പ്രളയബാധിതര്‍ക്കൊപ്പം ഹൂസ്റ്റണ്‍ സെന്റ് ജോസഫ്‌സ് സീറോ മലബാര്‍ ഇടവകയും

Wed,Aug 22,2018


ഹൂസ്റ്റണ്‍: മിസൗറിസിറ്റിയിലുള്ള സെന്റ് ജോസഫ്‌സ് സീറോ മലബാര്‍ ഫൊറോന ഇടവകാംഗങ്ങള്‍, കേരളത്തിലെ പ്രളയ ദുരിത ബാധിതരോട് അനുകമ്പയും സ്‌നേഹവും ഐക്യദാര്‍ഢ്യവും പ്രകടിപ്പിച്ചു. ഓഗസ്റ്റ് 19 ഞായറാഴ്ച രാവിലെ 9 മണിക്കുള്ള വിശുദ്ധ കുര്‍ബ്ബാനയ്ക്കു ശേഷം പള്ളി ഹാളില്‍ ചേര്‍ന്ന പൊതുയോഗത്തില്‍ കേരളത്തിനും ദുരിത ബാധിതര്‍ക്കുമായി പ്രത്യേക പ്രാര്‍ത്ഥനകളും സഹായ നിധിശേഖരണവും നടത്തി.
പള്ളി വികാരി ഫാ. കുര്യന്‍ നെടുവേലി ചാലുങ്കല്‍ സ്വാഗതം ആശംസിച്ച് പ്രസംഗിച്ചു. കഴിഞ്ഞ കൊല്ലം ഏതാണ്ട് ഇതേകാലയളവില്‍ ഹൂസ്റ്റണ്‍ നിവാസികള്‍ ഇത്തരം ഒരു മഹാപ്രളയ ദുരിതത്തെ, ഹാര്‍വിയെ നേരിട്ടത് ഫാ. കുര്യന്‍ തന്റെ പ്രസംഗത്തില്‍ അനുസ്മരിച്ചു. അന്ന് ഈ ദേവാലയം പ്രളയ ദുരിതബാധിതര്‍ക്ക് ഒരു ഷെല്‍ട്ടറായി തുറന്ന് കൊടുത്തിരുന്നു. ഇന്ന് നമ്മുടെ ജന്മനാടായ കേരളത്തിലെ ഉറ്റവരും ഉടയവരുമായ ജനങ്ങള്‍ പേമാരിയിലും വെള്ളപ്പൊക്കത്തിലും വളരെയധികം നാശനഷ്ടങ്ങള്‍ സഹിച്ച് കഷ്ടപ്പെടുകയാണ്. നമ്മുടെയെല്ലാം പ്രാര്‍ത്ഥനയോടൊപ്പം നമ്മുടെ ഹൃദയകവാടങ്ങള്‍ അവര്‍ക്കായി തുറക്കപ്പെടണം. ഓരോരുത്തരും അവരവരാല്‍ കഴിയുന്ന വിധത്തില്‍ സ്വാന്തനവും സാമ്പത്തികവുമായ സഹായങ്ങള്‍ സത്വരമായി ചെയ്യണം. തന്റെ ഒരു മാസത്തെ ശമ്പളം ഈ ദുരിതാശ്വാസ നിധിയിലേക്ക് സംഭാവന ചെയ്യുന്നതായി അദ്ദേഹം അറിയിച്ചു.
ഐക്യദാര്‍ഢ്യ പ്രഖ്യാപനത്തിന്റെ ഭാഗമായ പ്രാര്‍ത്ഥനകളും, പ്രതിജ്ഞാവാചകങ്ങളും ഇടവക അസിസ്റ്റന്റ് വികാരി ഫാ. രാജീവ് ഫിലിപ്പ് വലിയവീട്ടില്‍ ചൊല്ലിക്കൊടുത്തു. ഈ മഹാപ്രളയത്തില്‍ ജനസുരക്ഷാ പ്രവര്‍ത്തനത്തിടയില്‍ ജീവന്‍ പോലും ബലികഴിക്കേണ്ടി വന്നവര്‍ക്കും മറ്റ് അപകടത്തില്‍പ്പെട്ടു മരിച്ചവര്‍ക്കും പ്രത്യേകം ആദരാഞ്ജലി അര്‍പ്പിച്ചു കൊണ്ടുള്ള മൗന പ്രാര്‍ത്ഥനയും യോഗത്തില്‍ നടത്തി. തുടര്‍ന്ന് കേരള ദുരിതാശ്വാസ ഫണ്ടിലേക്ക് ഇടവകാംഗവും കെംപ്ലാസ്റ്റ് കമ്പനി പ്രസിഡന്റുമായ അലക്‌സാണ്ടര്‍ കുടക്കച്ചിറ പതിനായിരം ഡോളറും, വില്‍ഫ്രഡ് സ്റ്റീഫന്‍ അയ്യായിരം ഡോളറും നല്‍കി ഫണ്ട ്‌ശേഖരണം ഉദ്ഘാടനം ചെയ്തു. അന്നുതന്നെ പലരില്‍ നിന്നായി ദുരിതാശ്വാസ നിധിയിലേക്ക് 72000 ല്‍ അധികം ഡോളര്‍ ലഭിക്കുകയുണ്ടായി. കുറഞ്ഞത് ഒരു ലക്ഷം ഡോളറെങ്കിലും ഉടന്‍ തന്നെ കേരളത്തിലേക്ക് അയക്കാനാണ് തീരുമാനം.
മിസൗറിസിറ്റി മേയര്‍ അലന്‍ ഓവന്‍ കേരളത്തിലെ വെള്ളപ്പൊക്ക ദുരിത ബാധിതരോട് അനുകമ്പയും സ്‌നേഹവും ഒപ്പം ദുഃഖവും പ്രകടിപ്പിച്ചു കൊണ്ട് പ്രസംഗിച്ചു. അദ്ദേഹം സ്വന്തം നിലയില്‍ ഒരു നല്ല തുക സംഭാവനയും നല്‍കി. ഇടവക അംഗമായ ബോസ് കുര്യന്‍ മേയര്‍ക്കും മറ്റ് ഉദാരമതികളായ എല്ലാവര്‍ക്കും നന്ദി രേഖപ്പെടുത്തി സംസാരിച്ചു. ഫോര്‍ട്ട്‌ബെന്റ് സ്‌കൂള്‍ ബോര്‍ഡ് മെമ്പറും ജഡ്ജ് സ്ഥാനാര്‍ത്ഥിയും മലയാളിയുമായ കെ.പി.ജോര്‍ജ്ജും യോഗത്തെ അഭിസംബോധന ചെയ്തു.
എ.സി.ജോര്‍ജ്‌


