സഹായഹസ്തവുമായി എന്‍.കെ.ലൂക്കോസ് മെമ്മോറിയല്‍ വോളിബോള്‍ ടൂര്‍ണമെന്റും

Wed,Aug 22,2018


ഡിട്രോയിറ്റ്: കേരളത്തില്‍ പ്രളയക്കെടുതിയില്‍ ദുരിതമനുഭവിക്കുന്നവര്‍ക്ക് സഹായഹസ്തമേകാന്‍ പതിമൂന്നാമത് എന്‍. കെ. ലൂക്കോസ് മെമ്മോറിയല്‍ വോളി ബോള്‍ ടൂര്‍ണമെന്റും തയാറെടുക്കുന്നു. ടൂര്‍ണമെന്റിന്റെ ദിവസം, കേരളാ പ്രളയ കെടുതിയില്‍പ്പെട്ടവരെ സഹായിക്കാന്‍ 50/50 റാഫിള്‍ ടിക്കറ്റും, ഒപ്പം സംഭാവനകള്‍ നല്‍കുന്നതുമുള്ള അവസരവും ഉണ്ടാകും.
ടൂര്‍ണമെന്റിന് ആതിഥ്യം നല്‍കുന്നത് മിഷിഗണിലെ ഡിട്രോയിറ്റ് ഈഗിള്‍സ് വോളിബോള്‍ ടീമും പൗരസമിതിയുമാണ്. നോര്‍ത്ത് അമേരിക്കയിലെ വിവിധ ടീമുകള്‍ മാറ്റുരയ്ക്കുന്ന മത്സരത്തില്‍ ഇതുവരെ പതിനൊന്ന് ടീമുകളാണ് മത്സരത്തിന് രജിസ്റ്റര്‍ ചെയ്തിരിക്കുന്നത്. മത്സരത്തില്‍ പങ്കെടുക്കുന്നതില്‍ പ്രധാനമായും നോര്‍ത്ത് അമേരിക്കയില്‍ ജനിച്ചു വളര്‍ന്നവരാണെങ്കിലും, തങ്ങളുടെ പിതാക്കന്‍മാരുടെ നാടായ കേരളത്തില്‍ ഇപ്പോള്‍ പ്രളയ കെടുതിയില്‍ ദുരിതം അനുഭവിക്കുന്നവര്‍ക്ക് സഹായമാകുവാന്‍ ഈ വോളി ബോള്‍ ടൂര്‍ണമെന്റ് ഇടയാകണമെന്നും, കേരളത്തേടും നാടിനോടുമുള്ള സ്‌നേഹം അമേരിക്കന്‍ മലയാളികള്‍ ഇപ്പോഴാണ് ഏറ്റവും അധികം പ്രകടമാക്കേണ്ടതെന്നും സംഘാടകര്‍ വിലയിരുത്തുന്നു. സെപ്റ്റംബര്‍ ഒന്നിന് രാവിലെ 9 മണി മുതല്‍ മിഷിഗണിലെ വാട്ടര്‍ഫോര്‍ഡിലുള്ള എലീറ്റ് സ്‌പോര്‍ട്‌സ്‌പ്ലെക്‌സിലാണ് വോളി ബോള്‍ ടൂര്‍ണമെന്റ് ആരംഭിക്കുന്നത്.
ഡിട്രോയിറ്റ് ഈഗിള്‍സ് എ, ഷിക്കാഗോ കൈരളി ലയണ്‍സ് എ, ന്യൂയോര്‍ക്ക് സ്‌പൈക്കേഴ്‌സ്, വാഷിംഗ്ടണ്‍ കിംഗ്‌സ്, റ്റാമ്പ ടൈഗേഴ്‌സ്, ഡാളസ് സ്‌ട്രൈക്കേഴ്‌സ്, കാലിഫോര്‍ണിയ ബ്ലാസ്റ്റേഴ്‌സ്, ബാള്‍ട്ടിമോര്‍ കോബ്രാസ്, റോക്ക്‌ലാന്‍ഡ് സോള്‍ജിയേഴ്‌സ്, ഷിക്കാഗോ കൈരളി ബി, ഡിട്രോയിറ്റ് ഈഗിള്‍സ് ബി എന്നീ ടീമുകളാണ് ഈ വര്‍ഷത്തെ എന്‍. കെ. ലൂക്കോസ് നടുപ്പറമ്പില്‍ മെമ്മോറിയല്‍ വോളി ബോള്‍ ടൂര്‍ണമെന്റില്‍ മാറ്റുരയ്ക്കുന്നത്.
ഫാ: ജോയ് ചക്കിയാന്‍, മാത്യൂസ് ചെരുവില്‍, മോഹന്‍ പനങ്കാവില്‍ (ഡിട്രോയിറ്റ് ഈഗിള്‍സ് പ്രസിഡന്റ്), ഷോണ്‍ കര്‍ത്തനാള്‍ (ഡിട്രോയിറ്റ് ഈഗിള്‍സ്), ജൈസ് അഗസ്റ്റിന്‍ (മുന്‍ ഇടുക്കി ജില്ല വോളി ബോള്‍ താരം), ഷൈന്‍ ഈപ്പന്‍ (ഡിട്രോയിറ്റ് ഈഗിള്‍സ്), സഞ്ചു കോയിത്തറ എന്നിവരാണ് പരിപാടികള്‍ക്ക് ചുക്കാന്‍ പിടിക്കുന്നത്.
വിനോദ് കൊണ്ടൂര്‍ ഡേവിഡ്


