തന്നെ ഇംപീച്ച് ചെയ്താല്‍ സമ്പദ് വ്യവസ്ഥ തകര്‍ന്നടിയുമെന്നും, എല്ലാവരും ദരിദ്രരാകുമെന്നും ട്രമ്പിന്റെ മുന്നറിയിപ്പ്

Thu,Aug 23,2018


വാഷിഗ്ടണ്‍ ഡി സി: പ്രസിഡന്റ് സ്ഥാനത്തു നിന്ന് തന്നെ ഇംപീച്ച് ചെയ്യുന്നത് സമ്പദ് വ്യവസ്ഥയുടെ തകര്‍ച്ചയ്ക്ക് കാരണമാകുമെന്ന് ഡോണള്‍ഡ് ട്രമ്പ് മുന്നറിയിപ്പ് നല്‍കി. മാര്‍ക്കറ്റുകള്‍ തകരുമെന്നും എല്ലാവരും ദരിദ്രരാകുമെന്നും ഫോക്‌സ് ആന്‍ഡ് ഫ്രണ്ട്‌സിനു നല്‍കിയ അഭിമുഖത്തില്‍ ട്രമ്പ് പറഞ്ഞു. 2016 ലെ പ്രസിഡന്‍ഷ്യല്‍ തെരഞ്ഞെടുപ്പു കാലത്ത് പോണ്‍ നായിക സ്റ്റോമി ഡാനിയേല്‍സ്, പ്ലേബോയ് മോഡല്‍ കാരന്‍ മക് ഡഗ്ലല്‍ എന്നിവര്‍ക്ക് പണം നല്‍കിയത് ട്രമ്പിന്റെ അറിവോടെയാണെന്ന് ട്രമ്പിന്റെ മുന്‍ അറ്റോര്‍ണി മൈക്കിള്‍ കോഹന്‍ കോടതിയില്‍ സമ്മതിച്ച സാഹചര്യത്തിലാണ് ഇംപീച്ച്‌മെന്റ് വിഷയം ചര്‍ച്ചയ്ക്കു വന്നത്. തെരഞ്ഞെടുപ്പു നിയമം കോഹന്‍ ലംഘിച്ചതായി കോടതി കണ്ടെത്തിയിട്ടുണ്ട്. നവംബറിലെ ഇടക്കാല തെരഞ്ഞെടുപ്പിനു മുമ്പ് ട്രമ്പിനെതിരേ ഇംപീച്ച്‌മെന്റ് നീക്കം എതിരാളികള്‍ നടത്തില്ലെന്ന് വിലയിരുത്തപ്പെടുന്നു.
ഇംപീച്ച്‌മെന്റിനെപ്പറ്റി വളരെ അപൂര്‍വമായി മാത്രം പരാമര്‍ശം നടത്തിയിട്ടുള്ള ട്രമ്പ്, മഹത്തായ ജോലി ചെയ്ത ഒരാളെ എങ്ങിനെ ഇംപീച്ച് ചെയ്യാനാകുമെന്ന് അഭിമുഖ വേളയില്‍ ചോദിച്ചു. താന്‍ ഇംപീച്ച് ചെയ്യപ്പെട്ടാല്‍ മാര്‍ക്കറ്റുകള്‍ തകരുമെന്നും, എല്ലാവരും ദരിദ്രരാകുമെന്നും ട്രമ്പ് ഓര്‍മിപ്പിച്ചു.
ട്രമ്പുമായി ബന്ധമുണ്ടെന്ന് അവകാശപ്പെട്ട രണ്ടു വനിതകള്‍ക്കാണ് കോഹന്‍ പണം നല്‍കിയത്. തെരഞ്ഞെടുപ്പിനെ സ്വാധീനിക്കുക എന്ന ലക്ഷ്യത്തോടെ ട്രമ്പിന്റെ നിര്‍ദേശപ്രകാരമാണ് പണം നല്‍കിയതെന്ന കോഹന്റെ വെളിപ്പെടുത്തലാണ് പ്രസിഡന്റിനെ കുടുക്കുന്നത്. എന്നാല്‍, പണം നല്‍കിയത് തെരഞ്ഞെടുപ്പു ഫണ്ടില്‍ നിന്നല്ലെന്നും, തന്റെ വ്യക്തിപരമായ അക്കൗണ്ടില്‍ നിന്നാണെന്നും ഇതേപ്പറ്റി താന്‍ പിന്നീടാണ് അറിഞ്ഞതെന്നും ട്രമ്പ് അവകാശപ്പെടുന്നു. കുറഞ്ഞ ശിക്ഷ കിട്ടാന്‍ കോഹന്‍ കഥകള്‍ മെനയുകയാണെന്ന് ട്രമ്പ് ആരോപിച്ചു. തെരഞ്ഞെടുപ്പിനെ സ്വാധീനിക്കുക എന്ന ലക്ഷ്യത്തോടെ നല്‍കുന്ന എല്ലാ പണമിടപാടുകളും റിപ്പോര്‍ട്ട് ചെയ്യപ്പെടണമെന്ന് അമേരിക്കന്‍ തെരഞ്ഞെടുപ്പു നിയമം അനുശാസിക്കുന്നു. എന്നാല്‍, കോഹന്‍ നടത്തിയ പണമിടപാട് ഫെഡറല്‍ ഇലക്ഷന്‍ കമ്മീഷനെ അറിയിച്ചിരുന്നില്ല.