Other News

  • പിടിയിലായ ഐ.എസ് ഭീകരരെ യൂറോപ്യന്‍ രാജ്യങ്ങള്‍ വിചാരണയ്ക്ക് വിധേയമാക്കണമെന്ന് ട്രമ്പ്
  • വെനസ്വേലയിലേക്ക് അമേരിക്കന്‍ യുദ്ധ വിമാനങ്ങള്‍ ദുരിതാശ്വാസ സഹായങ്ങള്‍ എത്തിച്ചു തുടങ്ങി
  • ലൈംഗിക ചൂഷണം: മുന്‍ അമേരിക്കന്‍ കര്‍ദിനാളിനെ പൗരോഹിത്യ പദവിയില്‍ നിന്ന് നീക്കം ചെയ്തു
  • അതിര്‍ത്തി മതിലിനുള്ള ഫണ്ട് കണ്ടെത്താന്‍ നാഷണല്‍ എമര്‍ജന്‍സി പ്രഖ്യാപിച്ച് ട്രമ്പ്; വരാന്‍ പോകുന്നത് നിയമ പോരാട്ടം
  • സ്വയം പ്രതിരോധിക്കാൻ ഇന്ത്യക്ക് അവകാശമുണ്ടെന്ന് അമേരിക്ക
  • ചിക്കാഗോയിൽ നിന്ന്​ 65 കിലോമീറ്റർ അകലെ അറോറയിയില്‍ വെടിവെപ്പ്; അഞ്ച്​ മരണം
  • മതില്‍ വിഷയത്തില്‍ രണ്ടും കല്‍പിച്ച് ട്രമ്പ്; ഫണ്ട് വക മാറ്റി ചെലവഴിക്കാന്‍ പ്രസിഡന്റിന് അധികാരമുണ്ടെങ്കിലും ജനപ്രതിനിധി സഭ നോക്കിയിരിക്കില്ല
  • സിറിയയില്‍ നിന്നുള്ള സേനാ പിന്മാറ്റം; ട്രമ്പിന്റെ തീരുമാനത്തോടു വിയോജിപ്പു പ്രകടിപ്പിച്ച് മിഡില്‍ ഈസ്റ്റിലെ അമേരിക്കന്‍ ജനറല്‍ രംഗത്ത്
  • ഷട്ട്ഡൗണ്‍ ഒഴിവാക്കാന്‍ ബോര്‍ഡര്‍ സെക്യൂരിറ്റി ബില്ലില്‍ ട്രമ്പ് ഒപ്പുവയ്ക്കും; നാഷണല്‍ എമര്‍ജന്‍സി പ്രഖ്യാപിച്ച് അതിര്‍ത്തി മതിലിനുള്ള ഫണ്ട് കണ്ടെത്തും
  • ഷിക്കോഗോ സീറോ മലബാര്‍ കത്തീഡ്രലിലെ പുതിയ വികാരിക്ക് സ്വീകരണം
  • ധര്‍മ്മ സംവാദ പരമ്പരയുടെ സമാപനം ന്യൂയോര്‍ക്കില്‍
  • Write A Comment

     
    Reload Image
    Add code here