്റർ അകലെ അറോറയിയില്‍ വെടിവെപ്പ്; അഞ്ച്​ മരണം
  • മതില്‍ വിഷയത്തില്‍ രണ്ടും കല്‍പിച്ച് ട്രമ്പ്; ഫണ്ട് വക മാറ്റി ചെലവഴിക്കാന്‍ പ്രസിഡന്റിന് അധികാരമുണ്ടെങ്കിലും ജനപ്രതിനിധി സഭ നോക്കിയിരിക്കില്ല
  • സിറിയയില്‍ നിന്നുള്ള സേനാ പിന്മാറ്റം; ട്രമ്പിന്റെ തീരുമാനത്തോടു വിയോജിപ്പു പ്രകടിപ്പിച്ച് മിഡില്‍ ഈസ്റ്റിലെ അമേരിക്കന്‍ ജനറല്‍ രംഗത്ത്
  • ഷട്ട്ഡൗണ്‍ ഒഴിവാക്കാന്‍ ബോര്‍ഡര്‍ സെക്യൂരിറ്റി ബില്ലില്‍ ട്രമ്പ് ഒപ്പുവയ്ക്കും; നാഷണല്‍ എമര്‍ജന്‍സി പ്രഖ്യാപിച്ച് അതിര്‍ത്തി മതിലിനുള്ള ഫണ്ട് കണ്ടെത്തും
  • ഷിക്കോഗോ സീറോ മലബാര്‍ കത്തീഡ്രലിലെ പുതിയ വികാരിക്ക് സ്വീകരണം
  • ധര്‍മ്മ സംവാദ പരമ്പരയുടെ സമാപനം ന്യൂയോര്‍ക്കില്‍
  • Write A Comment

     
    Reload Image
    Add code here