ഫ്‌ളോറിഡയിലെ പാര്‍ക്ക് ലാന്‍ഡിലുള്ള സ്‌കൂളില്‍ കൂട്ടക്കൊല; കുറഞ്ഞത് 17 പേര്‍ വെടിവയ്പില്‍ കൊല്ലപ്പെട്ടു, പുറത്താക്കപ്പെട്ട മുന്‍ വിദ്യാര്‍ഥി സംഹാരകനായി

Wed,Feb 14,2018


പാര്‍ക്ക് ലാന്‍ഡ് (ഫ്‌ളോറിഡ): അമേരിക്കയെ നടുക്കി ക്കൊണ്ട് ഫ്‌ളോറിഡയിലെ സ്‌കൂളില്‍ കൂട്ടക്കൊല. സ്റ്റോണ്‍മാന്‍ ഡഗ്ലസ് ഹൈസ്‌കൂളില്‍ നടന്ന വെടിവയ്പില്‍ കുറഞ്ഞത് 17 പേര്‍ കൊല്ലപ്പെട്ടു. സ്‌കൂളില്‍ നിന്നു പുറത്താക്കപ്പെട്ട മുന്‍ വിദ്യാര്‍ഥി നിക്കോളാസ് ക്രൂസാണ് സംഹാരകനായത്.
സ്‌കൂളിനു പുറത്ത് വെടിവയ്പ് ആരംഭിച്ച 19 കാരനായ ക്രൂസ് പിന്നീട് സ്‌കൂള്‍ കെട്ടിടത്തിനകത്തു കടന്ന് തലങ്ങും വിലങ്ങും വെടിവയ്ക്കുകയായിരുന്നു. സ്‌കൂളിനു പുറത്ത് മൂന്നു പേര്‍ കൊല്ലപ്പെട്ടപ്പോള്‍ കെട്ടിടത്തിനകത്ത് 12 പേര്‍ക്ക് ജീവഹാനി സംഭവിച്ചു. പരിക്കേറ്റ രണ്ടു പേര്‍ ആശുപത്രിയില്‍ പിന്നീട് മരണത്തിനു കീഴടങ്ങി. ആശുപത്രിയില്‍ കഴിയുന്നവരില്‍ മൂന്നു പേരുടെ നില ഗുരുതരമാണ്. വന്‍ ദുരന്തമാണിതെന്നും, വിവരിക്കാന്‍ വാക്കുകളില്ലെന്നും ബ്രൊവാര്‍ഡ് കൗണ്ടി ഷെരീഫ് സ്‌കോട്ട് ഇസ്രയേല്‍ പറഞ്ഞു. പരിക്കേറ്റ ക്രൂസിനെ ചികിത്സയ്ക്ക് വിധേയമാക്കിയ ശേഷം പോലീസ് കസ്റ്റഡിയിലെടുത്തു.
പാര്‍ക്ക്‌ലാന്‍ഡിലേക്ക് മയാമിയില്‍ നിന്ന് ഒരു മണിക്കൂര്‍ ഡ്രൈവുണ്ട്. വെടിവയ്പ് ഉണ്ടായതോടെ ഡെസ്‌കുളുടെ അടിയിലും, ക്ലോസറ്റിലുമൊക്കെയായി വിദ്യാര്‍ഥികള്‍ രക്ഷ തേടി. 19 വിദ്യാര്‍ഥികളുമായി 40 മിനിറ്റ് ക്ലോസറ്റില്‍ ഒളിച്ചിരുന്നതായി ഒരു അധ്യാപിക പറഞ്ഞു. ആറാഴ്ച മുമ്പ് വെടിവയ്പ് ഉണ്ടായാല്‍ സ്വീകരിക്കേണ്ട നടപടിയെപ്പറ്റി സ്‌കൂളില്‍ പരിശീലനം നല്‍കിയിരുന്നു.


Other News

  • രണ്ടു വര്‍ഷം; തെറ്റായതോ, തെറ്റിദ്ധരിപ്പിക്കുന്നതോ ആയ എണ്ണായിരം അവകാശവാദങ്ങള്‍ ട്രമ്പ് നടത്തിയെന്ന് റിപ്പോര്‍ട്ട്
  • ഷട്ട്ഡൗണ്‍ ; ട്രമ്പിന്റെ ഒത്തുതീര്‍പ്പു വ്യവസ്ഥയില്‍ സെനറ്റ് ഈ ആഴ്ച വോട്ടു ചെയ്യും
  • മലങ്കര അതിഭദ്രാസനം സംയുക്ത ക്രിസ്മസ് - പുതുവത്സര ആഘോഷം നടത്തി
  • നിപ വൈറസ് ജീവനെടുത്ത ലിനി പുതുശ്ശേരിക്ക് ഫൊക്കാനാ നൈറ്റിംഗേല്‍ പുരസ്‌കാരം
  • ഡാളസില്‍ ടാക്‌സ് സെമിനാര്‍ വിജ്ഞാനപ്രദമായി
  • ഇന്ത്യന്‍ അമേരിക്കന്‍ വംശജയായ സെനറ്റര്‍ കമല ഹാരിസ് വൈറ്റ്ഹൗസിലേക്കു മത്സരിക്കുകയാണെന്ന് പ്രഖ്യാപിച്ചു
  • മാഗിന് നവ സാരഥികള്‍
  • കേരള സ്‌പോര്‍ട്‌സ് ആന്‍ഡ് ആര്‍ട്‌സ് ക്ലബ്ബിന് നവസാരഥികള്‍
  • ഗുഡ്‌സമരിറ്റന്‍ പുരസ്‌കാരം ഹൂസ്റ്റണ്‍ റാന്നി അസോസിയേഷന്
  • ​സ്വന്തം കുടുംബത്തിലെ നാല്​ പേരെ മൃഗീയമായി കൊലപ്പെടുത്തിയ യുവാവിനെ അമേരിക്കൻ പൊലീസ്​ വെടിവെച്ച്​ കൊന്നു
  • ഷട്ട്ഡൗണ്‍; ഒത്തുതീര്‍പ്പ് വ്യവസ്ഥ നിരാകരിച്ച ഡെമോക്രാറ്റ് നിലപാടിനെ നിശിതമായി വിമര്‍ശിച്ച് ട്രമ്പ്
  • Write A Comment

     
    Reload Image
    Add code here