Other News

  • സുരക്ഷാ സംവിധാനങ്ങള്‍ വര്‍ധിപ്പിക്കുന്നതിനു വേണ്ടി മെക്‌സിക്കന്‍ അതിര്‍ത്തിയിലെ ഏറ്റവും തിരക്കേറിയ ക്രോസിംഗ് മൂന്നു മണിക്കൂര്‍ നേരത്തേക്ക് അമേരിക്ക അടച്ചു
  • സൗദി മാധ്യമപ്രവര്‍ത്തകന്‍ ഖഷോഗിയുടെ കൊലപാതകവുമായി ബന്ധപ്പെട്ട് സിഐഎ തയ്യാറാക്കിയ റിപ്പോര്‍ട്ട് ചൊവ്വാഴ്ച പുറത്തുവിടുമെന്ന് പ്രസിഡന്റ് ഡോണള്‍ഡ് ട്രമ്പ്
  • മെക്‌സിക്കന്‍ അതിര്‍ത്തിയില്‍ തമ്പടിക്കുന്ന യുഎസ് കുടിയേറ്റക്കാര്‍ക്കെതിരെ തദ്ദേശവാസികളുടെ പ്രതിഷേധം
  • ഫ്രാന്‍സിസ് ജോര്‍ജിന് ന്യൂയോര്‍ക്കില്‍ സ്വീകരണം നല്‍കുന്നു
  • ശബരിമല തീര്‍ഥാടനം; സമാധാന സാഹചര്യം ക്രമീകരിക്കണമെന്ന് പ്രമേയം
  • 'ഈശോയ്‌ക്കൊരു കുഞ്ഞാട്' പദ്ധതിക്കായി വേദപാഠ കുട്ടികള്‍ കൈ കോര്‍ക്കുന്നു
  • പ്രളയക്കെടുതി; ഫോമായുടെ കന്നിവീട് ക്യാപ്പിറ്റല്‍ റീജിയനില്‍ നിന്ന്
  • ഷീബ അമീന് നവംബര്‍ 23 ന് ന്യൂയോര്‍ക്കില്‍ സ്വീകരണം
  • കാലിഫോര്‍ണിയ കാട്ടുതീ; ട്രമ്പ് സന്ദര്‍ശനം നടത്തി, മരണം 76, കാണാതായവരുടെ ലിസ്റ്റില്‍ 1276 പേര്‍
  • എച്ച് 1 ബി വിസക്കാരുടെ ജീവിതപങ്കാളികള്‍ക്ക് നല്‍കിയിട്ടുള്ള വര്‍ക്ക് ഓതറൈസേഷന്‍ ട്രമ്പ് ഭരണകൂടം റദ്ദാക്കുന്നത് തടയണമെന്ന് ആവശ്യപ്പെടുന്ന ബില്‍ അമേരിക്കന്‍ കോണ്‍ഗ്രസില്‍
  • ന്യൂജേഴ്‌സിയില്‍ അക്രമിയുടെ വെടിയേറ്റ് ഇന്ത്യക്കാരന്‍ കൊല്ലപ്പെട്ടു
  • Write A Comment

     
    Reload Image
    Add code here