ഹൂസ്റ്റണില്‍ മലയാളി യുവ എന്‍ജിനിയര്‍ വെടിയേറ്റ് മരിച്ചു

Mon,Aug 20,2018


ഹൂസ്റ്റണ്‍: ഹില്‍ക്രോഫ്റ്റിനടുത്തുള്ള സെന്റ് തോമസ് മൂര്‍ പള്ളിയില്‍ പ്രാര്‍ഥനയ്ക്ക് എത്തിയ ശേഷം മടങ്ങാന്‍ തുടങ്ങിയ മലയാളി യുവാവ് വെടിയേറ്റ് മരിച്ചു. മെയര്‍ലാന്‍ഡില്‍ താമസിക്കുന്ന കോതേരിത്തറ ചാള്‍സാണ് (37) ദാരുണമായി മരിച്ചത്. ഞായറാഴ്ച രാത്രി എട്ടരയോടെയാണ് സംഭവം.
പള്ളിക്കു സമീപമുള്ള റോഡിലാണ് ചാള്‍സ് കാര്‍ പാര്‍ക്ക് ചെയ്തിരുന്നത്. മോഷണത്തിനു ശ്രമിച്ച അക്രമി വെടിവയ്ക്കുകയായിരുന്നുവെന്ന് കരുതപ്പെടുന്നു. സംഭവത്തിന് ദൃക്‌സാക്ഷികളാരുമില്ല. കാര്‍ തുറന്നു കിടക്കുകയായിരുന്നു. ആരോ അറിയച്ചതനുസരിച്ച് പോലീസ് എത്തിയാണ് കുടുംബാംഗങ്ങളെ വിവരം ധരിപ്പിച്ചത്. ചാള്‍സിനെ മൊബൈലില്‍ കിട്ടാതെ പരിഭ്രാന്തരായി ഇരിക്കുമ്പോഴാണ് നടുക്കുന്ന വാര്‍ത്ത എത്തിയത്. മൃതദേഹം പോസ്റ്റ്‌മോര്‍ട്ടത്തിനു ശേഷം ചൊവ്വാഴ്ച വിട്ടുകിട്ടുമെന്ന് കരുതപ്പെടുന്നു.
എന്‍ജിനിയറായ ചാള്‍സ്, ബോസ്റ്റണില്‍ താമസിക്കുന്ന എറണാകുളം കോതേരിത്തറ റാഫി - ആലീസ് ദമ്പതികളുടെ മകനാണ്. ഭാര്യ സീന. വി.വി. ബാബുക്കുട്ടി സി.പി.എ യുടെ മകളാണ് സീന. ചാള്‍സിന്റെ ഇളയ സഹോദരന്‍ എമില്‍ ന്യൂജേഴ്‌സിയില്‍ സി.പി.എ ആണ്.
പൊതുദര്‍ശനം ഓഗസ്റ്റ് 22 ബുധനാഴ്ച വൈകുന്നേരം ആറു മുതല്‍ 9 വരെ സെന്റ് തോമസ് ഓര്‍ത്തഡോക്‌സ് കത്തീഡ്രലില്‍ (2411 ഫിഫ്ത് സ്ട്രീറ്റ്, സ്റ്റാഫോര്‍ഡ്, ടെക്‌സാസ്). സംസ്‌കാര ശുശ്രൂഷ ഓഗസ്റ്റ് 23 വ്യാഴാഴ്ച രാവിലെ പത്തിന് സെന്റ് തോമസ് കത്തീഡ്രലില്‍ ആരംഭിക്കും. തുടര്‍ന്ന് സംസ്‌കാരം ഫോറസ്റ്റ് പാര്‍ക്ക് സെമിത്തേരിയില്‍ (വെസ്റ്റ് ഹൈമര്‍ റോഡ്, ഹൂസ്റ്റണ്‍).


Other News

  • ഇന്ത്യ ഉള്‍പ്പെടെ എട്ടു രാജ്യങ്ങള്‍ക്ക് ഇറാനില്‍ നിന്ന് എണ്ണ ഇറക്കുമതി ചെയ്യാന്‍ നല്‍കിയിരുന്ന ഇളവ് അമേരിക്ക അവസാനിപ്പിക്കുന്നു
  • ട്രമ്പിനെതിരേയുള്ള ഇംപീച്ച്‌മെന്റ്; വൈകാതെ തീരുമാനമെടുക്കുമെന്ന് ഡെമോക്രാറ്റ് പാര്‍ട്ടി
  • സി.എം.എ കലാമേള: സിനിമാതാരം ശിവാനി ഭായ് മുഖ്യാതിഥി
  • ഫോമ ഭവന പദ്ധതി; ന്യൂയോര്‍ക്ക് എംപയര്‍ റീജണും പങ്കുചേരുന്നു
  • കേരള ക്ലബ്ബ് 'തൈക്കുടം - ബ്രിഡ്ജ്' ഷോ നടത്തുന്നു
  • 'നിന്‍പാ' നഴ്‌സിംഗ് കോണ്‍ഫറന്‍സ് നടത്തുന്നു
  • നായര്‍ ബനവലന്റ് അസോ. വിഷു ആഘോഷിച്ചു
  • ബാസ്‌കറ്റ് ബോള്‍ ടൂര്‍ണമെന്റ്; കേരള ബ്ലാസ്റ്റേഴ്‌സ് ജേതാക്കള്‍
  • ഷെറിന്റെ മരണം: വെസ്ലി മാത്യൂസ് ദത്തുപുത്രിയെ നിരന്തരം ഉപദ്രവിച്ചിരിക്കാമെന്ന് പുതിയ കോടതി രേഖ
  • അമേരിക്കയിലക്ക് അനധികൃതമായി കടക്കാന്‍ ശ്രമിക്കുന്നതിനിടെ ഒറ്റപ്പെട്ടു പോയ രണ്ട് ഇന്ത്യക്കാരെ ബോര്‍ഡര്‍ പട്രോള്‍ പിടികൂടി
  • പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ലെ റ​ഷ്യ​ൻ ഇ​ട​പെ​ട​ൽ തെ​ളി​യി​ക്കാ​ൻ അന്വേഷണസംഘത്തിന് കഴിഞ്ഞില്ലെന്ന്‌ അ​റ്റോ​ണി ജ​ന​റ​ൽ വി​ല്യം ബാ​ർ
  • Write A Comment

     
    Reload Image
    Add code here