ഫിലഡല്‍ഫിയയില്‍ ജൂബിലി ദമ്പതിമാരെയും, നവദമ്പതിമാരെയും ആദരിക്കുന്നു

Sun,Aug 26,2018


ഫിലഡല്‍ഫിയ: റൂബി ജൂബിലി നിറവില്‍ തിളങ്ങുന്ന ഫിലാഡല്‍ഫിയാ ഇന്ത്യന്‍ അമേരിക്കന്‍ കാത്തലിക് അസോസിയേഷന്‍ (ഐ.എ.സി.എ) സെപ്റ്റംബര്‍ 15 ശനിയാഴ്ച്ച സീറോമലബാര്‍ പള്ളിയില്‍ നടത്തുന്ന ഇന്ത്യന്‍ കാത്തലിക് ഹെറിറ്റേജ് ദിനാഘോഷങ്ങളോടനുബന്ധിച്ച് ദമ്പതിമാരെ ആദരിക്കുന്നു. 2018 ല്‍ വിവാഹ ജീവിതത്തിന്റെ ഇരുപത്തിയഞ്ചാമത്തെയും, നാല്പതാമത്തെയും വര്‍ഷികങ്ങള്‍ ആഘോഷിക്കുന്ന ദമ്പതിമാരെയും, 2017ലോ 2018ലോ വിവാഹിതരായ നവദമ്പതിമാരെയുമാണ് ഐ.എ.സി.എ. പ്രത്യേകമായി ആദരിക്കുന്നത്.
മുകളില്‍ പറഞ്ഞ വിഭാഗങ്ങളില്‍ വരുന്ന കത്തോലിക്കാ ദമ്പതിമാര്‍ തങ്ങളുടെ പേരുവിവരം സെപ്റ്റംബര്‍ 10ന് മുന്‍പായി ഐ.എ.സി.എ. പ്രസിഡന്റ് ചാര്‍ലി ചിറയത്തിനെയോ, പി.ആര്‍.ഓ.ജോസ് മാളേയ്ക്കലിനെയോ അറിയിക്കണം. മുന്‍കൂട്ടിപേരുകള്‍ രജിസ്റ്റര്‍ ചെയ്യുന്ന ദമ്പതിമാരെ മാത്രമേ പേപ്പല്‍ നുണ്‍ഷ്യോ മുഖ്യകാര്‍മ്മികനായ ദിവ്യബലി മദ്ധ്യേ ആദരിക്കുകയുള്ളു. ചടങ്ങില്‍ പങ്കെടുക്കാന്‍ താല്‍പര്യമുള്ള വിശാല ഫിലാഡല്‍ഫിയ നിവാസികളായ സീറോമലബാര്‍, സീറോമലങ്കര, ക്‌നാനായ, ലത്തീന്‍ വിഭാഗങ്ങളില്‍പെട്ട ഇന്ത്യന്‍ അമേരിക്കന്‍ കത്തോലിക്കര്‍ പേരുകള്‍ തങ്ങളുടെ ഇടവക വികാരിയുടെ അടുത്തു കൊടുത്താലും മതിയാകും.
സെപ്റ്റംബര്‍ 15 ശനിയാഴ്ച്ച നടക്കുന്ന റൂബി ജൂബിലി ആഘോഷങ്ങളില്‍ മുഖ്യാതിഥിയായി പങ്കെടുക്കുന്നത് പേപ്പല്‍ നുണ്‍ഷ്യോ ആര്‍ച്ച് ബിഷപ് ക്രിസ്റ്റോഫ് പിയര്‍ ആണ്. വത്തിക്കാന്‍ സ്ഥാനപതിയോടൊപ്പം ഫിലാഡല്‍ഫിയാ അതിരൂപത സഹായമെത്രാന്‍ അഭിവന്ദ്യ ജോണ്‍ മക്കിന്‍ടയര്‍, കോട്ടയം ആര്‍ച്ച്ബിഷപ് മാര്‍ മാത്യു മൂലക്കാട്ട്, ഷിക്കാഗോ സീറോമലബാര്‍ രൂപതാ ബിഷപ് മാര്‍ േജക്കബ് അങ്ങാടിയത്ത്, സീറോ മലങ്കരസഭയുടെ വടക്കേ അമേരിക്ക-കാനഡ എന്നിവയുടെ ചുമതല വഹിക്കുന്ന ബിഷപ് ഫീലിപ്പോസ് മാര്‍ സ്റ്റെഫാനോസ് എന്നിവരും ഇന്ത്യന്‍ കത്തോലിക്കരുടെ കൂടിവരവില്‍ പങ്കെടുക്കും. വിശിഷ്ടാതിഥികള്‍ക്ക് സ്വീകരണം, കമനീയമായ സ്വീകരണഘോഷയാത്ര, കൃതഞ്ജതാ ബലിയര്‍പ്പണം, പേപ്പല്‍ ബ്ലസിംഗ്, ജൂബിലി ദമ്പതിമാരെയും, നവദമ്പതിമാരെയും ആദരിക്കല്‍, ഐ.എ.സി.എ. യുവജന വിഭാഗത്തിന്റെ ഉദ്ഘാടനം, പൊതുസമ്മേളനം, വിവിധ കലാപരിപാടികള്‍, സ്‌നേഹവിരുന്ന് എന്നിവയാണ് ഹെറിറ്റേജ് ദിനാഘോഷങ്ങളുടെ ഭാഗമായി നടത്തപ്പെടുന്നത്.
ചാര്‍ലി ചിറയത്ത് - പ്രസിഡന്റ്, ഫിലിപ് ജോണ്‍ (ബിജു) - വൈസ് പ്രസിഡന്റ്, തോമസ്‌കുട്ടി സൈമണ്‍ - ജനറല്‍ സെക്രട്ടറി, മെര്‍ലിന്‍ അഗസ്റ്റിന്‍ - ജോയിന്റ് സെക്രട്ടറി, സണ്ണി പടയാറ്റില്‍ - ട്രഷറര്‍, സാമുവേല്‍ ചാക്കോ -ജോയിന്റ് ട്രഷറര്‍ എന്നിവരുടെ നേതൃത്വത്തില്‍ ഐ.എ.സി.എ എക്‌സിക്യൂട്ടീവ് കമ്മിറ്റിയും, ഡയറക്ടര്‍ ബോര്‍ഡും ഹെറിറ്റേജ് ദിനാഘോഷങ്ങളുടെ ക്രമീകരണങ്ങള്‍ ചെയ്തുവരുന്നു. ഫിലാഡല്‍ഫിയ സെ.ജോണ്‍ ന്യൂമാന്‍ ക്‌നാനായ കാത്തലിക് മിഷന്‍ ഡയറക്ടര്‍ ഫാ. റെന്നി കട്ടേല്‍ ഡയറക്ടര്‍ ബോര്‍ഡ് ചെയര്‍മാനും, സെന്റ് ജൂഡ് സീറോമലങ്കരപള്ളി വികാരി റവ.ഡോ. സജി മുക്കൂട്ട് വൈസ് ചെയര്‍മാനും, സീറോമലബാര്‍ പള്ളി വികാരി ഫാ. വിനോദ് മഠത്തിപ്പറമ്പില്‍, ഇന്ത്യന്‍ ലാറ്റിന്‍ കാത്തലിക് മിഷന്‍ ഡയറക്ടര്‍ ഫാ. ഷാജി സില്‍വ എന്നിവര്‍ ഡയറക്ടര്‍മാരുമായി കമ്മിറ്റിയില്‍ പ്രവര്‍ത്തിക്കുന്നു.
ജോസ് മാളേയ്ക്കല്‍