Other News

  • പുറം ലോകവുമായി ബന്ധമില്ലാത്ത ആന്‍ഡമാനിലെ ഗോത്രവര്‍ഗ മേഖലയിലേക്കു പോയ അമേരിക്കക്കാരനെ ഗോത്രവര്‍ഗക്കാര്‍ കൊലപ്പെടുത്തി
  • യുഎസിനുവേണ്ടി ഒന്നും ചെയ്യാത്ത പാക്കിസ്ഥാന് സഹായമില്ല: ട്രമ്പ്
  • രാജ്യത്ത് അനികൃതമായി പ്രവേശിക്കുന്നവര്‍ക്ക് അഭയം നിഷേധിക്കുന്ന ട്രമ്പിന്റെ ഉത്തരവ് കോടതി താത്കാലികമായി തടഞ്ഞു
  • 2019 ല്‍ മത്സരത്തിനില്ലെന്ന് സുഷമ സ്വരാജ്; സുഷമയുടെ സേവനങ്ങളെ പ്രകീര്‍ത്തിച്ച് തരൂര്‍
  • കെ എച്ച് എന്‍ എ കണ്‍വന്‍ഷന്‍; രജിസ്‌ട്രേഷന്‍ ആരംഭിച്ചു
  • ക്രിസ്ത്യന്‍ റിവൈവല്‍ ഫെലോഷിപ്പ് കണ്‍വന്‍ഷനുകള്‍ നവംബര്‍ 23 മുതല്‍
  • ഹൂസ്റ്റണില്‍ 'സിംഫണി 2018' ന് ഒരുക്കങ്ങളായി
  • ഗീതാമണ്ഡലത്തില്‍ മണ്ഡലപൂജയ്ക്ക് ഭക്തിസാന്ദ്രമായ തുടക്കം
  • സുരക്ഷാ സംവിധാനങ്ങള്‍ വര്‍ധിപ്പിക്കുന്നതിനു വേണ്ടി മെക്‌സിക്കന്‍ അതിര്‍ത്തിയിലെ ഏറ്റവും തിരക്കേറിയ ക്രോസിംഗ് മൂന്നു മണിക്കൂര്‍ നേരത്തേക്ക് അമേരിക്ക അടച്ചു
  • സൗദി മാധ്യമപ്രവര്‍ത്തകന്‍ ഖഷോഗിയുടെ കൊലപാതകവുമായി ബന്ധപ്പെട്ട് സിഐഎ തയ്യാറാക്കിയ റിപ്പോര്‍ട്ട് ചൊവ്വാഴ്ച പുറത്തുവിടുമെന്ന് പ്രസിഡന്റ് ഡോണള്‍ഡ് ട്രമ്പ്
  • മെക്‌സിക്കന്‍ അതിര്‍ത്തിയില്‍ തമ്പടിക്കുന്ന യുഎസ് കുടിയേറ്റക്കാര്‍ക്കെതിരെ തദ്ദേശവാസികളുടെ പ്രതിഷേധം
  • Write A Comment

     
    Reload Image
    Add code here