ട്രമ്പിന്റെ ഇമിഗ്രേഷന്‍ നയം സമ്പദ് വ്യവസ്ഥയെ ദോഷകരമായി ബാധിക്കുമെന്ന് 59 അമേരിക്കന്‍ കമ്പനി സി.ഇ.ഒ മാര്‍ മുന്നറിയിപ്പ് നല്‍കി

Fri,Aug 24,2018


വാഷിംഗ്ടണ്‍ ഡി സി: പ്രസിഡന്റ് ട്രമ്പിന്റെ ഇമിഗ്രേഷന്‍ നയം അനിശ്ചിതത്വത്തിനും, സാമ്പത്തിക വളര്‍ച്ചയെ ദോഷകരമായി ബാധിക്കുന്നതിനും നിമിത്തമായേക്കുമെന്ന് 59 പ്രമുഖ അമേരിക്കന്‍ കമ്പനികളുടെ സി.ഇ.ഒ മാര്‍ മുന്നറിയിപ്പ് നല്‍കി. ആപ്പിളിന്റെ ടിം കുക്ക്, ജെ.പി മോര്‍ഗന്‍ ചേസ് ആന്‍ഡ് കമ്പനിയുടെ ജെയ്മി ദിമോന്‍, അമേരിക്കന്‍ എയര്‍ലൈന്‍സിന്റെ ഡൗ പാര്‍ക്കര്‍ തുടങ്ങിയവരാണ് ഇതുസംബന്ധിച്ച കത്തില്‍ ഒപ്പുവച്ചിട്ടുള്ളത്. സ്‌കില്‍ഡ് ഇമിഗ്രന്റ്‌സിന്റെ ജീവിതപങ്കാളിക്ക് ലഭ്യമാക്കിയിരുന്ന വര്‍ക്ക് പെര്‍മിറ്റ് സംബന്ധിച്ച് ഉടലെടുത്തിട്ടുള്ള അനിശ്ചിതത്വം തങ്ങളുടെ പല ജോലിക്കാരെയും ആശങ്കയിലക്കിയിരിക്കുകയാണെന്ന് കത്തില്‍ ചൂണ്ടിക്കാട്ടി.
ഇമിഗ്രേഷന്‍ നയത്തില്‍ മാറ്റങ്ങള്‍ വരുത്തുമ്പോള്‍ നിയമ വ്യവസ്ഥകള്‍ക്കു വിധേയമായി ഇവിടെ ജോലി ചെയ്യുന്ന ആയിരക്കണക്കണക്കിന് സ്‌കില്‍ഡ് ഇമിഗ്രന്റ്‌സിന്റെ ജീവിതം താളം തെറ്റിക്കുന്ന നടപടി ഉണ്ടാകുന്നില്ലെന്ന് ഉറപ്പു വരുത്തണം. അമേരിക്കയുടെ മത്സരാധിഷ്ഠിതയെ അത് ദോഷകരമായി ബാധിക്കുമെന്ന് കത്തില്‍ ഓര്‍മിപ്പിച്ചു.
വര്‍ഷങ്ങളായി ഇവിടെ മികച്ച രീതിയില്‍ ജോലി ചെയ്തു വരുന്നവര്‍ക്ക് വര്‍ക്ക് പെര്‍മിറ്റ് പൊടുന്നനേ റദ്ദാക്കുന്ന സമീപനം യു.എസ് സിറ്റിസണ്‍ഷിപ് ആന്‍ഡ് ഇമിഗ്രേഷന്‍ സര്‍വീസസിന്റെ ഭാഗത്തു നിന്ന് ഉണ്ടാകുന്നുണ്ട്. സ്‌പെഷലൈസേഷന്‍ വേണ്ട ജോലിക്കു വേണ്ടി എച്ച് 1 ബി വിസ പ്രോഗ്രാമില്‍ കമ്പനികള്‍ കൊണ്ടുവരുന്ന സ്‌കില്‍ഡ് ഉദ്യോഗാര്‍ഥികളെയാണ് ഇമിഗ്രേഷന്‍ നയം ഏറെ ബാധിക്കുന്നത്. ഇടയ്ക്കു വച്ച് ഇത്തരം കാര്യങ്ങളില്‍ മാറ്റം വരുത്തുന്നത് അമേരിക്കന്‍ ബിസിനസിന് അനാവശ്യ പണച്ചെലവും, സങ്കീര്‍ണതകളും വരുത്തുമെന്ന് കത്തില്‍ ചൂണ്ടിക്കാട്ടി. എച്ച് 1 ബി വിസയില്‍ നല്ലൊരു ശതമാനവും സ്വന്തമാക്കുന്ന ഇന്ത്യന്‍ ഐടി കമ്പനികള്‍ തേര്‍ഡ് പാര്‍ട്ടി വര്‍ക്ക്‌സൈറ്റില്‍ ഇത്തരത്തിലുള്ള ധാരാളം പേരെ നിയോഗിക്കുന്നുണ്ട്. വളരെയധികം അമേരിക്കന്‍ ബാങ്കുകളും, ട്രാവല്‍ - വാണിജ്യ സര്‍വീസുകളും ഇന്ത്യയില്‍ നിന്നുള്ള ഐടി വിദഗ്ധരുടെ സേവനം പ്രയോജനപ്പെടുത്തുന്നുണ്ട്. ജോലിക്ക് അനുയോജ്യരായ ആളുകളെ കിട്ടാന്‍ ബുദ്ധിമുട്ടുന്ന ഈ സമയത്ത്, പല തവണ അമേരിക്കയില്‍ ജോലി തുടുരുന്നതിന് അനുമതി ലഭിച്ചിട്ടുള്ളവരുടെ വിസ സ്റ്റാറ്റസോ ജീവിതപങ്കാളിയുടെ വിസയോ തകിടം മറിക്കുന്ന സമീപനം ഏറെ ബുദ്ധിമുട്ടുകള്‍ സൃഷ്ടിക്കുമെന്ന് ഹോം ലാന്‍ഡ് സെക്യൂരിറ്റി സെക്രട്ടറി ക്രിസ്റ്റ്ജന്‍ നീല്‍സനു നല്‍കിയ കത്തില്‍ സി.ഇ.ഒ മാര്‍ നീരീക്ഷിച്ചു.