Other News

  • 'അധിനിവേശക്കാര്‍' എന്ന് ട്രമ്പ് വിശേഷിപ്പിച്ച കുടിയേറ്റ കാരവനിലെ നൂറുകണക്കിനാളുകള്‍ മെക്‌സിക്കന്‍ അതിര്‍ത്തിയില്‍ എത്തി
  • വൈറ്റ്ഹൗസില്‍ 'ആഭ്യന്തര' കലഹം; ഇളക്കി പ്രതിഷ്ഠയ്ക്ക് ട്രമ്പ് തയാറെടുക്കുന്നു
  • ഫ്രാന്‍സിസ് ജോര്‍ജിന് ഹൂസ്റ്റണില്‍ സ്വീകരണം നല്‍കുന്നു
  • റോഷി അഗസ്റ്റിന്‍ എം.എല്‍.എ യ്ക്ക് ഹൂസ്റ്റണില്‍ സ്വീകരണം നല്‍കി
  • ഇത് കൂട്ടായ്മയുടെ വിജയമെന്ന് കെ.പി.ജോര്‍ജ്
  • ഓസ്റ്റിന്‍ സെന്റ് അല്‍ഫോന്‍സാ ദേവാലയത്തിന്റെ ദശാബ്ദിയും തിരുനാളും ആഘോഷിക്കുന്നു
  • പ്രളയ ബാധിതര്‍ക്കുള്ള ഭവനത്തിന്റെ താക്കോല്‍ കൈമാറി
  • വൈറ്റ്ഹൗസില്‍ ദീപാവലി ദീപം തെളിയിച്ച് ട്രമ്പ്; അമേരിക്ക - ഇന്ത്യ ബന്ധം ഏറ്റവും ഉയര്‍ന്ന തലത്തില്‍ എന്നും വിലയിരുത്തല്‍
  • ആമസോണിന്റെ പുതിയ കാമ്പസുകള്‍ ന്യൂയോര്‍ക്കിലും,വാഷിംഗ്ടണിലും
  • ദശലക്ഷക്കണക്കിന് യഹൂദരുടെ കൂട്ടക്കൊലയ്ക്ക് കാരണക്കാരനായ ഹിറ്റ്‌ലറുടെ മനം കവര്‍ന്ന യഹൂദ ബാലികയുടെ കഥ
  • 'പ്രതിഭോത്സവം 2018' വര്‍ണാഭമായി
  • Write A Comment

     
    Reload Image
    Add code here