Other News

  • ഹൈസ്‌കൂളില്‍ പഠിക്കുമ്പോള്‍ ലൈംഗിക പീഡനം നടത്തിയിട്ടില്ലെന്ന് ബ്രെറ്റ് കവനോവ്
  • പ്രവീണ്‍ വധക്കേസില്‍ കോടതി വിട്ടയച്ച പ്രതി ജയിലിലായിരുന്നപ്പോഴും മയക്കുമരുന്ന് ഇടപാട് നടത്തി; ജാമ്യം റദ്ദാക്കണമെന്ന് ആവശ്യപ്പെട്ട ഹര്‍ജി
  • ഞാന്‍ ഇന്ത്യയെ സ്‌നേഹിക്കുന്നു, എന്റെ സുഹൃത്ത് മോഡിക്ക് ആശംസ അറിയിക്കുക; സുഷമ സ്വരാജിനോട് ട്രമ്പ്
  • ട്രമ്പ് ടീമിന്റെ റഷ്യന്‍ ബന്ധത്തെപ്പറ്റിയുള്ള അന്വേഷണത്തിനു മേല്‍നോട്ടം വഹിക്കുന്ന യു.എസ് ഡെപ്യൂട്ടി അറ്റോര്‍ണി ജനറല്‍ രാജിവച്ചേക്കുമെന്നു സൂചന
  • തിയോളജി ബിരുദാനന്തര ബിരുദദാന ചടങ്ങുകള്‍ സോമര്‍സെറ്റില്‍ സെപ്റ്റംബര്‍ മുപ്പതിന്
  • മോര്‍ട്ടണ്‍ഗ്രോവ് സെന്റ് മേരീസില്‍ ഇരട്ടകളുടെ സംഗമം
  • ഷിക്കാഗോയില്‍ 'എസ്രാ മീറ്റ് 2018' നടത്തി
  • മലയാളി എന്‍ജിനിയേഴ്‌സ് അസോ. സ്‌കോളര്‍ഷിപ്പ് പദ്ധതി
  • ഗണേശ ഭഗവാന്റെ ചിത്രം പരസ്യത്തില്‍; ക്ഷമ ചോദിച്ച് റിപ്പബ്ലിക്കന്‍ പാര്‍ട്ടി
  • ഷിക്കാഗോ കത്തീഡ്രലില്‍ സീറോ മലബാര്‍ നാഷണല്‍ കണ്‍വന്‍ഷന്റെ രജിസ്‌ട്രേഷന്‍ കിക്കോഫ് നടത്തി
  • എച്ച്-4 വിസ നിരോധനം മൂന്ന് മാസത്തിനുള്ളില്‍ നിലവില്‍ വരുമെന്ന് യു.എസ് സര്‍ക്കാര്‍
  • Write A Comment

     
    Reload Image
    Add code here